Lo clavièr en òc

Ta'us que volen escriure en òc, mes que son tostemps ahiscats per lo clavièr frençés, vaqui un ligam hèra utile :

http://www.panoccitan.org/clavier/

Qu'es un pilòta que vos ajudarà tà las letras accentuadas comme ó ò í á.

Podetz en profitar per visitar lo siti, qu'es deus bons.

Vaqui lo logiciau que me mancava... Vertat, foncciona plan, pren pas de plaça. E i a d'autras chausas utilas sus quèu siti.

Apres detz jorns d'utilisacion, que pòdi confirmar : que marcha plan !

Bon, desencusatz-me. Qu'avèvi ditz que panOccitan era un siti deus bons, que'm soi trompat ...
Aqueth siti qu'es hèit per mossur Cassignac, un tipe que se ditz lenguista e que vòu sortir de la nosta lenga tots los mòts que hasen un chic tròp francés ... Causa stupida, pr'amor l'occitan es, coma lo francés, ua lenga latina ...

Vaqui un article trobat dens lo numerò 32 deu Prerafaelita Tibetenc. Qu'es signat Somebody is nobody ! (Que'm demandi qui pòt estar aquèth tipe ...)



Siquenon, podetz trobar quauques logiciels deus bons suu siti de Kokoyaya http://www.totenoc.org/.

per ne'n saubre mai, 'na bona critica daus logiciaus panoccitan.org...
http://taban.canalblog.com/archives/2007/04/13/4617033.html

Òc, qu'es la letra de Sergi Granier, que benleu quauques uns de v'autres an reçauguda. Es plan, mas s'en fau minjar un detzenat de paginas...

Aqueth tipe, Cassinhac o sei pas que, qu'a un vertader problema psicologic..

Òc, as rason, e qu'es pas una blaga, a VERTADIERAMENT un probleme psicòlogic, mas emb 'quela diferencia que queu fòu es dangierós, au mens per nautres, occitans... per la bona rason que son site es plan presentat, plan fach, plan aisat a trobar, e per 'quò lo monde que volen aprener l'occitan (coma nòstre amic Reviral) tomben dessus. E parten emb l'ideia que quela novela lenga que refusa la dialectalisacion es lo vertadier occitan...

Danís a écrit:Òc, as rason, e qu'es pas una blaga, a VERTADIERAMENT un probleme psicòlogic, mas emb 'quela diferencia que queu fòu es dangierós, au mens per nautres, occitans... per la bona rason que son site es plan presentat, plan fach, plan aisat a trobar, e per 'quò lo monde que volen aprener l'occitan (coma nòstre amic Reviral) tomben dessus. E parten emb l'ideia que quela novela lenga que refusa la dialectalisacion es lo vertadier occitan...

Adieussiatz,

Personalament e per plan coneis Arve, dintrarai pas dins la contesta (a mai que ma pausicion es ja pron esplicada sus "Mescladissa e còps de morres") çaquelà me permeti de faire remarcar qu'Arve e la còla de panoccitan an botat en plaça lo logicial de clavier e fan una newsletter cada jorn dempuei 1 an, pas qu'aquò (sortit de la contesta sus la lenguistica, que ieu soi pas lenguiste soi mac que cuni-lengusite ) merita de tirar lo capèl.

E en parlant de falordisa, cresi pas tanpauc que lo Granier siaguesse una referencia (ai agut braves escambis amb el, m'escriguet a la radio per me faire cagar sul fach qu'Arve asseguret mon interim a la radio) i responderi coma cap redactor me mandet 3 coriers de 15 paginas cadun confles d'incoerencias, de contra-sens e a la limita de l'insolenta.

Amistats

Cedric

La lonjor de las letras de Granier es devenguda legendaria...

Mas per lo moment, Cassinhac m'enmerda mai que Granier, perque es dangierós, eu ! Vòu farjar un occitan estandard, un occitan de comunicacion (coma l'ingles simplificat de comunicacion), basat evidentament sus lo lengadocian...
Io sei pas linguiste tanpauc, mas n'en sabe pro per saure que quò sonariá la fin de l'occitan, per la fin de la dialectalisacion...

Per aquò, li vau pas tirar mon chapeu, per çò que lo deuriam far a chasque còp que i a un article anti-occitan que pareis dins las revusdas parisianas, nonmas per que existen !

Danís a écrit:La lonjor de las letras de Granier es devenguda legendaria...

Mas per lo moment, Cassinhac m'enmerda mai que Granier, perque es dangierós, eu ! Vòu farjar un occitan estandard, un occitan de comunicacion (coma l'ingles simplificat de comunicacion), basat evidentament sus lo lengadocian...
Io sei pas linguiste tanpauc, mas n'en sabe pro per saure que quò sonariá la fin de l'occitan, per la fin de la dialectalisacion...

Per aquò, li vau pas tirar mon chapeu, per çò que lo deuriam far a chasque còp que i a un article anti-occitan que pareis dins las revusdas parisianas, nonmas per que existen !

