OCCITANIA !! Forum


Vous n'êtes pas connecté. Connectez-vous ou enregistrez-vous

Bearn, Occitania, ua region d’Euròpa - 15 de mai a Pau

Voir le sujet précédent Voir le sujet suivant Aller en bas  Message [Page 1 sur 1]

Tocas-i si gausas


Leberonet
Leberonet
Bearn, Occitania, ua region d’Euròpa


Desempuish 1992, entà sauvar las loas lengas istoricas regionaus e minoritàrias, la màger part deus País d’Euròpa qu’an signat e ratificat la carta europèas de las lengas regionaus o minoritàrias. La França qu’a signat 1999 mes non l’a pas jamei ratificada. En lor mandat passat, los eurodeputats Verds/ALE1 qu’an obtiengut un estatut de cooficialitat pertocant l’Union Europèa entà las lengas gallesa, catalana, basca e galiciana. D’ara enlà l’òm
pòt adreçà’s a l’Union Europèa en aqueras lengas.

En lo « Contrat ecologista entà l’Euròpa », la lista Euròpa Ecologia ahorteish
que « La diversitat culturau, riquèr de l’umanitat que deu estar preservada. Aquera diversitat qu’ei miaçada autant plan en lo monde com en l’espaci europèu. Las lengas regionaus o minoritàrias que son majament la sòla
d’aquera diversitat. Que prepausam que la carta europèa de las lengas regionaus o minoritàrias e sia citada en lo dret europèu e que los engatjaments qui i son mentavuts e’s poscan aplicar en l’ensemble deus Estats de l'Union. »

En los Estats federalistas, las regions autonòmas europèas que devantejan en har vàler las loas especificitat, las loas lengas e las loas culturas. Audelà de la valor linguistica, har vàler l’identitat d’un territòri que permet :

  • De tornar localizar l’economia,
  • De multiplicar los circueits bracs respectuós de l’enviroament,
  • De har pravar enter los ciutadans lo sentit de víver amassa
Quan vedem las enterpresa a’s delocalizar, la joenessa en cèrcas d’un emplec deishar lo país, l’eslogan « Volem viure, tribalhar e decidir au pais » qu’ei mei que jamei d’actualitat.

L’aviéner deu Béarn e de l’Occitania que passa donc per l’Euròpa e reciprocament l’aviéner de l’Euròpa que passa peu Bearn e l’Occitania. Lo grop locau Euròpa-Ecologia que convida los bearnés entà viéner escambiar, en francés e en occitan, a l’entorn d’aqueras tematicas dab :

  • Alan ABADIE, militant associatiu bearnés
  • Yves FREYSSINIER, Secretari Adjunt deus Verds deu Bearn
  • Guilhem LATRUBESSE, candidat Europa Ecologia, secrétari federau deu Partit Occitan

Divés 15 de mai 2009 à 20 Òras 30'

sala 705, Complexe de la Republica, PAU

Que serà lo parat d’oficializar un Comitat de sosten ad aquera lista. Aqueth Comitat qu’amassarà militants occitanistas qui vòlen debàter suu cantèr politic entà que la nosta lenga e la nosta cultura e sian vertaderament arreconeishudas e qu’ajan los mejans qui cau entà las sauvar e las har vàler.

1 Verts/ALE : grop comun enter los Verds Europèus e l’Aligançan
Libra Europèa (federacion de partits de las nacions shens Estats a la quau ei membre lo Partit Occitan).
http://www.greensefa.org/

Voir le sujet précédent Voir le sujet suivant Revenir en haut  Message [Page 1 sur 1]

Permission de ce forum:
Vous ne pouvez pas répondre aux sujets dans ce forum