Commando Sudiste : primèra pub en occitan !

Sabi pas se passarà un jorn al fenestron, mas bon…


https://www.dailymotion.com/video/x72m5i_commando-sudiste-arrete-de-regarder_fun

« Quita d'agachar, escota, e parla la lenga »

Ai ren compres... L'ai ja vuda sus 'n'autre sit mas ai totjorn ren comprès.

Quò es per montrar 'na dròllas meitat devestuda ? o per far 'chaptar de las chamisas ?

Umor benleu, mas sexista, segur !

Per parlar propaganda, i a la pub de "Quezac" mas per los pus ancians, i a 'gut 'na pub per los formatges d'Auvernha dins las annadas 80 dau segle passat. Quela pub erá tota ne'n occitan. 3 vielhas personas sus un banc parlavan de la forma d'Ambert... Quò se 'chabava per :
- E va z-i Jan, mena l'i ta forma d'Ambert !
- E E E !

Un grand bocin de vita, sabetz !

L'ai charchada sus iotuba e dalidamocion sens granda reüssita. V'autres l'avetz cachada dins le cerveu ? sus 'na banda VHS ? Sei prenor de la chausa.

Boh sexista pensi pas, que m'agrada aqueth clip, arridolent (après podem tostemps parlar deu jòc d'actor de la gojata ..)

"Sexita" es un pauc exagerat
Quò ven benleu d'estre un chivalier rampetelat mas sens tombat dins 'na fòrma de macquartisme de la pensada, far 'na pub per de las chamisas emb daus dròlles o de las goiatas meitat nud-a-s, ne'n vese gaira de beneficis aprep lo prumier rire ! !
E faudriai pas pensar que sei geinat emb la nuditat, sei naturiste pratiquant, mas quo es desparrier.

clafotis a écrit:Ai ren compres... L'ai ja vuda sus 'n'autre sit mas ai totjorn ren comprès.

ahhh soi pas la sola lavetz !!!
Que'm pareish un pòc estranh de hèr ua pub tà véner vestits dab gent nud
( qu'es com las pubs de café, pas james arren a véder dab lo product venut ... avètz vist la darrèra pub de café dab Romulus e Remus ? )

Ah !! Es per vendre de vestit aquò

Ieu, çò que me fa rire, es qu'aparentament, es ben malaisat de trobar una frema qu'ague a l'encòp una bòna lenga e de gautas dau cuòl agradivas...

Sòfia a écrit:qu'es com las pubs de café, pas james arren a véder dab lo product venut ... avètz vist la darrèra pub de café dab Romulus e Remus ?

L'ai vut queu mandin d'anar trabalhar. Quela merda. Lo cerveu daus  propagandistas es un cerveu purit. 

figurà't que ger èi vist un tipe a pè que s'es estancat au miei de l'arrua que crotzava a la vista deu panèu publicitari de Lavazza .... e qu'a demorat estancat a espiar lo panèu pendent un long moment .... (per escadença n'i avèva pas hèra de circulacion ad aqueth moment)

Los publicistas son de dangerós personatges ^^

Veni de gaitar la pub... Francament... soi un òme e aimi las femnas (fòrça !) mas aquí aquela pub la trapi limita. Es sexista. Metre en davant de femnas desvestidas per vendre de vestits, lo mond de "Commando Sudiste" son tombats bas : sus aquest còp son tant cons coma los franceses. Me rapèla un chic l'autre inocent de "Macarèl" amb sos modèls femininins que se mòstran.
Pensi que nosautres occitans avèm besonh d'èsser mai creatius e mai intelligents per mostrar las nòstras produccions ?
Aquò es un punt de vist personal mas ieu, aquí soi geinat.

Bon, ben soi paln estonada de legir totas aquelas reaccions ! Ieu, que soi una femna, mas pas geinada, postar una pub sexista ? Vesi pas ont o seriá… se podèm pas faire un pauc d'umor, femna desvestidas o pas, amb una occitana traucada per una parisiana e que ne fa encara mai (es aquò lo risolier !) e ben…
Caldriá pas virar tristes tanpauc ! La pub a pas de granda prentencion, sonque de nos faire rire un pauc (o pas…) (bon, ben vos fa pas rire, tant pièger !)

Cerièra de Mai a écrit:Bon, ben soi paln estonada de legir totas aquelas reaccions ! Ieu, que soi una femna, mas pas geinada, postar una pub sexista ? Vesi pas ont o seriá… se podèm pas faire un pauc d'umor, femna desvestidas o pas, amb una occitana traucada per una parisiana e que ne fa encara mai (es aquò lo risolier !) e ben…
Caldriá pas virar tristes tanpauc ! La pub a pas de granda prentencion, sonque de nos faire rire un pauc (o pas…) (bon, ben vos fa pas rire, tant pièger !)

+1 (manca sus ieu que soi una femna )

Daus prepaus (e assimiliats) sexistes ne'n vese e legisse daus ben mai greu en d'autres luècs !