Sense cercar polemicas o garolhas (pensi qu'es mai interessant d'òbrar aici per los 95% que nos acampan e non pels 5 que nos bota luènh los uns dels autres) dòs dacòs leu dit (coneissi pron Arve, soi pas d'accòrdi amb l'ensem de son trabalh, çaquelà coma l'ai dit repecti lo seu trabalh).

La question vertadiera es se qualq'un qu'es pas d'Occitania vòl aprener l'occitan i cal causir un dialecte (e forçadament lo seu professor apiejara sus las diferencias inter-dialectalas, istòria que l'òme sia plan segur s'a apres lo lengadocian qu'entendra pas un gascon o un provençal).

Ta, ièu l'idea d'un occitan globalisat (que siaguesse lo d'Arve o un autre, ta ièu, l'important es que sembla lo mai representatiu de l'ensem del pais amb a cada còp la forma la mai espandida) aquò (me vau faire tustar dessus çaquelà rai)permetria tan de balhar l'enveja al monde de se fotra a la lenga e balhara benleu tanbèn lo vàm al monde dels cantons d'Occitania de tornar parlar prener la lora lenga (continui de diser que dins las campanhas un molonas de monde de 45-50 ans an encara la lenga e de mai jovens tanbèn (quitament sense n'aver la consciencia)) e qualqu'un qu'es pas colha, s'as apres d'eisemple lo lengadocian al mens d'i fotra de marrida volontat, capitara leu se s'en va viure en gasconha entendra leu que cal diser ua fremna en plaça d'une femna).

Aprep per ço que concernis panoccitan, es coma cada glossari, liure a cadun de prener la paraula prepausada...o d'en anar querer una autra endacòn mai ieu personalament es ço que fau.

Pensi que tornarai pas intervenir sus aquèl subjecte, en teni ja pron de List-Oc soi aici mac per discutir de causas positivas interessantas e constructivas par per tornar embarar la lenga dins la sola problematica de la lenga e la cultura occitana, soi vengut aici per emplegar la lenga per parlar de causas de la vida videnta (te Maime, de que n'en pensas podria tornar botar aici lo meu dacò sus las cervesas a mai que podi apondre la cerva d'òc (sense faire lo cuca viech)


Amistats

Cedric

Ta, ièu l'idea d'un occitan globalisat (que siaguesse lo d'Arve o un autre, ta ièu, l'important es que sembla lo mai representatiu de l'ensem del pais amb a cada còp la forma la mai espandida) aquò (me vau faire tustar dessus çaquelà rai)permetria tan de balhar l'enveja al monde de se fotra a la lenga e balhara benleu tanbèn lo vàm al monde dels cantons d'Occitania de tornar parlar prener la lora lenga (continui de diser que dins las campanhas un molonas de monde de 45-50 ans an encara la lenga e de mai jovens tanbèn (quitament sense n'aver la consciencia)) e qualqu'un qu'es pas colha, s'as apres d'eisemple lo lengadocian al mens d'i fotra de marrida volontat, capitara leu se s'en va viure en gasconha entendra leu que cal diser ua fremna en plaça d'une femna).

Dilhèu me soi enganat mes compreni pas perqué un occitan globalizat balharé mei l'enveja a monde d'apréner o parlar la lenga.. Que's comprénem donc védi pas perqué cau crear ua lenga non naturau.
De mei, shens polemica, qu'ei mei aisit tà tu, lengadocian, de diser aquò, per'mor sabes plan que se un dia cream l'occitan globalizat, que serà haut o baish lo lengadocian standard.
Un gascon shens 'h' o tà, n'ei pas mei un gascon !

Completament d'acòrd emb tu, Occitan Libertari.

E un Lemosin sens los "ch", los "sch", los "zz", los "j"... bon, enfin, sens tot quò, es pas mai un lemosin...

Per picar los accents al clavièr sus un MAC :

Pels accents grèus, pas de problèma, suffís de picar l'accent (es jos la £) puèi la letra.
>> `+ o = ò

Pels aguts, l'accent se tròba amb aquela manip de clavièr : Alt + Maj + 1 (lo d'en naut, sul &), puèi, la letra tanben ! ´+ o = ó

Per picar los acents jos Linux :

áéíóú : Alt Gr + & (1) puèi la letra (fai quitament lo ý).
Fonciona tamben per las Capitalas ÁÉÍÓÚ(Ý)
siert tamben per lo ç/Ç

àèìòù/ÀÈÌÒÙ : Alt Gr + è (7) puèi la letra.
Son coneguts daus usaires Windows, existissen dins lo picador françès mas pòt servir dins daus un cas excepcionaus.

Si de non demòra de retenèr lo còde ASCII Alt + 0225 (á) eca ... mas quò vira pas jos ma Debian (?)
Mèfi que Alt + 3 chifre es 'na especificitat Windows, lo còde universau ne compòrta 4, que corresponden (sens lor 0 davant) au còde que se pòt emplejar entre [& ... ;] en html.

Fòra reglar lo clavièr sus "congo" veire 'quí, i a 'quela possibilitat maitot :

Dins Linux (Paneu KDE : configuracion > Accessibilitat > Disposicion dau clavièr. Dins lo paneu "xkb" fau cochar "xkb" e reglar la tocha "compose"). Oblidatz pas de diminuar la vitesssssssssssssssa de las tochas.
la metòda es qua'iment la mesma per Gnome.

