Accueil
Apès aver jogat en Lengadòc, en Gasconha e en Provença, lèu lèu l’Equipa d’Occitània jogarà dins las valadas occitanas d’Itàlia. Lo 8 de novembre que ven, la Seleccion d’Occitània de fotbòl va rescontrar son melhor adversari : Monegue. Lo rescontre es previst dins l’encastre de la Fèsta de Lo Dalfin, a l’estadi comunal de Caralh (Caraglio), dins la Val Grana, a 3°00 del tantòst.
(BMP)
La darrièra confrontacion d’Occitània e de Monegue remonta a 2006 del temps de la primièra edicion de la Viva World Cup (« Copa del Mond » pels territòris non-reconeguts per la FIFA) a Ièras, en Occitània. A l’epòca Monegue s’impausava 3 a 2. Quitament se lo nivèl d’aquelas doas Seleccions es gaireben lo meteis, jamai los de l’Association Occitana de Fotbòl ganhèron pas (0-0 puèi 2-1 en 2005 e 3-2 en 2006).
Dempuèi, la Seleccion es estada tornada bastir. De novèls jogaires se son ajustats. L’encadrament esportiu es estat afortit e l’experiéncia de còla acrescuda. Lo temps es segurament vengut enfin per Occitània de víncer Monegue !
De notar qu’aquela partida se fa en collaboracion amb lo Dalfin que serà tanben present sus l’estadi de Caralh per jogar l’imne occitan, lo Se Canta.
Alara venètz nombroses a Caralh! Venètz sosténer vòstra Còla, la Còla d’Occitània!
Per mai d’entressenhas: 06.88.77.01.57
(BMP)
La darrièra confrontacion d’Occitània e de Monegue remonta a 2006 del temps de la primièra edicion de la Viva World Cup (« Copa del Mond » pels territòris non-reconeguts per la FIFA) a Ièras, en Occitània. A l’epòca Monegue s’impausava 3 a 2. Quitament se lo nivèl d’aquelas doas Seleccions es gaireben lo meteis, jamai los de l’Association Occitana de Fotbòl ganhèron pas (0-0 puèi 2-1 en 2005 e 3-2 en 2006).
Dempuèi, la Seleccion es estada tornada bastir. De novèls jogaires se son ajustats. L’encadrament esportiu es estat afortit e l’experiéncia de còla acrescuda. Lo temps es segurament vengut enfin per Occitània de víncer Monegue !
De notar qu’aquela partida se fa en collaboracion amb lo Dalfin que serà tanben present sus l’estadi de Caralh per jogar l’imne occitan, lo Se Canta.
Alara venètz nombroses a Caralh! Venètz sosténer vòstra Còla, la Còla d’Occitània!
Per mai d’entressenhas: 06.88.77.01.57
