Arribet lo Reviral !

Adieu colèga mexican e ara occitan

Adiu, tanben, mas botarai un bemòl : los cors que son sus PanOccitan son fachs per un tipe (Arve Cassinhac, per lo pas nomenar) que se preten linguista e que l'es pas. I a beucòp daus mòts qu'emplega qu'existen pas en occitan.
Qu'es un tipe que preten daissar tombar los mòts que semblan tròp frances.
Nonmas un exemple, que parlarà pro aus occitanistas convinçuts : utilisa degun, per "personne", per lo moment quò vai, mas per contra lo deriva en "degunal" per "personnel" e en "degunalejar" per "personnaliser"...
Crese que vau mielhs n'en rire...

Adieu, Guilhem ! Mercés plan per ta planvenguda. Es força polit d'èstre sonat occitan !

...los cors que son sus PanOccitan son fachs per un tipe que se preten linguista e que l'es pas.

Mercés plan per t'ajuda, Danís ! O sabiái pas. Urosament ai lo diccionari de Cantalausa e lo cors d'Assimil. Diga-me qué ne pensas. Las suggestions seràn plan recebudas.

Doblidèri de vos balhar qualquas donadas. Vos prègui de me desencusar.

Me dison Héctor, mas ai causit lo nom "Reviral" perqué soi reviraire e perqué vòli far las causas amb forço energia.

Soi un pauc pus vielh que los autres amics del fòrum : ai 38 ans. Lo dialecte qu'apreni es lo lengadocian, mas voldriái estudiar tanben los autres. Mon nivèl de lenga, ja o vesetz : es pusleu basic , mas vòli o melhorar. Vos prègui de m'i ajudar. Dobtatz pas a me corregir !

Es tot per ara.

Al còp que ven !

Vau jogar a mossur lo professor :

forço (grafia mistralenca) es fòrça dins la grafia classica, mas pensi que lo sabes

Jo que trobi que parlas hèra plan, amic ! Dilhèu poderei dajar de t'ajudar tà apréner drin d'occitan de gasconha

T'inquietes pas as ja un fòrt bon nivèl...

Mas per far lo professor:

Mon nivèl de lenga, ja o vesetz

Lo referent del pronom es "mon nivèl" donc es ja lo vesètz

mas vòli o melhorar

Meteissa remarca e de mai se plaça mai que mai lo pronom abans lo vèrb conjugat dins las construccions vèrb+infinitiu doc "mas lo vòli melhorar".

Per çò qu'es de las metòdas :
Lo Cantalausa es plan, un pauc cagant , mas un daus melhors.
L'assimil me sembla plan, tanben, mas s'utilisas l'Assimil lengadocian, pòdi pas tròp te dire, coneisse nonmas lo en gascon.
Lo probleme major emb l'assimil, qu'es que l'auras leu 'chabat, e aqui te faudrá trobar quauquarren mai...
Après tot lo monde trabalha, a un moment, sus lo gròs "tresor dou Felibrige" de Mistral, mas fau ben gardar a l'esperit que qu'es a basa provençala (tu aprenes, s'ai compres, lo lengadocian) e subretot que qu'es en escritura non-normalisada... fau que sias ben segur de poder n'en tirar tot çò qu'es util... fau aver, per s'i lançar, un bon niveu de lenga, a tu de veire...
Si que non, avem l'intencion de far de queste fòrom una basa de donadas de cors, as benleu vist la seccion "Cours" qu'es enquera un pauc voide. Aviá l'intencion de far, queste estiu, de cors en lemosin e en lengadocian, en m'ajudant d'una metòda (te dise pas la quala, de tot biais se tròba pus...malurosament...)...

E me sembla que fau pas aver vergonha de prener un pauc dins los amnuaus per los colegians o los liceans. Lo scolari "Oc Ben" me sembla plan, e es multi-dialectau, a çò que me smbla...

Tau Tresor deu Felibrige que cau tanben aver los mejans entau crompar...

Vertat, mas qu'es un libre que pòt se trobar dins las bibliotecas francesas. O benleu i a una possibiltat de se lo far prestar per un occitan.

Es maitot en linha : http://gallica.bnf.fr/Catalogue/noticesInd/FRBNF37258238.htm