Lengas regionalas dins la constitucion : es fach

http://www.laprovence.com/articles/2008/07/22/520101-A-la-une-n-Reforme-des-institutions.php

http://www.agencebretagnepresse.com/fetch.php?id=11583&title=Langues%20r%C3%A9gionales%20:%20la%20satisfaction%20de%20Marc%20Le%20Fur

Es pas una palha !

Servirà a res, malurosament. França vòl totjorn pas signar la carta de las lengas minoritàrias e son pas dos mots dins las pringondors de la constitucion que cambiaràn quicòm

Avèm ganhat, avèm ganhat, avèm ganhat la botelha!

E ara, que fasem? L'occitan es pas lenga nacionala e los occitanofones son pas mai nombroses que la setmana passada. Aquela amendament cambià pas res, e la ratificacion de la Carta Europèa cambiarià pas res tanpauc.

Cal contunhar de luchar per poder (subre)viure

Avèm ganhat un desbat al parlament e una inscripcion dins un teste juridic, amai siegue simbolic.
Se cal remembrar que la sola lei que balhèt un dreit d'aprene la lenga, un teste pro estrech mas fondamental, es a dire la lei Deixonne, foguèt adoptada a l'amagat, sens desbat : una lei panada, que.
Es lo primer còp dins l'istòria que d'elegits pòdieron s'exprimir e far ausir una vòtz mai fòrta que lo bram de la jacobinalha.
Plan segur, servira de ren s'es pas seguit d'una brava lei, una lei que balharà a l'occitan una plaça vertadiera al colegi e al licèu, e non pas aquela opcion vegonhosa d'ara.
Doncas : de seguir !

A de que serviguet la lei Deixona? A pas grand causa malurosament.

E aquel amendament servira pas a grand causa tampauc s'esperam que las callas tomban rostidas del cel, es a dire s'esperam que los elegits botan en plaça de leis (e las fasquen aplicar subretot)sens que los ajudessem un pauc....

La lei Deixonne serviguèt au mens qu'aprenguèssi l'occitan al licèu...
S'es un dreit la transmission de la lenga, alara aquò passa per una reconeissença legala melhora. Cal ben commençar endacòm ! Mas siai d'acordi ambe tu : los elegits se bolegan pas solets. E après, te caldrà bolegar lo mamot (l'Estat prigond coma lo dison los turcs).

sanmarti a écrit:(...) s'esperam que las callas tomban rostidas del cel (...)

Dins Droma, una calha es una truèja... Ne verèm pas tombar del cel tampauc !

LaurençD a écrit:una calha es una truèja... Ne verèm pas tombar del cel tampauc !

ai passat la jornada dins la creiença que per 'na part dau Lemosin, 'na truèja siguet la femela dau pòrc, mas non, qu'es la truèia o la tròia. Sem sauvat de las pas veire tombar dau ceu.

L'avançada qu'ei dilhèu istoric, mes que demora encuera un tot petit pas en davant. E avem ja dus o tres pas en darrer hèits per la lei fillon qui va empachar l'ensenhament de l'opcion occitan en collegi o licèu lèu-lèu ...

Podetz anar veder lo septicisme de partits autonomistas coma lo POc o l'UDB ...