un noveu jornau en occitan ?

Veiqui 'na ideia qu'ai 'gut en legir los messatges sus la setmana. Perque pas far un jornau per los jòunes, un jornau que sera coma n'autres, un pauc Leopard Crew, un pauc Bloguitge, un pauc... bon... vesetz que !

Avem qui daus grafistas daus bons, avem tot plan d'ideias, d'opinions, ... Podem parlar de musica, d'espòrt, de festa, de l'actualitat d'un biais umoristic. Emb de braves dessenhs. Un pauc un noveu rictus occitan, quauquarren entre Fluide Glacial, El Jueves, Il Vernacoliere (http://taban.canalblog.com/archives/2008/05/27/9342891.html), ...

Bon, lo costat pratic es benleu mai complicat (los sòus que...).
Faudria benleu 'n'associacion, 'na soscripcion, ...

Que ne'n pensatz ????

Ua bona idèia, i ei desjà pensat, mes soi un meishant jornalista e soi jamei assabentat de l'actualitat ...

Un jornau per qui ? Per nostautis ?

Si 'ribem a ne'n far un o dos per an, avem pas mestier d'esser a fond sus l'actualitat... Pense a quauquarren de risolier subretot...

Un jornau per los jòunes occitanofones que son pas interessats per la setmana.

L'idèia es de las bonas ! Ieu tanben m'agradariá de veire de la prensa ocitana que parla de tot e de res coma lo Bloguitge !
Mon grand kif (es personal, hihi ! ^^) seriá de faire un magazine feminin en occitan, mas aquò's pas per deman !!!

Mas ton idèia es bona Maime, ai plan enveja de te seguir !

Cresi qu'es possible de començar amb una formula pas cara (una sola color d'impression), mas nos cal 2 o 4 parucions per an, segun ieu…

L'eideia m'agrada tamben ! Per l'aspiech Rictus Occitan /Fluide Glacial.

Sèm segur d'aver daus redactors e daus dessenhaires (BD) regulièrs ?

Pense coma tu m'amor, fau ne'n surtir pron per que siá pas dobledat aprèp lo prumièr limerò.

Quauqua-ren de calcular seriá la difusida, per se galerar pas a lançar de cridas a l'abonament en implorar la pietat.

Einucent a écrit:Quauqua-ren de calcular seriá la difusida, per se galerar pas a lançar de cridas a l'abonament en implorar la pietat.

Ooops ! E lo vaquí lo problèma !!

Cerièra de Mai a écrit:Ooops ! E lo vaquí lo problèma !!

Ben oc-es, me sembla, quin es comerciau dins la còla ?

(respondètz pas totes a l'encòp…)

Bon, quo es pas la prumiera vetz qu'auve parlar dau Rictus, mas los sols esemplars sus la tiala son tròp char per me, subretot per 'na revista desconeguda de mon perron.

Per lo jorneu, lo jornalet, podem benleu copiar lo noveu "divendres" que fai de la compilacion dau fluç RSS, quò per balhar dau contengut (?) e perdeque non pas far 1 o 2 numeròs pedefisats sus la tiala, per veire ço que nautres pòdem far.

l'ai pas dich mas l'eideia es de las bonas

Tiratge papier ò fanzine de bon tela-charjar ? la segonda opcion me sembla un biais de trapar un legeirac dins un prumier temps, puslèu que de se bridar a l'estampatge.

Demòra la question de trapar dau contengut regulièr, quant-ben i a 'gut de periodics associatius se restavan manca de novèutat per lo limerò d'aprèp…

Lo tiratge :

Ieu, sei mai per un tiratge papier. Mas podem començar per 'na difusida en PDF.

Mas podem far lo dos : 'na difusion larja per PDF e Internet mai 'na difusion papier (e paianta) pendant d'eveniments (coma l'Estivada o Carcassonna 2009).

Lo contengut :

Daus redactors, ne'n podem trobar emb lo Bloguitge, lo forum mai nòstras coneissenças. Daus dessenhaires... ben... compte sus v'autres...
Faudria trobar dau monde de pertot en occitània (adonc daus aranes mai daus valdencs).

La regularitat deuria pas esser un problema si avem 2 o 4 limeròs per an.

La difusida :

I a la solucion de l'abonament (per 'ver daus sòus). I a la possibilitat tanben de la difusion militanta (coma l'Age de Faire) : tu 'chaptas 10 limeròs e tu te dermerdas per los vendre. Enfin aquò depend de la fòrma que pren lo jornau.

Lo nom :

Oc-es, fau un nom au jornau e au quite project. Doas p'itas eideias :
B'alara !! (oc-es aime plan Gaston...)
VDAP (Volem Desconar Au Pais)

Idèa subèr bona. Jo tanben que'n soi assadorat de tots aqueths mèdias en occitan qui parlan de l'occitan e de l'occitanisme. Ne sèi pas çò qui vali, mes que m'agradaré de participar a aqueth projècte. Pensi que la purmèra causa a har es d'amassar los motivats per discutir de çò qui cau har, çò qui volem har...
Que soi prèste a'm desplaçar un drin.

