De çò qu'ausiguèri, la Dequé (que representava Modenc) fasquèt una mena de bilanç e parlèt de "la nòstra istòria", "las nòstras rasigas", quitèt pas jamai de "lausenjar" lo passat bon ... Cohen del Partit Socialista (o lo raton coma volètz) aguèt pas tanpauc un discors virat cap a l'avenidor, parlèt mai que mai d'engimbrar d'assisas de la lenga occitana (aquò seriá revolucionari!), sabi de sorga segura que Cohen (qu'es a acabar son mandat de cònsol a Ramonvila, vilòta de la banlèga mondina) es pas gaire favorable a la lenga e a la cultura nòstras (coma un fum de socialistas), es contra Calandreta (que refusèt de far durbir una escòla Calandreta a Ramonvila e alavetz aquela escòla anguèt a la vilòta d'a costat: Castanet). Fosquèri mai "estrambordat" per Forget (MODEM) e Francés Simon (l'autra lista) qu'aguèron totis dus un discors vertadièrament virat cap a l'avenidor: nos fasquèron pas cagar ambe "lo passat e las tradicions" coma ba sap plan far l'UMPS. Vilòta fasquèt ríser la sala, diguèt 4 mots d'occitan, auriá d'idèas de las bonas (e interessantas) mas nos fasquèt cagar mai d'un còp ambe Castan, Castan e encara Castan (e Sicre tanben, anavi doblidar ...). Es estranh mas èi pas l'impression tanpauc que Vilòta comprenga vertadièrament los enjòcs de las associacions culturalas occitanas de Tolosa ... Jo, me fau de pensaments se Cohen es elegit cònsol de Tolosa (seriá una plan marrida causa per l'occitan a Tolosa), mas "es d'esquèrra", doncas tot va plan ... La Comuna de Tolosa a pas encara compres tanpauc que 4 placas de carrièra e 2 parets son pas pro per reviscolar una lenga e una cultura.
La causa la mai important (e que se'n parlèt pas) èra lo finançament de totas aquelas accions. La region Miègjorn-Pirenèus votèt al mes de decembre passat un plan de desenvolopament de l'occitan ... sense cap budgèt previst!!!!!!!!! Es un pauc se trufar de nosaus, non ??
Per acabar (ambe un punt positiu pr'aquò), es que capitèrem d'emplenar la polida sala del senescal e que los candidats son ara cogits de prene en compte la lenga e la cultura occitanas dedins la lor campanha.