Per usar los accents, fau far coma 'quò :

• "tocha fenestra" a ` = à
  
• "tocha ouinedoze" o `= ò
  
• "tocha m$" e ' = é
  
• "tocha òc-mas-pas-pro" O ' = Ó
  

Lo clavièr congò que marcha plan dab Gnome !

Òmi a écrit:Lo clavièr congò que marcha plan dab Gnome !

Quò es la mai aisada de totas las solucions, mesma per far los accents francès.

Totun, compreni pas que degun aja hèit lo claviè occitan per Linux, empaquetat, e tot aquò

N'i a un per lo breton, mas per l'occitan, lo merchat es pas pro desvelopat benleu.
I a 'n'istòria de cablagte, d'impression sus las tochas e

la metòda de la bona, dès la debuta dau net es estada pensada per lo Fraysse puèi per Aprene. D'aici a aver un clavièr emb las tochas pinturluradas dessur, perqué non. Mas fabriquat en China, Est-Euròpa, Occitania quò risca d'esser char per mai d'una personna.

un pauc mai d'infòs sus lur fòrum !

Lo pretz, lo pretz, lo pretz es 'quí

De tornar legir 'quò me fai pensar que los accents son tots aquí, emai los accents sián obludats dins los meus (coma las vachas) messatges 'na vetz sus doas .

Cerchèi un pauc e fin finala, jos ma Debian (escritòri Gnome) ai tot quò que me fau :

per default qu'es quèu de quí :

« french legacy »

i a tamben

« french alternative »

e amai

« french alternative legacy »

Los conselhs que balhèi pus naut valen per lo 3enc e aura que tafurèi m'agrada mielh lo segond « french alternative » :

• « áéíóú » sus la mesma tocha [ù/%]
  
• « àèìòù » sus la d'au costat
[*/µ] quò me vai.

• « âĉêĝĥîĵôŝûŵŷẑ » tant coma « äëïöü » e « ãẽĩõũñ » e « åůẙ » son tots de bon accedir amb [^/¨]
  

naturalament quò vau per las capitalas « ÁÈÎÖŮỸ »
amai permet los ŀ e Ŀ daus catalan coma dins « Ŀlibertat », los … en un sol caractèri (seleccionatz au picador, per veire) e los espacis de pas trenchar per eschivar los «
alea » dau boclatge.

Sus un clavier Hp podem har Alt Gr+ la vocala ad accentuar ó ú í á ú .

ocsigen6424 a écrit:Sus un clavier Hp podem har Alt Gr+ la vocala ad accentuar ó ú í á ú .

Quina distrib ? perdon, quin OS ? d'en prumièr…

Adieusiatz,

Soi passat a Linux en installar la version novèla 9.10 d'Ubuntu mas capiti pas de metre lo clavièr en configuracion "occitan". Sembla que faga pas pus mestièr d'installar lo paquet "clavièr en òc per Linux " per aquela version mas aquò marcha pas. Dins las opcions de configuracion del clavièr, se pòt causir "Occitan (aprèp 1500) (??), pensavi que seriá bon mas un còp qu'es seleccionat, es pas possible de far los accents aguts sus las "a,o,i" amb Alt Gr. Benlèu qu'ai pas comprés la configuracion del clavièr o benlèu qu'es pas configurat coma cal.

Mercés per la vòstra ajuda !

Soi passat a la 9.10 tanben, e aquò marcha plan ! Èi lo clavièr en òc, mes es pas lo vielh de Linux, es lo que Kokoyaya hasó per windows me sembla (çò que m'arranja, pr'amor qu'i soi acostumat). Ende har un ò, te cau har Alt Gr + p, ende í, Alt GR + i... Èi devut instalar e seleccionar lo clavièr Occitan (aprèp 1500) , pr'amor dens la migracion, i avèva sonque lo francés e l'anglés per default.

Fin finala, aprèp un novèl assag, aquò marcha.

Mercés !

N'i a queu messatge sus lo blògue d'una amija per vos aidar : http://sonnetoboe.free.fr/index.php?2009/09/01/174-quel-clavier-selectionner-a-l-installation-pour-pouvoir-ecrire-les-accentuations-occitane

paregut fai quauquas setmanas aprèp 'na mesa a jorn de Debian, i a quauquas merdas d'enguerras totparrièr.

A ieu lo clavier panoccitan m'agradava bèn, e m'èri bèn acostumat. Mai ara qu'ai mon ordi nòu, sota Vista, marcha pus. Quand telecargui lo clavier òc, non solament marcha pas, mai mon clavier francés marcha pus ni mai, e passa au clavier QWERTY anglés despereu, meme quand tòqui sus l'indicator FR. Siáu estat oblijat de levar lo clavier panoccitan, e ara mi siáu remés au alt+0242, eca. Quaucun a 'na solucien ? Pèr ara vòu assajar lo clavier "congo". Veirem bèn.