CONVIT
Los fòrums Euròpa Ecologia
Euròpa Ecologia Miègjorn-Pirenèus establís una mesa en debat del sieu programa per las eleccions regionalas dels 14 e 21 de Març de 2010, pr'amor d'èsser mai en adeqüacion possibla amb los constats, espèras e projèctes dels actors de terren e de l'ensemble de la societat civila. Es doncas fòrça important que siaguèssetz presents a aquel fòrum pr'amor que posquèssem enriquir lo programa de las vòstras opinions e expertisas.
Los divèrses animators e animatrices vos presentaràn las lors pistas de reflexion en relacion amb lo tèma de la cultura e de la politica lingüistica e reculhiràn las vòstras reaccions e suggestions.
La demanda culturala es al còr dels enjòcs de transformacion de la societat que fondan l'anar d'Euròpa Ecologia, tant coma l'economia e lo social. Serà, amb l'educacion, un motor poderós de la metamorfòsi de las nòstras causidas de vida, se permet a cadun de s'emancipar, d'acarar las siás visions del mond, las siás idèas, e de trobar l'autre, los autres...
A de politicas culturalas orientadas per la cèrca de " prestigi", de "resplendiment" o de "defensa" de la cultura francesa, nos agradarm mai una accion culturala productritz de relacions, que afavorís las expressions creatrices, los luòcs d'escambis e l'experimentacion, en prenent en compte las culturas dins las lors riquesas e las lors
diversitats.
Lo debat s'articularà a l'entorn dels divèrses aisses d'una politica culturala regionala : sosten a la creacion, a la difusion, democratizacion de la politica culturala sus l'ensemble del territòri, mejans d'una mesa en ret de l'ensemble dels actors culturals, desvolopament de la cultura occitana, estructuracion d'una politica lingüistica per la lenga occitana...
Los fòrums Euròpa Ecologia
Sètz convidats a venir discutir susl sicut de la cultura e de la politica lingüistica al moment del
Fòrum Euròpa Ecologia Miègjorn-Pirenèus
« Per una cultura plurala, enrasigada e en partatge »
En preséncia de BorisClaret, Guilhem Latrubesse, Isabelle Dario
lo dijòus 28 de genièr a 20:30 oras
Sala Casaus-Sala de las Fèstas de Ramonvila
Pargue Technologic del Canal
31250 Ramonvila
Nawel LAGLAOUI
Coordinacion fòrums de la Garona Nauta
nawel@europeecologie-midipyrenees.org
Tél. : 05 62 17 77 84 / 06 09 69 26 43