Segur mas reste sus ma posicion...
... sens tombat dins 'na fòrma de macquartisme de la pensada, far 'na pub per de las chamisas emb daus dròlles o de las goiatas meitat nud-a-s, ne'n vese gaira de beneficis aprep lo prumier rire ! !

Io la tròbe sens interes.
Las publicitats me fan rire daus uns còps, mas quo es sovent quand i a un umor que se restacha totjorn a l'object vendut. Aqui, fau cherchar...
Puei la lenga emplejada me fai mau a las aurelhas. Dise pas que fau forçadament un niveu de lenga remirable per far de las publicitats en occitan, mas sus las 4 frasas qu'a de dire, podriá far un esfòrç, miladiu !

Danís a écrit:Io la tròbe sens interes.

Degun dissèt qu'era esblaugissenta tampauc.
@Ceriera, qu'es pas la prumiera, mas l'occitan i es presentat d'un biais que chamnha de tot quò que se faguèt davant, solide.

Las publicitats me fan rire daus uns còps, mas quo es sovent quand i a un umor que se restacha totjorn a l'object vendut. Aqui, fau cherchar...

Lo chamison que pòrta lo jòune, es plaçat dins lo contexte que i a lo gag, fau pas querre mai luenh. Si de non se fai dau Macarel, de la mena "ieu pause davant lo plais de mon vargin per mon catalògui"

Puei la lenga emplejada me fai mau a las aurelhas. Dise pas que fau forçadament un niveu de lenga remirable per far de las publicitats en occitan, mas sus las 4 frasas qu'a de dire, podriá far un esfòrç, miladiu !

Me fai estranh tamben, fau ben dire. Mas passat Caurs, lo biais de parlar de las gents m'a pas suvent semblat naturau. Puslèu que l'esnobisme, m'agrada mielh encoratjar las iniciativas dau novèuparlaires

Sabe pas ieu ente trapar dau monde per

• se prestar au gag
  
• jugar davant 'na camera sens cabotinar
  
• ò far en occitan

L' object d'una pub es de far parlar d'ela, de ben o de mal; Remembratz vos "Deman me levi lo naut, deman me levi lo bas".

De veser totas las vostras reaccions, lo Commando capitèt son cop!!!!

Vertat

sanmarti a écrit:L' object d'una pub es de far parlar d'ela, de ben o de mal; Remembratz vos "Deman me levi lo naut, deman me levi lo bas".

De veser totas las vostras reaccions, lo Commando capitèt son cop!!!!

la goiata de la pub "deman enleve lo bas" a 'chabada sa vita dro`gada. La propaganda fa de las victimas... i a quauqueren de bon d'esperar per los actors d'aquela qui

sanmarti a écrit:L' object d'una pub es de far parlar d'ela, de ben o de mal; Remembratz vos "Deman me levi lo naut, deman me levi lo bas".
De veser totas las vostras reaccions, lo Commando capitèt son cop!!!!

I pensave tamben, suei pas lo sol de surtir de las vielharias 80's ; per contra aimariá saber quant-ben de persona se remenbran per qué era... "'Lassureur qui tient ses preomesses" me sembla.

clafotis a écrit: la goiata de la pub "deman enleve lo bas" a 'chabada sa vita drogada... i a quaqueren de bon d'esperar per los actors d'aquela qui

I a tot un fum de jòunes RPR que son cocaínomanes a 30 ans per segre lo ritme de las campanhas electoralas, qu'es pas sus quela basa que pertisse per dire que m'agrada pas los Jeunes-RPR.

Einucent a écrit:

sanmarti a écrit:L' object d'una pub es de far parlar d'ela, de ben o de mal; Remembratz vos "Deman me levi lo naut, deman me levi lo bas".
De veser totas las vostras reaccions, lo Commando capitèt son cop!!!!

I pensave tamben, suei pas lo sol de surtir de las vielharias 80's ; per contra aimariá saber quant-ben de persona se remenbran per qué era... "'Lassureur qui tient ses preomesses" me sembla.

Avenir, veire lo bilhet sus la ouisqui : http://fr.wikipedia.org/wiki/Affiches_Myriam
mas perqué sei 'na persona atgada

Einucent a écrit:

clafotis a écrit: la goiata de la pub "deman enleve lo bas" a 'chabada sa vita drogada... i a quaqueren de bon d'esperar per los actors d'aquela qui

I a tot un fum de jòunes RPR que son cocaínomanes a 30 ans per segre lo ritme de las campanhas electoralas, qu'es pas sus quela basa que pertisse per dire que m'agrada pas los Jeunes-RPR.

I a tot un fum de jòunes RPR que son cocaínomanes a 30 ans


NOOOOOOON!!!!! de drogats al RPR?????????

sanmarti a écrit:I a tot un fum de jòunes RPR que son cocaínomanes a 30 ans


NOOOOOOON!!!!! de drogats al RPR?????????

