E Books

Los E-Books, o libes electronics, per los qu'ic coneishen pas, son de version numericas de libes (libes qu'existissen tanben au format papèir dens la màger part deus cas) que se legissen sus legidoras (liseuse en francés) com la Kindle d'Amazon o l'iPad d'Apple.

Permetan de crompar un libe dens la minuta per Internet, deus transportar shens èster Musclor (dinc a 1400 per la Kindle 4), de suslinhar passatges e deus recampar dens un fiquièr, de partajar citacions suus hialats sociaus, etc..., o enuèra, los libes libres de drèts (Victor Hugo, Alexandre Dumas, ...) se pòden gahar a gratís.

Los chepics : los pretz son haut. La Kindle còsta 100 €, l'iPad se tròba a partir de 479 € (lo prètz pòt pujar dinc a 799€ segon las opcions). Los libes recents tanben : per exemple, l'Art français de la guerre, d'Alexis Jenni, darrèir premi Goncourt, còsta 14,99€ quan còsta 19,90 dens sa version fisica (donc per 5 € de mei avetz la version que podetz botar sus la tauleta de la bibliotèca per se la petar, genre "jo, legissi, soi inteligent e cultivat" com hèsi jo). Darrèira causa, los E-books se pòden pas prestar, o alavetz, fau prestar la maquina-que-còsta-car.

Enfin, après aqueth estudi de marcat, qu'en pensatz ? Serietz prests a crompar un E-Book en lenga occitana ? Lo principau es 1) de legir 2) per l'editor de vender ?

Soi emmerdada : pòdi pas votar.

L'edicion numerica es pas «l'avenidor», es simplament un autre biais de legir, que prendrà pas la plaça de l'edicion papièr, mas òfra una novela possibilitat, pels que lor agrada mai.

La maquina es pas «trop cara», 100€, se tròba. Es un daquòs electronic quand meme… De mai, los fiquièr se pòdon legir sus ton ordenador. (Amazon prepausa un logicial Kindle per exemple)

Per contre lo prètz del fichièr l'es, tròp car… i a cèrtas un pauc d'adaptacion de far entre un fiquièr que s'estampa e un que s'aficharà (en format ePub o autre, amb de somaris, rubricas, eca…), mas un còp fait, i a pas de prètz de fabricacion, transpòrt, e stockatge. Un libre electronic deuriá èsser entre 3 e 5€, pas mai. (rapeli que sus un libre papièr, l'autor ganha a l'entorn de 5%).

E me'n tòca pas una sens far bolegar l'autre, me devi de me tenir al fial d'aquò… ;)

Se pòdon pas prestar, es vertat, mas podèm imaginar coma la VOD te dona un film per 2 jorns, aprèp, lo fiquièr es mòrt, qu'una mediateca municipala te «preste» lo fiquièr per 3 setmanas, aprèp es mòrt (e as pas lo risc de le tornar tardièr e de te manjar una penalitat !) ^^

De tot biais, i a una economia novela que se met en plaça. Sabèm pas tròp encara quala serà son evolucion. L'edicion occitana s'i deu adaptar ? Sabi pas… sos legeires son benlèu pas la primièra de las cibles marketing, seriá pas rentable de far una adaptacion de fiquièr se la version electronica se vend pas mai que 5 còps ! Pragmaticament, es pas per deman…
Ja que çò que seriá plan seriá un abonament PDF a la Setmana, per exemple, a un prètz francament redusit… (amai una version PDF te còsta pas res en adaptacion, es la meteissa version que la que s'estampa)
Lo fait qu'existèsse pas ja mòstra ben coma l'edicion occitana seguís los cambiaments… 

Per me, lo problema màger daus e-books e de las legidoiras es pas tan lo pretz que lo format informatic. Pòdes mas legir los fichiers especiaus (ePud, etc.). Me, utilize fòrça documents electronics de tota mena, mai que mai per ma licéncia per correspondéncia. Auria aimat 'na legidoira mai "generalista" (per çò qu'es daus tipes de fichiers). Adonc pusleu qu'una legidoira, me chaptei 'n'imprimadoira.

