un noveu jornau en occitan ?

Rappel du premier message :

Veiqui 'na ideia qu'ai 'gut en legir los messatges sus la setmana. Perque pas far un jornau per los jòunes, un jornau que sera coma n'autres, un pauc Leopard Crew, un pauc Bloguitge, un pauc... bon... vesetz que !

Avem qui daus grafistas daus bons, avem tot plan d'ideias, d'opinions, ... Podem parlar de musica, d'espòrt, de festa, de l'actualitat d'un biais umoristic. Emb de braves dessenhs. Un pauc un noveu rictus occitan, quauquarren entre Fluide Glacial, El Jueves, Il Vernacoliere (http://taban.canalblog.com/archives/2008/05/27/9342891.html), ...

Bon, lo costat pratic es benleu mai complicat (los sòus que...).
Faudria benleu 'n'associacion, 'na soscripcion, ...

Que ne'n pensatz ????

Coma quò, de passar per lo fiu de la parlicada... i a de la gent permis v'autres qu'an un numerò dau "el jueves" http://www.eljueves.es/ 

Cerièra de Mai a écrit:Un multiple de 4, per exemple ?

Bona idèia ...

Coma quò, de passar per lo fiu de la parlicada... i a de la gent permis v'autres qu'an un numerò dau "el jueves" http://www.eljueves.es/

Me ! Pòde pas passar la frontiera sens 'chaptar lo darrier limèro ! Ai tanben daus albums de Historia Fermosa e Puticlub. Te los pòde passar se tu vo'es mas me los faudra tornar... Sei un pauc possessiu emb la BD...

clafotis a écrit:Coma quò, de passar per lo fiu de la parlicada... i a de la gent permis v'autres qu'an un numerò dau "el jueves" http://www.eljueves.es/

Adiu! Com Maime, que'u me crompi cada còp qui vau tà "Espanha", que's tròba qu'èi justament lo de la setmana passada, se'u vòs que'u t'envii, n'as pas qu'a'm balhar la toa adreça en privat.

Lo ton vesin a écrit:que's tròba qu'èi justament lo de la setmana passada

rhhhhhhaaaaaa !!! Perque vive tant luenh de la frontiera !!!!!!!!!!!!!!!!!

Bon alara qual es motivat e per far qué?

Ieu: un pauc de mesa en pagina
D'articles benlèu mas soi pas bon a aquò...(mas me pòdi trufar dels lemosins sus de paginas entièras...)
Un pauc de correccion linguistica (sintaxa pas ortougrafoo perque aquí...)

Dessenh se ne soi capable, una rubrica girly se jamai, PAO (mas soi pas la sola grafista de la còla…)

Gavach a écrit:(mas me pòdi trufar dels lemosins sus de paginas entièras...)

si quò fai rire, perque pas...

Jo que voi participar. Mes ne sèi pas tà qué har? Qu'èi hèra d'ideas, que coneishi plan la lenga e l'ortografia, que m'agradaré d'escriver (mes non sèi pas se soi bon entà aquo).

adixats,

aquera aventura que m'interessa. Jo que sòi interessant per eras questions d'ecologia, natura, agricultura e tanben BD.
3 o 4 numero per ans que'm pareixi deja pas mau.

a +

Bon jo soi tanben interessat, evidentament, a maugrat de mon paure nivèl de lenga ... Ei ua idèia per ua seguida d'articles, umoristics e satirics.

Se cauré benlèu montar ua associacion tà gerir la moneda e balhar un statut juridic a la causa.

Un "estrip" en òc seriá una flama idèia (tipe Peanuts, Mafalda, Macanudo)
Lo problèma es pas tant de lo dessenhar que d'atrovar de bònei galejadas que passan sus tres ò quatre encastres.

Woaw , ai un pauc abandonat lo forum e quora torni un malhum de blogs , un jornau ...tarrible!

Cerièra de Mai a écrit:Dessenh se ne soi capable, una rubrica girly se jamai, PAO (mas soi pas la sola grafista de la còla…)

Lo dessenh podi tanben mai apres , siau totalament d'acòrd ame lo Matieu , ieu podi dessenhar mai trobar leis ideias , es una autra cava...
E per la rubrica girly , te seguissi de còp cerièra de Mai !!

Vam! Que s'i parla revista e las gojatetas ne'n pòden pas mei. Que pensan pelhas, people e oroscòpe...
Non, francament, ua revista d'òmis qu'ei hòrt mei interessant: espòrt, autos, hemnas...

Perdon, perdon, perdon!

E per la playmate dau numero especiau de nadau , ieu , prepausi fredoc , en pelha , de legir son oroscòpe dins una revista people . Bona ideia non?

darboneta a écrit:E per la rubrica girly , te seguissi de còp cerièra de Mai !!

Per ara, un MP t'espèra…

Oroscòpe, per una parucion de 4 còps l'an, cal pas desconar !

E perqué pas un EROScope, quò a pas besunh d\'èsser messadièr

fredoc a écrit:francament, ua revista d\'òmis qu\'ei hòrt mei interessant: espòrt, autos, hemnas...

Eeeeeeeeeh sus queste còp te seguisse pas,
rugby, 306 tuning e la bimbo dau mès en pagina centrala de desplejar, hum !

Einucent a écrit:E perqué pas un EROScope, quò a pas besunh d'èsser messadièr

(vesi pas perqué…)

Bon, s'avetz besonh d'un joen plan joen dens lo comitat de redaccion de la revista occitano-joena, avetz pas qu'a m'ac díser, que'n soi. Pòdi hèr un esforcet en tot lengadocianejar de temps en quan, mès pas tròp sovent, non cau pas tròp desconar, quan mema.

Perque lengadocianejar ? Ieu, me desnòrdoccitanejarai pas... De tot biais, zo sabe pas far (au mielh pòde gasconejar, qu'es tot).

Quan començam de tribalhar suu projècte?

Quan començam de tribalhar suu projècte?

Ara, e per endralhar la maquina qualquas idèas d'articles qu'auriái aimat veire trachat dins la premsa:
*Mitan "fòlc" e revendicacion occitana
*Accions occitanistas atipicas (dossièr): çò que faguèron los lemosins dins lo bar, 8 ans i a lo quicòm a tolosa, occitan dins los sotals de retirada...
*Los cantons mai rock'n roll d'occitània (amb estudis sociologic): caramauç, fumel, que sai ieu...
*Canton cosina: blind test de la carnsalada occitana
*Una BD comica: Melhor e Chombí
*Ròc e occitan: una istòria impossibla?

E tanben perque pas lançar un concors de "carta grafica"? Policia d'utilizar+ títol + idèa de mesa en pagina...

E perqué se fariá pas una jos seccion del forum consacrat a aquela idèa?

Gavach a écrit:
E perqué se fariá pas una jos seccion del forum consacrat a aquela idèa?

I ei pensat, vau crear ua seccion privada, mes me cau los noms de tots los que son interessats.

Ieu…

Ieu tanben

Per ara, ei notat Cerièra de Mai, Gavach, Fredoc, e jo.

Me podes apondre tamben.

L'Òmi, me podes botar tanben; z'ai pas dich publicament, mas ai de las ideias per lo jornau !

Qu'es desjà hèit

Coma ai dit en MP a l'Òmi, vau èsser desconectada un mes, lo temps d'aver una novèla connexion (migri)
Me tendrai al fial, vos legirai reguliarament, mas postarai pas grand causa…