"Ni sus las mapas, ni mai dins las memòrias, se pòt pas trobar la mendre traça de la plaça fòrta de Lobaterra. Aurà faugut queu perjamin descubert dins lo cementeri dau priorat de Merlanda, rasis Peireguers, per conéisser l'istòria e la fin de Lobaterra, la ben nommada.
Dins çò que pòt passar per una simpla istòria d'orror, fau veire tanben la quista dementa d'un òme per un chastiament digne de la fauta comesa ... Qué a donc fach o cregut far Arnaud de Lobatera per far de sa vita una chavauchada diabolica ?
En quauquas pajas breva e copantas coma una espasa, segrem Arnaud e son douç companh, Joan de l'Arribiera, sus lo chamin maudich que los menarà (ineluctablament ?) au rendètz-vos finaus ...
Sauretz, alaidonc, que vau mai oblidar Lobaterra ..."
Vaquí, qu'èra lo resumit deu quatau de cuberta, pr'amor soi pas un gran resumaire ...
Çò qu'en ei pensat :
A la debuta, que'm soi dit "n'ei pas jamai legit que que sia de Ganhaire, totun, l'i ei tocat la man mei d'un còp ad'aquest òmi !" Bon, segur, ren d'excepcionau, qu'es un tòca-maneta lo Ganhaire ! N'es pas per escadença s'es lo conselher generau (PS) deu canton de Brantòsme ! En mei d'aquò, qu'es medecin, donc lo tòca-man, qu'es la mitat deu mestier ... Donc ei crompar aqueth libre (e tres autes), shens saber çò qu'anavi léger. Soi estat vertaderament trucat ! Qu'es deu lemosin, mes n'ei pas avut lo mendre chepic tà compréner. (Lo Danís qu'a volgut me har passar detràs la fenestra quan l'i ei dit "c'est pas le meme limousin que ton père ! - T'es con ou quoi ? Il habite à dix kilomètres de chez moi !!! ") E lo ritme, mon Biu, lo ritme ! Ei tot legit d'un còp ! Totun, soi un fenhant, e se un libre me hé cagar, lo deishi sus la taula, a costat deu revelh, e lo tòrni préner sonque sheis més mei léu, quan passi lo còp d'escoba semestriau dens la cambra ...
Lo mei hòrt, qu'es l'istuèra. Qu'ei avut lo sentit de léger lo scenario d'un film (e d'un film deus bons !!) Deu sang, deu suspens, de la paur, se prenem d'afeccion per los personatges ... Miraudiós !
Conclusion :
Un estile aisit tà léger, un libre cort (91 paginas), ua istuèra hòrta, un prés correct (8.50 € en çò d'IDECO) (correct en comparason dab tota l'edicion occitana) : DE CROMPAR !!
Dins çò que pòt passar per una simpla istòria d'orror, fau veire tanben la quista dementa d'un òme per un chastiament digne de la fauta comesa ... Qué a donc fach o cregut far Arnaud de Lobatera per far de sa vita una chavauchada diabolica ?
En quauquas pajas breva e copantas coma una espasa, segrem Arnaud e son douç companh, Joan de l'Arribiera, sus lo chamin maudich que los menarà (ineluctablament ?) au rendètz-vos finaus ...
Sauretz, alaidonc, que vau mai oblidar Lobaterra ..."
Vaquí, qu'èra lo resumit deu quatau de cuberta, pr'amor soi pas un gran resumaire ...
Çò qu'en ei pensat :
A la debuta, que'm soi dit "n'ei pas jamai legit que que sia de Ganhaire, totun, l'i ei tocat la man mei d'un còp ad'aquest òmi !" Bon, segur, ren d'excepcionau, qu'es un tòca-maneta lo Ganhaire ! N'es pas per escadença s'es lo conselher generau (PS) deu canton de Brantòsme ! En mei d'aquò, qu'es medecin, donc lo tòca-man, qu'es la mitat deu mestier ... Donc ei crompar aqueth libre (e tres autes), shens saber çò qu'anavi léger. Soi estat vertaderament trucat ! Qu'es deu lemosin, mes n'ei pas avut lo mendre chepic tà compréner. (Lo Danís qu'a volgut me har passar detràs la fenestra quan l'i ei dit "c'est pas le meme limousin que ton père ! - T'es con ou quoi ? Il habite à dix kilomètres de chez moi !!! ") E lo ritme, mon Biu, lo ritme ! Ei tot legit d'un còp ! Totun, soi un fenhant, e se un libre me hé cagar, lo deishi sus la taula, a costat deu revelh, e lo tòrni préner sonque sheis més mei léu, quan passi lo còp d'escoba semestriau dens la cambra ...
Lo mei hòrt, qu'es l'istuèra. Qu'ei avut lo sentit de léger lo scenario d'un film (e d'un film deus bons !!) Deu sang, deu suspens, de la paur, se prenem d'afeccion per los personatges ... Miraudiós !
Conclusion :
Un estile aisit tà léger, un libre cort (91 paginas), ua istuèra hòrta, un prés correct (8.50 € en çò d'IDECO) (correct en comparason dab tota l'edicion occitana) : DE CROMPAR !!