D'un biais mai generau, tròbe l'oferta en documents mai importanta en PDF classic que las legidoiras legissen pas (o mau). L'avenidor me sembla mai aus tablets PC e a l'edicion dins daus formats mai universaus. E seria aisat par l'edicion occitana de s'i metre, sufis d'un logiciau. Mas franchament, sabe pas dau tot ente ne'n es l'edicion francesa...

Apondon :

Sinon n'i a un site per daus e-books (en fach daus PDFs classics) en occitan : sites.univ-provence.fr/tresoc/
Daus classics de segur, mai que mai en provençau e en grafia mistralenca. Mas pas solament.
L'interest per l'edicion occitana de l'e-book seria de tornar editar daus libres agotats sens que sia char de iò far.

Ne'n defòra de la technologia usada http://bloodinthemobile.org/ e es pas un pitit chause que 'quò 'quí, prene quauquavetz la lisosa e-encra d'un amic. P'un problemes per legir lu jornau, daus pitits documents fòra lu format informatique, que fau mai d'un còp trobar lu bon. Per legir un libre dins son plen, es autra chausa passat las 100 pajas.

Faguí 'na tentativa mai un lector ardesa, 'queu de la firma a la gold-en. 'Na vetz passada la miraudia dau filmonet integrat que t'esplica 'quò que tu ven de legir, 'na vetz passat las colors dins lu texte, un còp passat tot aquò, es tant aisat de legir que darrier un escran d'ordinator. Per un fòrmat cort, perquè pas, per un libre, sei d'un autre temps.

'Tencion, sei pas d'enquera completament un vielh cobes, pense que lu libre « enrichit » pòt balhar l'envèia de legir aus goiassons qu'an de las dificultats, pòt estre 'n'aisida per 'na goiata. Afe, iò pense emai me songesse que mai d'un-a viguí « Cendrillon » o b'etot « Pinocchio » dins la mòda dau Disney sens jamai iò legir per de verai e s'apercebre coma 'qu'es estat empornat.

Per trobar daus libres (domeni publique), fòra lu motor charchador que la prumièra letra es un G, fòra lu sit d'archive dau net http://www.archive.org/ , l'i a http://www.gutenberg.org/browse/languages/oc.

Apres, fau pas obludar que dins 'n'aisina informatica, fau tirar la chadena
http://www.branchez-vous.com/techno/actualite/2009/07/1984_amazon_efface_a_distance.html

iò fagueten sus 1984, paubres, aquò risca pas d'arribar de 'chaptar los libres chas lu JDM. Coma lu me diguet la regenta d'una libraria sociatelista :
« Sabetz, las pitas meijons d’edicion, ne’n occitan, pauc de referenças, pas de telecopior, d’internet nimai, pas de telecopior, pensatz v’autres, pas de telecopior… ».

Çò que balharà lo libre electronic, e si l'edicion occitana i dèu anar, de vertat, va sai pas.

La foncion interesanta de l'ordenador, quò's la recerca. Es util de poder tornar trapar quicòm que te remembres- ço que val tanben pel net. Per çò que de legir un libre sancèr, un ecran, aquò es pas agradiu. Quand se legis un roman, cal que siá un moment plasent. Quitament dins los transportes, me vèsi pas seguir una istòria longa sus una legidoira.

Per contra, fa pas besonh de crompar encara un utís nòu. Legissi plan d'òbras en PDF amb l'ordenador portable de 17", dins lo tren. Son mai que mai d'articles, de contribucions.
Descarguèri "Li maire d'anguilhas" de Robert Lafont, sul site que ditz Maime, es de grafia classica. Ne legiguèri un pauc.

Per acabar, soi a legir "una cadena de voses" d'Andre Brink, que Sèrgi Carles ne faguèt la traducion. Lo capítol primièr es sul net, francament, legiriái pas l'òbra tota atal.

ebook=mèrda. Vaqui.