Qu'es lo fach d'i aver daus jòune que me surprend lo mai (a l'encòp l'orga jòuna es duberta juscanta 35 ans)

Marxelin a écrit:Veni de gaitar la pub... Francament... soi un òme e aimi las femnas (fòrça !) mas aquí aquela pub la trapi limita. Es sexista. Metre en davant de femnas desvestidas per vendre de vestits, lo mond de "Commando Sudiste" son tombats bas : sus aquest còp son tant cons coma los franceses. Me rapèla un chic l'autre inocent de "Macarèl" amb sos modèls femininins que se mòstran.
Pensi que nosautres occitans avèm besonh d'èsser mai creatius e mai intelligents per mostrar las nòstras produccions ?
Aquò es un punt de vist personal mas ieu, aquí soi geinat.

1/ Ne't deverés pas perméter d'insultar lo monde qui non coneishes pas.

2/ Que hès tu tà la socializacion de la lenga?

3/ Ne vedi pas perqué los occitans deverén estar mei "intelligents" (ne sèi pas tròp çò qui vòles diser) que los autes. CSprod qu'a utilizat un mejan de comunicacion tà véner los sons t-shirts. Que pòdes trobar sexista o de maishant gost, mes si foncina, tant de bon.

Qu'espèri que l'occitan entrarà mei anar mei dens lo maine de la publicitat e deu capitalisme. E que voleri que lo mitan occitanista estosse drin mei "bèstia" sovent tà utilizar un mot qui ne m'agrada pas. Mensh intelectuau anaré plan.
E que voleri que hèra d'occitanistas avossen ua desmarcha com CSprod.

Einucent a écrit:@Ceriera, qu'es pas la prumiera, mas l'occitan i es presentat d'un biais que chamnha de tot quò que se faguèt davant, solide.

Aviái oblidat la de Quézac-eau…

Einucent a écrit:suei pas lo sol de surtir de las vielharias 80's (…) I a tot un fum de jòunes RPR

Vòles parlar de l'UMP benlèu ?

Cerièra de Mai a écrit:

Einucent a écrit:suei pas lo sol de surtir de las vielharias 80's (…) I a tot un fum de jòunes RPR

Vòles parlar de l'UMP benlèu ?

Lo faguèi esprès ! aura se deu dire "Jeune Populaires" ò quauqua-ren entau dempuèi que gardèren pas "Presidentielle" dins lo nom, podria èsser "Populiste".
e au moment que ne'n frequentèi (e oc-es ...) qu'era "Jeunes-RPR".

Dins la quita expression « jeunes-RPR » i a quicòm que me truca. Mas bon, es pas lo subjèct…

Ne vedi pas perqué los occitans deverén estar mei "intelligents

E òc! Siáu bèn d'acòrdi! Es aquita lo gròs problema deis occitanistas! Avèm dau mau dei parisencs que criticam tant: siam lei mai fòrts, lei mai inteligènts. E donam de leiçons ais autres. E la lenga occitana dèu pas servir a faire de marrida pub, dèu pas èstre sexista, dèu pas èstre de drecha, deu pas èstre centralista, mai dèu èstre lo vector deis idèias lei pus progressistas, eca.
Confondèm tot: parlar occitan, far la promocion de nòstra lenga, es pas automaticament un acte politic.
L'occitanista si vòu politicament-corrèct. E s'embarra dins seis ideaus. E la Lenga si taisa pèr pas parlar mau.

gilcarr a écrit:E la lenga occitana dèu pas servir a faire de marrida pub, dèu pas èstre sexista, dèu pas èstre de drecha, deu pas èstre centralista, mai dèu èstre lo vector deis idèias lei pus progressistas, eca.

Ben, i a lo francés e l'anglés per quò, non

gilcarr a écrit:far la promocion de nòstra lenga, es pas automaticament un acte politic.

Vole pas m'esmalir un còp de mai mas, la far existar es un acte politic, quò es 'na fòrma de "pride".

gilcarr a écrit: L'occitanista si vòu politicament-corrèct. E s'embarra dins seis ideaus. E la Lenga si taisa pèr pas parlar mau.

Beucòp de comentaris on portats sus la representacion sexista dins la propaganda (propaganda es pas un mot ultragauchiste mas la definicion balhada per lo creator de las relacions publicas Edward Bernays http://rapieta.nireblog.com/post/2008/04/21/baillargeon-per-la-tuta-de-la-bas )

clafotis a écrit:

gilcarr a écrit:E la lenga occitana dèu pas servir a faire de marrida pub, dèu pas èstre sexista, dèu pas èstre de drecha, deu pas èstre centralista, mai dèu èstre lo vector deis idèias lei pus progressistas, eca.

Ben, i a lo francés e l'anglés per quò, non

Qu'es qué que sia!!!
Que participas a embarrar la nosta lenga e a la har morir.

Pas òsca!