Accueil
J.B. Chèze eriá un autor lemosin de lenga d’òc, francesa maitot.
Nasquet dins l’annada 1870 e moriguet ne’n 1935. Fuguet un grand poëta. Felibre, adonc un pauc moralisator sus mai d’un subject, l'òbra pòt sembla un pauc « vielha » au jorn d'aüei, mas lu stile es 'quí, sens parlar de la maitrisa daus subjects.
Mai d’una vetz, s'inspiret de la cultura populara, de la vita per quilhar lu pertrach de gent alentorn de se. Quò-quí, dins ‘na lenga mai-que-mai viva e sos la fòrma de nhòrlas risentas e de poëmas.
__________
Lo jutge e lo voleire
Totjorn per quauque endrech coquin se laissa prener. Coma podriá ieu far per zo vos far comprener ?
Per aver panat los lapins
D’aquela paubra Guilhaumela,
Pierrot fuguet barrat dedins
E trainat en coreciunela.
Coma podetz vos figurar,
Se defendet plan coma un diable.
Mas lo jutge era pas aimable ;
I disset, per la i barrar :
- E los tesmonhs que t’an vist fúger
Divendres ser, que ne’n fatz vos ?
- Qu’es dos menteires, monsur lo jutge !
Quò n’es pas verai ! Qu’era dijòus ! …
Tirat de : Contes e nhòrlas de Jan de la luna (1932-tornat grafiat per vòstre servitor)
__________
Chansou “A demeisela Margarita Priolo, Reina del Felibrige Lemouzi”
Gentz d’esprit van se trufan,
s’eclafan :
“- Limousin ! Ha ha ! Pouffant !
Limousin ! ” et tous de rire…
Lemouzis, leissam lou dire,
Couma el tems de sa baudour,
Sus lou roc d’a Ventadour,
Floureta toujours lei poussa
De pouezia e d’amour,
De courtezia e d’onour.
Nostra terra es la pus doussa.
S’en vai mais d’un franciman
Prouclaman :
-”Fini ! le parler roman !
Mort ! Le patois !” E de rire.
Beus amics, leissatz lou dire,
Lous esvejous ! En qual lueg
Que vous n’aniatz, sus lou pueg,
Dins la coumba ou per la broussa,
Auvetz… – Quan toumba la nueg.
Auvetz-la… Qu’enquera anueg
Nostra lengua es la pus doussa.
S’en van lous ases bramans
Hi Hi Han !
“Une reine ! Ha ha ! Charmant !”
E paubres nescis de rire…
Bouns Felibres, leissam dire,
E culhem nostres razis.
Mantenaires Lemouzis,
Fazem-li tapis de moussa,
Que per Reina avem chausit
-Dieu n’en siaja beneizit-
La pus jolha e la pus doussa.
__________
Brinde a la XXIII Eglantina – Sent Junin, 9 de setembre 1923
Lauvada siat l’Eglantina
Beneizida siat la flour
Qu’en terra naut-Lemouzina
Fraire, sor, couzin, couzina
Nous assembla en d’aquel jour.
Sem filhs de la mema rassa ;
Sem goutas del mema sang ;
Jous lou gial ou la chaumassa
Maugrat tounedre ou cougnassa,
Sem martz ds mema chassang
Se la terra n’es pas richa
De Ventadour e d’Ussel
Se nostre po n’es pas micha,
L’istoria qu’avem escricha,
Bras valens e cor fidel
A grand gloria e grand mizera,
En letra de sang e d’or,
L’Istoria de nostre terra,
Touta d’amour e de guerra,
Viva Dieu ! Nous es enquera
rai de Soulelh dins los cor.
Nasquet dins l’annada 1870 e moriguet ne’n 1935. Fuguet un grand poëta. Felibre, adonc un pauc moralisator sus mai d’un subject, l'òbra pòt sembla un pauc « vielha » au jorn d'aüei, mas lu stile es 'quí, sens parlar de la maitrisa daus subjects.
Mai d’una vetz, s'inspiret de la cultura populara, de la vita per quilhar lu pertrach de gent alentorn de se. Quò-quí, dins ‘na lenga mai-que-mai viva e sos la fòrma de nhòrlas risentas e de poëmas.
__________
Lo jutge e lo voleire
Totjorn per quauque endrech coquin se laissa prener. Coma podriá ieu far per zo vos far comprener ?
Per aver panat los lapins
D’aquela paubra Guilhaumela,
Pierrot fuguet barrat dedins
E trainat en coreciunela.
Coma podetz vos figurar,
Se defendet plan coma un diable.
Mas lo jutge era pas aimable ;
I disset, per la i barrar :
- E los tesmonhs que t’an vist fúger
Divendres ser, que ne’n fatz vos ?
- Qu’es dos menteires, monsur lo jutge !
Quò n’es pas verai ! Qu’era dijòus ! …
Tirat de : Contes e nhòrlas de Jan de la luna (1932-tornat grafiat per vòstre servitor)
__________
Chansou “A demeisela Margarita Priolo, Reina del Felibrige Lemouzi”
Gentz d’esprit van se trufan,
s’eclafan :
“- Limousin ! Ha ha ! Pouffant !
Limousin ! ” et tous de rire…
Lemouzis, leissam lou dire,
Couma el tems de sa baudour,
Sus lou roc d’a Ventadour,
Floureta toujours lei poussa
De pouezia e d’amour,
De courtezia e d’onour.
Nostra terra es la pus doussa.
S’en vai mais d’un franciman
Prouclaman :
-”Fini ! le parler roman !
Mort ! Le patois !” E de rire.
Beus amics, leissatz lou dire,
Lous esvejous ! En qual lueg
Que vous n’aniatz, sus lou pueg,
Dins la coumba ou per la broussa,
Auvetz… – Quan toumba la nueg.
Auvetz-la… Qu’enquera anueg
Nostra lengua es la pus doussa.
S’en van lous ases bramans
Hi Hi Han !
“Une reine ! Ha ha ! Charmant !”
E paubres nescis de rire…
Bouns Felibres, leissam dire,
E culhem nostres razis.
Mantenaires Lemouzis,
Fazem-li tapis de moussa,
Que per Reina avem chausit
-Dieu n’en siaja beneizit-
La pus jolha e la pus doussa.
__________
Brinde a la XXIII Eglantina – Sent Junin, 9 de setembre 1923
Lauvada siat l’Eglantina
Beneizida siat la flour
Qu’en terra naut-Lemouzina
Fraire, sor, couzin, couzina
Nous assembla en d’aquel jour.
Sem filhs de la mema rassa ;
Sem goutas del mema sang ;
Jous lou gial ou la chaumassa
Maugrat tounedre ou cougnassa,
Sem martz ds mema chassang
Se la terra n’es pas richa
De Ventadour e d’Ussel
Se nostre po n’es pas micha,
L’istoria qu’avem escricha,
Bras valens e cor fidel
A grand gloria e grand mizera,
En letra de sang e d’or,
L’Istoria de nostre terra,
Touta d’amour e de guerra,
Viva Dieu ! Nous es enquera
rai de Soulelh dins los cor.