+1

Ieu passi tota ma puta de jornada de mèrda davant un ecran (fenestron?) d'ordenador, a me far cagar a fargar de putas de linhassas de còde. Jà que me sietar davant un fenestron en tornar a l'ostal le ser me fa venir le vomit, me jaire dins le lièit amb una legidoira electronica seria le pompon. Ara volon botar totis les mainatges davant de fenestrons a l'escòla.
Lèu als cagadors nos faràn torcar amb de i-pq amb camera integrada per se poder gaitar l'espectacle le ser amb la familha.

Zengi a écrit:ebook=mèrda. Vaqui.

Aquò es una argumentacion de las bèlas ! :ironic:

Es pratica per lei obras classicas.

Perqué ? Pòs tanben crompar los classics en libraria !
E puish lo plaser deu papèr

Los classics son sovent a gratis, es interressent s'as pas ja legit Flaubert o Jules Vernes.
O que cercas un extrait d'un libre, sens o voler crompar, e sens tornar picar ta citacion…

Es pas per prene la plaça del «plaser del papièr», es pas qu'un utís novèl, per un usatge novèl.

Pas grèu, se t'agrada pas brica «si tu n'aimes pas ça, n'en dégoute pas les autres» !

Vertat, soi pas un afogat de las novèlas tecnologias coma tu
Que m'i hè au vielh, mes soi totun triste de pas jamèi véder degun léger en lo bus per exemple, son tots suu telefòne e/o i pad etc. Enfin qu'ei atau e atau qu'ei

Zengi a écrit:Que m'i hè au vielh, mes soi totun triste de pas jamèi véder degun léger en lo bus per exemple, son tots suu telefòne e/o i pad etc. Enfin qu'ei atau e atau qu'ei

N'i a dins lo bus que legisson de lbres papièr, encara.
N'i a tanben que legisson la premsa, sus lor maquina, al lòc de prene lo Metro o Direct Soir gratis que elis son de bonas mèrdas. (çò que fau los jorns ont trabalhi a l'exterior)
E n'i aurà demai en mai qué, amb tota lor biblioteca dins lor iPad o Kindle, se legiron lor literatura pertot !

(Un pauc fòra subjècte : me crompèt un libre/turorial per aprene las foncionalitats novèlas de mon logicial de mesa en pagina. Amb aquel crompa, aviái un còde per telecargar de videos que t'aprenon cossí far un libre electronic sus lo logicial, e un libre interactiu per iPad. Es genièc. Pòts calcular ta mesa en pagina amb lo tèxte, d'extraits sonors que seràn integrats polidament a la pagina, de videòs, fòtos panoramics que pòts far desfilar amb lo det… e lo tot s'adapta verticalament o orizontalament selon cossí tenes ton iPad.)

Moué, me hè pas saunejar tot aquò ..

Pensi que la màger part dei gents que l'agradan pas lo concèpte de e-book es que n'an jamai agut un dins lei mans.

Ieu bèu promier ne'n voliau pas auvi parlar, fins qu'au moment que veguèri aqueu d'un colèga.

L'a ren de veire amb un escran informatic, en tot lo cas per lei ebooks que fan qu'aquò.

Enfin, es pas per aquò que mi ne'n siau crompat un. Mai es a de bòn fòrça agradiu de legir dessuta. Ren de veire amb un escran PC. (Per l'Ipad, aquò's diferent, mai es pas una legidoira vertadiera).

Vèdi pas l'objècte de qui parlas. Mes totun, ei plan qqren de numeric ? Voli diser, per los uelhs, dèu pas estar tarrible non ?

Zengi a écrit:Perqué ? Pòs tanben crompar los classics en libraria !
E puish lo plaser deu papèr

Pagam simplamen lo papié, pas l'autor, e tamben lo ebook es mas pratica per lei transports.

Zengi a écrit:Vèdi pas l'objècte de qui parlas. Mes totun, ei plan qqren de numeric ? Voli diser, per los uelhs, dèu pas estar tarrible non ?

Justament non. Es aqui l'engana. Ti fa exactament parier qu'un libre papier, la flexibilitat en mens.

