Estivada 2005

Bon, d'acòrdi, qu'es pas de la creacion, nonmas de la captacion (e de meschanta qualitat en mai), mas bon, qu'es per començar... e comencem emb un bon vintenat de videòs, tot parier...

Anem, fai tirar, veiqui quauques bocins de l'Estivada de 2005 (ma prumiera), que farán tornar quauques sovenirs au monde qu'i eran...

S'avetz un probleme per legir, picatz sus lo nom de l'artiste en dejos en rotge, quò dubrirá la fenestra YouTube. Entau podretz tanben laissar daus comentaris e de las nòtas.

PEIRAGUDA

Peiraguda

E un tròc de mai :


Peiraguda

Peiraguda es un grop de Sarlat (n'en sei un expatriat, per los que quò interessa...) format i a ben 25 ans. Los dos leaders (carismatics, coma tots leaders que se respecten) Joan Bonafon e Patric Salinhié an tornat lançar lo grop en 2004, emb dos noveus musicians, Jacques Gandon (guitariste de Joan-Pau Verdier) e François Paoli (bassiste de quauques gropes dau costat de Brageirac). Qu'es 'quò l'eclectisme : un grop occitan emb dos occitans, un breton e un còrse...

E ZEZI

E Zezi

Los Napolitans d'EZezi an estat una bona suspresa en 2005. E qu'era pas ganhat, a la debuta nos avián montrat una mena de defialat militari... Mas fin finala, qu'era fòrça bolegant.

O.N.S

L'Orchestre National de Salilhes... quau brave nom... e se prenen pas per de las merdas...non, descone, qu'era plan, fau aimar lo boiradis trad/jazz, mas sabe que quand son passats au cabaret, tot lo monde dançava.

Broto-Lopez

Ah...Trobo-Lobèz..Perdon, Broto-Lopez... me damande se demòren pas a l'Estivada, a fòrça de los i veire...

Familha Artus

Pus besonh de los presentar, crese. Io tene a dire que a l'espòca trobava aquò un pauc chiant, mas ara que los ai tornats veire, quò vai plan mielhs.

Duo Tras

Enquera un acostumat de l'Estivada, Combi aqueste còp. Regrete de pas n'aver filmat mai.

LOULE SABRONDE

Loule Sabronde

N'avem desjá parlat aqui, donc dirai ren de mai.

TAMBUST E TAMPONA

Tambust E Tampona

E una banda occitana, una ! E una de qualitat, aqui, los ai seguit dins las ruas de Rodès, dins lo merchat (casiment dins lo subremerchat...) e tot.

XAVIER VIDAL

Vidal

I aviá dau monde per dançar au son dau violon vocau o de la votz violonosa de Xavier Vidal 'queu jorn. Sabe, quò vòu ren dire, mas faliá i esser per comprener...

TENAREZE

Tenareze

Bon, sei desolat, mas qu'es un daus sers ente pòde pas tròp ren far, e aqui, aviá las mans plenas ( ), podiá pas tròp filmar, donc perdon per los que n'aurián vòugut un pauc mai...

LHI JARI

Lhi Jari

E, coma qu'es lo concert qu'ai lo mai filmat, n'ai fach doas partidas :


Lhi Jari

Ilhs an botat lo fuec, e qu'era pas previst a la debuta, puei que degun lo coneissiá tròp. Apres, per contra, son devenguts d'estars... Mas conselhe melhor de los veire en concert, sus CD qu'es mens bon, tròbe.

SARG

Sarg

Sarg, qu'es un pauc coma las blagas grassas de Cedric : una o doas quò vai, mas n'i a que son vertadierament pesugas... En fach, çò qu'es bon es bon, e çò qu'es meshant l'es fòrça...

XARNEGE

Xarnege

Que dire, que dire ? Quò m'aviá bien plagut. Qu'es tot. Notaretz la compausicion dau grope.

LO CÒR DE LA PLANA

Cor de la Plana

Perdon per la qualitat de l'imatja, i aviá dau monde...en mesme temps, qu' es bon signe, tròbe...

Podretz tornar trobar sus un autre subject (vau pas subrecharjar queu qui) l'integrala dau Cabaret d'Òc de l'Estivada 2005, siá una ora de "boeufs", de concerts, de danças e de...Cauhapé...
E, plan segur, l'Estivada 2006 será en linha leu, en vos far pacientar per la de 2007.

Pus besonh de los presentar, crese. Io tene a dire que a l'espòca trobava aquò un pauc chiant, mas ara que los ai tornats veire, quò vai plan mielhs.

E ieu, tròbi aquò totjorn tant inaccessible a mas pauras aurelhas...

Danís a écrit:
Sarg, qu'es un pauc coma las blagas grassas de Cedric : una o doas quò vai, mas n'i a que son vertadierament pesugas... En fach, çò qu'es bon es bon, e çò qu'es meshant l'es fòrça...

Adieu,

Aquò es risolier, saps que comenceri mas primieras emissions de radio en lenga nòstra sus Radio Occitania far 8 ans amb Sarg, e en aprofiechi per diser (lo podi diser aici, i digueri de cap) qu'es qualqu'un que se melhoret amb las anadas, perdet un drin en closque e ganhet en umilitat, aprep de vertat que ço que far Florant es de còps escur, aprep qual de tot

Amistats

Cedric

E ieu, tròbi aquò totjorn tant inaccessible a mas pauras aurelhas...

Parlas de la Familha Artus ???!!!

Matieu a écrit:

E ieu, tròbi aquò totjorn tant inaccessible a mas pauras aurelhas...