Plan bona idèa! Me virèt ja pel cap una idèa aital mas aguèri pas jamai léser de m'i metre seriosament.

Pensi que pòt èsser una capitada se:
Se trobam lo ton juste entre la descona e lo seriós, lo "es occitan es plan" e "caça duberta als occitanistas"
Se se contentam pas d'una juxtaposicion d'articles mas qu'ensajam, per cada numerò siá d'aver de rubricas regularas, siá de trobar un tèma general.
S'avèm una cèrta exigéncia de qualitat, redacionala, linguistica e grafica
Se fasèm quicòm de nòu e tornam pas prene de subjèctes 100 còps legits (La Val d'Aran qu'es aquò, Max Roqueta o lo carnaval de limós...)

Los vièlhs tolosans (Godolin benlèu ?) se remembraràn segurament de la revista del Med'òc Tolosa (Arrevista se disiá). Èra tota plena de bona volontat mas semblava a un forra-borra d'articles mai o mens interressants (la recepta dels pescajons + un poèma, o puslèu, LO POEMA + un article militant etc...). L'interés èra flac, o cal dire... De prene coma exemple de çò que cal pas far.

Pel format pensi ieu tanben que:
pdf estampable a la debuta de telecargar + sortida papièr per d'eveniments
possibilitat d'estampar se tot vire plan

Completament d'acòrdi emb Gavach. Siáu tanben public per aquò a 100% a condicien que li ague un minimum de qualitat, e parli pas de moneda ò de qualitat dau papier qu'aquò me'n chauti, mai ben d'aquò dich çai-subre!

Mi fau gaire de lagui totun estent lo potenciau que si pòu trobar sus l'ipotèsi de tombar dins lei subjècts occitanistas poussós dins un occitan merdic e pegats ai grolas despuei 30 ans, que resumisses pron ben Gavach...

Emb aquò dobti fòrça tanben de l'interès d'un tiratge papier encuei. Mi sembla mai un pes qu'autra cauva.

fredoc a écrit:Pensi que la purmèra causa a har es d'amassar los motivats per discutir de çò qui cau har, çò qui volem har...
Que soi prèste a'm desplaçar un drin.

Segur que seriá una bona causa, per definir un contegut, e benlèu faire lo « camin de fèr » detalhat d'un numerò zèro ?

Gavach a écrit:S'avèm una cèrta exigéncia de qualitat, redacionala, linguistica e grafica

Bojarron a écrit:Siáu tanben public per aquò a 100% a condicien que li ague un minimum de qualitat, e parli pas de moneda ò de qualitat dau papier qu'aquò me'n chauti, mai ben d'aquò dich çai-subre!

La qualitat grafica e linguistica, cresi pas que pausarà de problèmas, entre totes, las competéncias i son ! Mas reaccionalas, es una autra afar… totjorn la question del contengut de definir : qu'avèm de dire ?

Se fasèm quicòm de nòu e tornam pas prene de subjèctes 100 còps legits (La Val d'Aran qu'es aquò, Max Roqueta o lo carnaval de limós...)

Vaquí una bona debuta de tièra de « çò que devèm evitar » !

Emb aquò dobti fòrça tanben de l'interès d'un tiratge papier encuei. Mi sembla mai un pes qu'autra cauva.

Demòri sus l'idèia d'un tiratge papièr, que per ieu deu èsser la tòca. D'expressions (escritas, dessenhadas ?), n'i a ja un fum sul net, de causas risolièras, d'autras mai seriosas, çò que manca, e que Maime diguèt plan, es un jornal « alternatiu a la sacro-santa Setmana ». Es per aquò que per ieu, nos cal pas perdre lo papièr dels uèlhs…

Cerièra de Mai a écrit:Demòri sus l'idèia d'un tiratge papièr, que per ieu deu èsser la tòca. D'expressions (escritas, dessenhadas ?), n'i a ja un fum sul net, de causas risolièras, d'autras mai seriosas, çò que manca, e que Maime diguèt plan, es un jornal « alternatiu a la sacro-santa Setmana ». Es per aquò que per ieu, nos cal pas perdre lo papièr dels uèlhs…

Segur qu'as rason, pasmens emb "estampatge/difusien" dins l'amira d'un alternatiu a La Setmana passes a un còst e un nivèu de trabalh ben superior. Après fai tirar, tot es possible e serà bessai un jorn d'actualitat, coma que siegue es verai que per d'eveniments grands es tras qu'important.

(tot aquò me remembra la Setmana en 2 colors…) *sospir…*

Tornem un pauc a l'idèia fondamentala:

maime a écrit:un jornau que sera coma n'autres, un pauc Leopard Crew, un pauc Bloguitge, un pauc... bon... vesetz que !

"Leopard Crew", maime?

A doblidat de z-o precisar dins son questionari coquinassonet ! ^^

Bojarron a écrit:"Leopard Crew", maime?