Ges de problèmas per leis uelhs. Siau pas especialista, mai mi sembla que la tecnologia emplegada es a bàsi de tencha.

E, se deviam èstre objectiu, franc dau cost de produccion plastic, mi sembla mai ecologic que de sagatar de forèsts entièras non ?

Sokolovic a écrit:E, se deviam èstre objectiu, franc dau cost de produccion plastic, mi sembla mai ecologic que de sagatar de forèsts entièras non ?

Aquò m'estonariá, un objècte electronic a totjorn un cost ecologic mai important qu'un libre, quitament que mantuns.
Benlèu a la longa, s'òm compta l'economia de petròli pel transpòrt e stockatge, senon…

Cerièra de Mai a écrit:

Sokolovic a écrit:E, se deviam èstre objectiu, franc dau cost de produccion plastic, mi sembla mai ecologic que de sagatar de forèsts entièras non ?

Aquò m'estonariá, un objècte electronic a totjorn un cost ecologic mai important qu'un libre, quitament que mantuns.
Benlèu a la longa, s'òm compta l'economia de petròli pel transpòrt e stockatge, senon…

Mmmmmm. Mai ton objècte eletronic que permete d'estocar mai d'un milierat de libre ?

L'eqüacion e spas un e-reader = un libre mai un e-reader = 1000 libres, e encara mai.

Sensa parlar de l'estocage fisic, dau cost dau transpòrt etc... M'estonariá fòrça fòrça que lpublicacion d'un libre en papier mai ecologica au finau.

I a d'autres parametres que dintren en compte : la fabricacion d'un nombre mai important de peças, jos-produchs de l'industria electronica, que chascuna a un pes ecologic, l'electricitat consumida, las materias prumieras non-renovelablas, etc. Sens comptar que lo papier es 100% reciclable, e que lo biais de zo far es mai ecologic que daus circuits imprimats, que lur transformacion n'es pas, me sembla, enquera a 100% presa en charja.

E un detalh important : tots los aparelhs tecnologic "inteligents" (que fonccionen en gròs sus lo principi d'un ordinator, que) an un desfaus de fabricacion integrat a la construccion. Lur esperança de vita es redusida, a un nombre d'annadas definit a l'avança (mas que chamnha segon las machinas). Fau donc prener en compte lo renovelament regular (veire frequent) dau parc de legidors electronics. Per contra, un libre, quand lo chaptas, s'es de bona qualitat, lo podes gardar quauques segles...

Lo Kindle qu'èi (mercés au Pair Nadau) es basat sus una tecnologia a basa de tinda. L'afichatge es trucant : sembla un libe vertadièr. Lo purmèr libe legit (93 de Hugo), l'èi legit d'un còp (ouais... nueit blanca...). Ben a la fin, mons uelhs èran coma a la fin d'un libe papèir (o coma a la fin d'un PDF d'una pagina sus un ecran de PC).

Après sus lo comparatiu longevitat libes/legidoras, una legidora es mei robusta qu'un libe Per Noste. Se mon Kindle a pas que 2 ans de vita, durarà au mensh 2 ans de mei qu'un Per Noste !

Ieu per principi soi contra la dictatura dels ecrans. Me sufis de gaitar (coma disia "Zengi") le monde afalats davant lors telephones coma de vacas esperant le trin per me far passar l'enveja que podiai tener de me crompar un i-daquòs. Anam pas tornar sul vièlh debat de saber se son d'utisses de comunicacion o de non-comunicacion. O encara sus l'impact de la fabricacion d'aquelis trastes sus l'environament o las condicions de trabalh dels obrièrs en RPC (les libres sont en majoritat estampats en França o al mens en Euròpa). Per ieu, servisson pas qu'as consumir encara mai, punt. Sèm dins una societat de consomacion basada sus l'inovacion tecnologica. Doncas d'aici cinq ans, t'auràn inventat autra causa e totis cromparem aquela autra causa, coma de costuma, qu'aquò's bon per la "croissanssdonclemploi"'.
Grunt.