Parlas de la Familha Artus ???!!!

La familha Artús ? Mes que son tarribles !

Daissatz, qu'es un vielh, compren pas ren a la musica daus jòunes...

Danís a écrit:Daissatz, qu'es un vielh, compren pas ren a la musica daus jòunes...

Es plan connegut, es un boçin coma los afogats de Dub...saps de que dit un afogat de dub que ten pas mai de maria de tubar? de qu'es aquò aquela musica de merda IOI

Aprep francament, en ço que concernis Familha Arthus, confessarai que tan son simpatics (quitament se los coneissi pas fòrça, fòra de Ninòta qu'en far pas mai part dempuei un briu) mas que musicalament es pas mon trip (un boçin coma Gadalzen a la diferencia qu'ai l'impression que Hamilha Artfus tenon mens lo clòsque que Gadalzen)

Amistats

Cedric

Aquò de segur que Gadalzen "tenon lo clòsque" ! Dirai pas lo contrari.
Mas vese pas comprene pas dau tot perque boiras Gadalzen e Artus.
I a un temps (quand Ninòta era dedins, per exemple) que fasián mai trad. Aqui, se veu sus la videò, quo era lur chanhament, una mena de transicion.

Perque ara t'assegure, i a pus una sola diferencia entre los dos : Gadalzen a fach evoluir son trad devers una musica de salon de bòbos parisencs, e Familha Artus l'an fach venir mai populara, a destinacion d'un public qu'escota mai de punk, de ròck e de chausas entau (espere l'avis de Ceba E Roi, per plan far).

Sabe pas dempuei quora los as pas vists, mas t'assegure qu'an chanhat.

Que'us ei vist dives, e francament, soi estat trucat ! Qu'es totjorn ua mena de trad, mes atencion, quin trad ! Lo que tòca la vièla qu'a un biais de jogar vertaderament ginhèc. Se tot los que's botan a la vièla passan au mensh per ua apròcha de la soa tecnica, alavetz la vièla qu'a enqüèra quauques dias tà viver.

Per vos respondre a totes dos, leu dit, leu fach, ai pas jamai vist Familha Artus en concert me fisi a ço qu'ausigueri sus disc (que lo confessi a benleu un costat trop, coma diser... esperimentau per ieu) aprep de vertat que l'espròva vertadiera es sus l'empont (e marcha dins los dos sens d'eisemple Du Bartas me daisset sul cuòl sus disc, es tribal ten de nhaca e de vam, sus empont (benleu la pèca del material sono del vilatge occitan de la Feria biterenca) m'an daissat sus la meuna talent.

S'ai comparat amb Gadalzen es per de que eran a la debuta debuta (l'ai ai entrevistats far 7 ans al mens) eran un boçin dins una dralha experimentala (se pren Chronomatopees i'a bonas causas dessus trapi).

En ço que concernis la viola, trapi tanben qu'es usitada d'un biais interessant dins F.A, çaquelà pensi que setz un fùm aici de saber que soi pas objectiu sus aquel instrument e que teni mon còr (e mon professor quora aurai leser e la moneda per crompar la "tortuga") al can opausat de Gasconha, del costat
de Caraglio.

Aprep coma l'ai dit, tan F.A es pas quicòm que m'afoga sus disc, çaquelà m'empacha pas de lo difusir e d'en faire reclama e en cal per totas las tastas (manca juntiament encara causas, coma musica electronica (i'a Arvei T mas caldria mai) de rap (seguissetz mon agach, i'a que sabon faire e que devon esser inspirat pels testes d'aquela passa que "lo verin lor ponha l'avelana"), mas causas fach per monde qu'aimon e qu'evoluisson dins aquela mena de musica pas un "OccitaGNA" bis.

Bon m'arresti aquì que si de non vau acabar per diser que los quites Faydits son necites

Cedric

Se tot los que's botan a la vièla passan au mensh per ua apròcha de la soa tecnica, alavetz la vièla qu'a enqüèra quauques dias tà viver.

Malurosament, tot lo monde n'a pas lo nivèu deu Baudoin ..

Joan Cavalièr, a per un còp ( ) resumit tot çò que voliái dire sus FA:
Fan de bona musica mas m'agrada pas.
Son pas tr`p putassièrs dins lo lor biais (son pas dins la dralha faudemusicaenpatuesmasregantisuslosqueparlanedefendonaquelalenga coma d'autres que lo Danís n'a mes de videos).

Aprèp se me disètz que son venguts mai punks...En tos cas valon pas FELIP VIALARD. (De descubrir los joves).

Gavach a écrit:Aprèp se me disètz que son venguts mai punks...En tos cas valon pas FELIP VIALARD. (De descubrir los joves).

Vialard, ai escotat una o doas chançons leu fach, mas lo bòte au mesme niveu que Luc Aussibal, e Luc Aussibal es per io nonmas un pitit pauc en dessus de Joanda, e Joanda, tròbe domatge que sos discs sián tròp chars, si que non, m'entrainariá a la chaça dessus ("Pola" !")...
Qu'es clar ? Bon, espere d'en auvir mai de Vialard per veire...

Son pas tròp putassièrs dins lo lor biais (son pas dins la dralha faudemusicaenpatuesmasregantisuslosqueparlanedefendonaquelalenga coma d'autres que lo Danís n'a mes de videos).

Parlas de... Loule Sabronde ? Avem desjá parlat de queu probleme alhors, non ?
N'i a d'autres, dins los qu'ai botats que fan entau ? Io pense pas, e espere que non.