Presentacion

Ai pensat a 'quèla seccion pe çò que pense pas que se tròba sus lo net una basa d'informacion de cors d'occitan per fenhants de liceans o d'estudiants... Seriosament, avem besonh d'una basa de donadas entau... Bon, per contre, sei pas tròp au punt, alara :

1°) Damande aus volontaris de se charjar daus cors dins los autres dialèctes, ieu m'ocupe, au mens per lo moment, dau lemosin (Cebolla, m'aviás dich que voliás far lo gascon...)

2°) Parte dau principe que sem jòunes occitanofònes que fan daus cors per jòunes non-occitanofònes, es a dire que i aurá forçadament de las fautas a un moment. Damande aus occitanistas confirmats que poden passar per aqui de se montrar indulgents (Que quò los empaicha pas de corregir las fautas...).

3°) Per çò qu'es de la descripcion de las regions occitanas, mas informacions son las de Pèire Bèc. Pertant, sei pas segur de la situacion de la Dròsma e de l'Ardècha dins lo dialècte provençau... Espere que quauqun m'explica la situacion de l'aupin...

4°) Vau miei botar los comentaris sus 'quèla seccion, puslèu que de nejar las fuelhas de cors...

5°) Per l'italian, espere tanben que quauqun me disse se me sei trompat...

Hèra bona iniciativa.
Desencusa me Danis mes: quin dialècte parlas (o meilèu escrivas?) S'es leosin, qu'ei estranh pr'amor que compreni tot !

Per de qué trobas estranh lo fach de comprener lo lemosin ? Qu'es de l'occitan, pas lo comprener siriá pròva qu'es una lenga diferenta...
Après, pense que la mai granda particularitat demòra dins sa prononciacion, fòrça "chiulada" (las "s" se disen "ch" e inversament).
En mai d'aquò, sei pas çò qu'un poiriá 'pelar un vertadièr lemosin : sei de Peirigòrd-Nòrd, que fa un pauc la frontièra entre lo lengadocian e lo lemosin "negre", pregond...
E coma ai començat d'aprener l'occitan a Sarlat, vila lengadociana, mon occitan es un pauc una sintaxa de lemosin emb un vocabulari un pauc mai lengadocian...
Qu'es pas simple, zo sabe...
Te sufis de saure que sei lemosin, mas apres sei pas linguista, coneisse pas tot de mon parlar (i a quitament de còps que tròbe que sei en retard), me demerde coma pòde, en prener un pauc a drecha e a gaucha, en "aisidar" mon biais de parlar per que tot lo monde comprena.

P.S : Se vòles auvir dau lemosin que trobarás incompreensible, te fau escotar Jan Dau Melhau o Bernat Combi... se as l'ocasion...

Qu'èra ua blaga :oops:
Segur lo lemosin qu'ei occitan, mes lo monde que ditz sovent qu'ei complicat de'u compréner (subertot a l'orau que pensi). Enfin lo gascon, qu'èi estranh tanben !

Que't compreni perfectament quan ditz qu'utilizas drin deus dus dialèctes, jo tanben que saji de botar vocabulari provençau (que soi de marselha) dens lo men gascon. E los que son pas contents, beh n'ei pas grèu ! L'occitan qu'ei ua lenga que cau jogar dab èra, la har evoluar !

E sustot, la har víver !

Bona iniciativa mas a tirariai la reparticion en dialècte per departament qu'es un pauc tròp simplòta:

En Losera d'exemple mai se se ditz Chantar e lo jal lo dialècte es gaireben tipicament lengadocian (plan mai que lo Sarladés o lo Montpelhierenc d'exemple).

L'ardecha es despartida entre una zòna vivaro-alpenca e una zòna lengadociana (mas coma en Losera amb CH). Vos conselhi d'anar veire l'article Bas-Vivarés de la Wikipèdia occitana.

Òc, merces per tas remarcas, ai efectivament vist que la Lozera era a mitat jos influença lengadociana...
Per contre, ai totjorn un probleme per çò qu'es de la reparticion dau Vivaro-Aupenc. Sus de las cartas i a marcat que la zòna Drosma/Aupas es en fach una zòna provençala-Nòrd (lo vivarés es aqui lo dialècte de las Valadas Italianas, e es tot). Ai seguit 'quèla interpretacion per çò que era la mai simpla, mas sei pas dau tot segur de sa vertat...
E sus Wiki, qu'es pas clar sus lo vivarés, ai nonmas trobat que qu'era de Nòrd-Occitan...
Que t'en sembla, Gavach, tu que semblas coneisser ?

Per far mon dialectològ...

En Losera se parla pas Auvernhàs (fòra benlèu doas o tres comunas): se manten las oclusivas finalas, los -s del plural, los diftongs son estables, las palatalizacions del tipe "lo lhibre" son apuc presentas etc...

Lo vivaro-alpenc se parla
Dins la part nòrd de vivarés
Dins Droma
Dins gaireben tot los alps occitans (valadas compresas): çò que sonas provençal del nòrd es de vivaro-alpenc

Enregistrat, es çò que pensava...
Bon, alara vau far las modificacions...
................................................................................................................

Qu'es fach. Mas i a quauquarren que m'embèstia un pauc : sei anat en Isera un còp, e me semblava que s'i parlava occitan, e pas Franco-Provençau. Sabe que las doas lengas son sòrs, mas tot parièr, sei casi segur que qu'era de l'occitan ! Es que quauqun poiriá m'explicar ???

La mitat sud d'isèra parla occitan...Benlèu qu'es una explicacion :lol:

AAAAh, me sente rassegurat, aviá pas raivat...
Qu'es a dire que pòde ajustar l'Isera dins los departaments de dialècte vivaro-Aupenc ?

Qu'ei hami de har la caganta... tà cambiar un drin :queen:
E podi ???

Bon ben que preni l'esquerra ( ne sabi pas briga com's dit en occitan)...
Que'm truca de reconeisher lo despartament francès pr'amor que sem occitans non ? :cherry:

Bon bon que'm estanqui aqui avans de'vs tornar hous gojats !!!

Virginia : la reina de las cagairas (cagantas o cagairas ???) !! :pirat:

Virginia ! Aqueth cors son per los debutants, per los gens que'n coneishen pas arren de l'Occitan. Com vòs que's reconeishen se comencem per lor demandar se son Gascons o Lengadociens ? Que cau emplegar un mejan geografic "universel" per la debuta ...

Rho qu'arridevi que va ... Qu'era trop "tentant" ( jjo que voli plan cors d'occitan que'n ei mei que besonh ...) !
Ne soi pas enquera totaument pintada tà tenir parladura com aquò dab deus novicas que non coneish pas de mei ! :joker:

(que'm han plan arrider aqueths smiley !!)

Qu'ac sabi ! héhé !

Confirme, los cors son per lo monde que parlan pas dau tot occitan, es a dire los que son pas dau tot occitanistas.
Los sols que reconeissen los despartaments frances, que !