Aquò se passa pas en Gasconha mes en America deu Sud.
La grana seuva, tots los bòsc que brulan de pertot : totas las bèstias que huégen com perdudas en tot córrer o volar end'escapar au huec que crama tot. Sol un auseròth pas mes gròs qu'ua hava, un colibri, se'n va au fluvi, a l'Amazòna e a cada viatge geta ua goteta d'aiga end'amortir lo huec.
-Praube malurós,ce ditz quauqu'un, tribalhas end'arren, tot ei fotut. Perqué te balhas tant de pena ?
-Pr'amor qu'atau, jo qu'aurèi hèit la mia part deu tribalh.
Lo Ramonet a hèit e contunha de hèr la sua part. Ne'n coneishèn totes atau qu'an tostemps balhat de bon còr deu son temps e de la soa pena ende la lenga e la cultura mairala. Que nos hèn un pauc vergonhós pr'amor que nos disem que nosauts n'avèmpas hèit tot çò que podèvam.
Mes los libes deu Ramonet son plan mes que tres gotas, son tres barricas pleas que haràn com lo son armanhac, que prengueràn gost, sabor e valor dab lo temps qui passa e passarà.
Claude Pierson, prefaci deu libe deu Ramonet deu Pè de la Vit, Mestièrs fotuts e fotuts mestièrs.
La grana seuva, tots los bòsc que brulan de pertot : totas las bèstias que huégen com perdudas en tot córrer o volar end'escapar au huec que crama tot. Sol un auseròth pas mes gròs qu'ua hava, un colibri, se'n va au fluvi, a l'Amazòna e a cada viatge geta ua goteta d'aiga end'amortir lo huec.
-Praube malurós,ce ditz quauqu'un, tribalhas end'arren, tot ei fotut. Perqué te balhas tant de pena ?
-Pr'amor qu'atau, jo qu'aurèi hèit la mia part deu tribalh.
Lo Ramonet a hèit e contunha de hèr la sua part. Ne'n coneishèn totes atau qu'an tostemps balhat de bon còr deu son temps e de la soa pena ende la lenga e la cultura mairala. Que nos hèn un pauc vergonhós pr'amor que nos disem que nosauts n'avèmpas hèit tot çò que podèvam.
Mes los libes deu Ramonet son plan mes que tres gotas, son tres barricas pleas que haràn com lo son armanhac, que prengueràn gost, sabor e valor dab lo temps qui passa e passarà.
Claude Pierson, prefaci deu libe deu Ramonet deu Pè de la Vit, Mestièrs fotuts e fotuts mestièrs.