Qu'era per las dròllas. Mete pas de string leopard, me

De remarcas mai:

çò que manca dins la premsa occitanista son de vertadièiras criticas dels libres, disques o eveniments que sortisson. Aquí i a quicòm de far, en jogar benlèu sus l'oposicion de dos punts de vista.
En rebombir sus aquò, cal plan veire que la critica es malaisida vist que sèm un mitan pichon e qu'es colhon de s'engrunar amb de gent amb los quals nos clrà benlèu trabalhar deman... Los dos punts de vist (al mens que siá una mèrda definitiva lo discque o un cap d'òbra) permeton de dire çò que i a de dire sens tombar dins lo consensús moligàs.

Cal que la gent escriga sus çò que l'interèssa mas pas sus çò que la concernís directament, per permetre una cèrta disténcia amb lo subjècte.

Cal far quicòm de polit valent a dire aver un crew que tòca la PAO, una carta grafica e tutti quanti

Podem far un pitit ponch :

çò que voldriam :
un jornau de qualitat (articles mai la lenga), risolier, feminin, que parla de musica, de BD, emb daus dessenhs, un jornau d'Occitània tota (emb daus valdencs mai daus aranes), ...

çò que podem far : daus dessenhs, un brave vestissatge dau jornau, daus articles (mas per la qualitat linguistica, fau daus correctors), ...

Ieu, pòde far 'na cronica sus la BD. Bon, la BD occitana, i a pas beucòp de chausa...

çò que volem pas :
un jornau que parla d'occitanisme, un jornau que presenta daus poemas o daus textes literaris, un jornau que nos presenta la Vau d'Aran mai Max Roqueta, ...


D'autras eideias ?

Me sembla que cronicar los discs se fai jà quora demòra de la plaça aprèp Max Roqueta e lo cors de linguistica mas totparrièr, podria èsser de bon ajudar per los grops que nuvelan la musica en occitan.

Suèi passionat per la gastronomia dau país mas sauria pas l'apondre sens far tròp ofici dau torisme.

Benlèu 'na cronica sus los endrechs de conselhar, costat festejaire, bars, eca ...

Benlèu tamben i enserir las formuletas retengudas dins lo desplejant L'occitan au cafè segon un biais" pas totas a l'encòp" per gastar pas la campanha que s'a jà facha sus LMG e las parrièras instrodusidas per quauqu'un de n'autra vila, que permet de n'aver dins d'autres dialectes (que fau ne'n passar per la question)

un jornau que parla d'occitanisme,

Se'n pòt parlar, mas tot depen del biais de ne parlar ex:

De pas far: Encara una capitada pel festenal "paraulas d'agland" organizat pel cercle occitan "Augustin Fabre" de Mortac
De far: un article sus la plaça de las femnas dins l'occitanisme, un contest "fontan/lafont/castan"...

un jornau que presenta daus poemas o daus textes literaris,

Perqué pas mas cal far mèfi "Tè, sès pas tu qu'escribes dins lo jornal risolièr dels joves? Perqué ai un poema que ditz tot l'amor qu'ai per Mortac, dins la dralha de los d'Augustin Fabre...
-E ben, sas...

Me sembla que cronicar los discs se fai jà quora
demòra de la plaça aprèp Max Roqueta e lo cors de linguistica mas
totparrièr, podria èsser de bon ajudar per los grops que nuvelan la
musica en occitan.

O dire los que la novelan pas...

Suèi passionat per la agastronomia dau país mas sauria pas l'apondre sens far tròp ofici dau torisme.

Cossí cosinar un quicòm tradicional per 100 personas e per pas car (pas lo chicholet de segur...), los secrets de la carnsalada occitana...

Benlèu tamben i enserir las formuletas
retengudas disn lo desplejant L'occitan au cafè segon un biais" pas
totas a l'encòp" per gastar pas la campanha que s'a jà facha sus LMG e
las parrièras instrodusidas per quauqu'un de n'autra vila, que permet
de n'aver dins d'autres dialectes (que fau ne'n passar per la question)

Una rubrica linguistica, que ! L'occitan al cafè, l'occitan al repais de familha, l'occitan en garda de vista...

PS: Qual coneis "la Susmauta" fargada de las pichòtas mans d'un membre d'aqueste forum?

Gavach a écrit:Una rubrica linguistica, que ! L'occitan al cafè, l'occitan al repais de familha, l'occitan en garda de vista...

Dempuèi lo temps que demandi un lexic per insultar mas gents en occitan !

Suèi passionat per la agastronomia dau país mas sauria pas l'apondre sens far tròp ofici dau torisme.

Cossí cosinar un quicòm tradicional per 100 personas e per pas car (pas lo chicholet de segur...)

m'aurà segut queu chicholet !

Una rubrica linguistica, que ! L'occitan al cafè, l'occitan al repais de familha, l'occitan en garda de vista...

L'occitan bandat au comptador,
l'occitan per manhagar e far mina d'èsser class,
l'occitan au cuòu de las vachas,
l'occitan per insurtar los pompièrs que venen te massar en coma etilic.

E quantas de paginas ? 6 ? 20 ? 50 ? 100 ?

Un multiple de 4, per exemple ?

Cerièra de Mai a écrit:Un multiple de 4, per exemple ?