Presentacion

Planvengut aci Danis!

E mercés per la toa ajuda! ( Qu'espèri que ne hèi pas trop de fauta !... ^^')

Jo mescla tot de cops dab lo Gascon e lo lengadocian!

Mesclar lo gascon e lo lengadocian qu' es pas grèu, fau se dire que tots los dos son fòrmas d'occitan, qu'es a dire que fin finala i a pas fòrça diferencias entre los dos...
Quan aprenes l'occitan, la chausa la mai importanta a la debuta qu'es de se far comprener per lo monde. En generau, se as l'occasion de parlar coma un occitanista de la "new generation", que l'a après en cors, i aurá pas de problemas. Dins tots los cases, fau pas esitar a demandar a ton interlocutor un mot que te manca, o a li demandar de t'explicar un mot que comprenes pas. I a totjorn de mots tipics d'un parlar que lo monde comprenen pas...
E en mai d'aquò, ses qu'en prumièra anada...
Ieu te conselhe, se as l'ocasion, d'escotar cançons en occitan e d'ensaiar de las transcriure, te fará trabalhar a l'encòp l'orau e l'escrich.
P.S : As pas mejan de far venir los autres de prumièra anada sus lo forum ? Siriá plan d'aver tot lo monde...

Oc, qu'ei vertat. Escotarèi a l'ocasion cançons en occitan e ensajarèi de legir quauques libres en occitan!

Hum, ei de mei en mei l'impression que soi tota sola en prumièra anada... alavetz... sabi pas trop...

Per te dire, ai tanben l'impression que ses tota sola en prumièra anada...
Vertat que vesem pas jamai los autres... Vòle pas criticar, mas i a benlèu un manca d' engatjament occitan...
Après, qu'es benlèu pas possible de fargar de ligams fòrts coma tot lo monde...
Remarca, nautres, en segonda anada, avem pas fach grand-chausa per vos aculhir e vos integrar, e las tresenas anadas encara mens...
Regrete aquò, e vòle ben que quauqun me balha una ideia per 'ribar a amassar tot lo monde...

vertat que dens las autas classas a l'uni bordèu3, i a un engatjament occitaniste deus hòrts e ua consciéncia linguisticò-nacionau de las pregondas.... non poden pas mei sortir dens bordèu o dens la quita gasconha sancera shens de véder los deu Med'òc qui son a manifestar o escríver sus las parets d'eslogans militants o a miar d'actes deus marcants e deus mediatisats............ l'engatgament deus de dusaua e tresaua annada que'n ei quitament a passar dens lo lexic proverbiau occitan : "engatgat com un med'òcan", com dísen los vielhs deu mon parçan....

Non, vertat, lo Danís qu'as rason.
Que pòdi balhar mon testimoni.
Haut o baish, en çò deus 3aus e 2das annadas, i a quauquarren que n'ei pas jamei vist aquèra 1èra annada ....