Morra

Adieu en totei,

Un juec ben de bòn occitan, dau país Gavòt : la Morra
Vaicí lo liame : http://perso.orange.fr/mourra

Amistats occitanas

Bon, plan, mas comprene pas lo principi dau juec...

hmm... per assajar de far mai clar, ti cau anonciar un nombre en mostrant d'unei dets, se la soma dei dets de ton partenari emb la tieuna fa lo nombre qu'as anonciat as ganhat, es un juec d'asard emai li aguesse quauquei tecnicas emb la costuma. Ti remandi a la partida explicativa dau juec sus lo site, e ai videos que serà bessai un pauc mens escur!
Es un juec risolier (emai se foguèt enebit dins leis annadas 50 talament fasián de bosin e si bacelavan en jugant...) qu'a lo meriti de s'ausir soncament jugat en lenga nòstra

Es pas puslèu italian la morra ? Creses ben de bòn que lei sicilian juegan a n'un juec gavòt ? Cresi que son leis imigrats de l'autre costat deis aups que l'importèron dins aups-marinas hè...e pas lo contrari.
Empacha pas qu'es un juec fòrça impressionant de veire jugar, de segur.

Se jòga pas atanben en corsega?

Al licèu jogavem a un jòc semblant, la ponheta (en òc dins lo tèxt). Se jogava amb de pèças qu'amagavas dins la man mas lo principi èra lo meteis.

Si li juega en Itàlia de segur, mas lo juec es ren especificament italian. Lo cauva es ren de saupre se lei sicilians juegan a un juec occitan, juegan a la morra a son biais, pas mai.
Leis egipcians li jugavan, lei gregos, lei romans, lei chinés, francés... ara encara lei còrsos, leis occitans, lei catalans, lei bascos, leis italians... Es un juec puslèu mediterranèu, l'origina precisa dau juec la sabem pas pensi, la constatacien es simplament qu'en Occitània si li juega d'un biais especific, en occitan, e notadament en país Gavòt.

@ la revista

Me sei entresenhat, e la morra es passada per l'Italia avant de ribar en França, per io qu'es pas un juec fòrça occitan, mai mediteranean.

Qu'es vrai que me fa tanben pensar au juec qu'apelem chas io la "poupougne" en francés, e que se juga emb de peças de monedas (e tene a dire que quò marchava miei dau temps daus francs... )
Sembla qu'es coma ta "ponheta", Gavach...

ai un bon amic que vèn dau Friol, region particularia d'Italia dau Nord Est (emb sa lenga friolana -'quela de Pasolini-, la fiertat de la parlar e tamben un statut administratiu regionau un pauc speciau, coma la Sardenha e la Sicila...), mon amic juga a la morra (crese que l'escriven coma 'quo), 'qu'es 'na tradicion d'engueras plan plan viva, tots los jounes li jugan dins los cafes d'a Udine e mesme beleu Trieste...eu a ensaiat de m'aprener, ai ben compres la reulas mas 'qu'es vraiment dificiu, fau estre plan rapide, plan viu...eu gula los chifres en friolan, ben segur, e ieu ensaiava de zo far en oc...mas pensi que fau estre abituat de jugar dempuei l'enfancia o alora li jugar beucop beucop per començar d'estre un bon jogaire...

i'a un tableu dau pintre Karel Dujardin, tableu que se puot veire au Louvre, que sembla representar daus jogaires de Morra, enfin 'qu'es l'ipotesa la mai sovent admesa...
per aver 'n'explicacion de la tela:
http://www.louvre.fr/llv/oeuvres/detail_notice.jsp?CONTENT%3C%3Ecnt_id=10134198673226350&CURRENT_LLV_NOTICE%3C%3Ecnt_id=10134198673226350&FOLDER%3C%3Efolder_id=9852723696500813&fromDept=false&baseIndex=24&bmUID=1181034873828

per veire la tela en bela dimencion:
http://www.insecula.com/oeuvre/photo_ME0000058532.html

Gavach a écrit:Se jòga pas atanben en corsega?

Al licèu jogavem a un jòc semblant, la ponheta (en òc dins lo tèxt). Se jogava amb de pèças qu'amagavas dins la man mas lo principi èra lo meteis.

Sabia plan qu'avias començada la ponheta al liceu, del temps ont avias pas encara tastada a las cabras del pais gavach

Potons

Cedric