Ànèm Òc 2012 : organizators

Torni préner un messatge de Marçau :

Los organisaires en 2005 : Calandreta, Conselh Representatiu de la Joventud d’Oc, FELCO, IEO, Òc-Bi
en 2007 : Calandreta, Conselh Representatiu de la Joventud d’Oc, Felibrige, FELCO, IEO, Òc-Bi
en 2009 : Calandreta, Felibrige, FELCO, IEO, Òc-Bi
aprene qu’en 2012 demòra ‘mas : Calandreta, IEO, Òc-Bi

Sabètz perqué i auré pas mei la Felco e lo felibritge ?

Alara se ai plan comprés, aprèp la manif de Carca, lo collectiu Anèm Òc aviá decidit de pas pus far de manifestacion granda, que i aviá de riscas de pas aver tan de mond que los còps passat e de pèrdre nòstra credibilitat. Volián puslèu far mantunas accions localizadas.

Quand an fin finala decidit de tornar far una autra manifestacion granda, la FELCO a pensat qu'èra tròp riscat. Se ai plan comprés, an paur de pèrdre lor credibilitat fàcia als elegits e inspectors d'acadèmia a quin demandan mai d'occitan dins l'ensenhament. Me sembla qu'an fait un comunicat aquí-dessús sus lor site, mas l'ai pas tornat trapar.

Pel felibrige, es la causida del luòc que lor annava pas. Volián que la manif se debane en Provença o a costat (coma a Nimes per exemple), que Provença es una region ont l'occitan a fòrça problèmas, alara qu'en miègjorn-pirenèus marcha plan melhor. En mai d'aquò lor fa car. Mas an ditz que se i anavan pas oficialament en tant que Felibrige, i aurà segurament nombroses felibres que i aniràn a títol personal.

Aquò son los ressons qu'ai aguts.

Eh ben soi a 100% d'acòrdi dab los argumentaris deu Felib e de la Felco !

Tènen arguments deus bons.

Me pausi donc aquera question : sus lo fòrum, la màger part qu'èm d'acòrd sus aqueras menas de criticas.
Ei la navèra generacion mei critica suu culturalisme ambient, o lavetz i a pas que de romegaires sus aqueste fòrum ? Drin deus dus ?

Me pausi la mesma question. Èi podut véder monde sus Facebook que son pas dens la "pensada forumenca" sus l'ahar de l'afica de Marçau.
Mes nos empacha pas d'aver a l'encòp rason e un sens agut de la critica...

Que pensi que lo problèm n'ei pas lo lòc mes l'occitanisme en generau. Qu'ei deviengut qqarren anti-democratica o sonque ua punhada decida de tot. Aquest fonccionament qu'ei plan francés, qu'ei bonapartisme. N'i a pas nat contre-ròtle deus occitanistes sus las decisions e tanpòc sus los sòs balhadas per l'estat. Au nom de "l'unitat de l'occitanisme" que toleram causas vergonhosas. On vam los sòs...??? dab 5000e qu'organizèm ua festena l deus bons dens ua zòna desoccitanizada e lo medoc en biarn per exemple que pompa mei que nosautes....Après n'i avé pas gran mond occitanista au noste festenal...Et pertant qu'ei dab un movement occitan que pòrta un espèr que balhara ua realitat sociau a l'occitània.

Donc que pensi qu'i seré temps de tornar pensar las basas de l'occitanisme com jà qqarren de progressista e en fasa dab las evolucions deu pòple. L'occitanisme que deu prener partit dens los camabiaments majors de noste sègles. Que dèu estar tb ua força de prepausicion.
Que devem començar ad apitar ua estructura paralèla de contre-ròtle de las subvencions e reflexionS sus ço qu'es l'occitanisme uèi lo dia. Estructura en dehòra de las institucions e shens contre-ròtle oficiau. Que seré ua basa de l'autonomia que volèm bastir dens las anadas a viener. Que balhera un navèth elanç a l'occitanisme tà renovèla lo monde (pramor que son vielhs en majoritat los occitanistas) e qu'evitera la mòrt d'ua vision de l'occitània. Qu'evitera tanben a qques personas de començar de parlar de crear ua lenga unificada (que seré tb la mòrt de l'occitanisme) e de cumular tots los poders.
De tot biais a libertat si ne podèm pas participar aus evolucions e si tot que demora barrat, que vam crear las nostas estructuras culturaus e que seran democratica e dobèrta e shens nada subvencion on dab un contre-ròtle. De tot biais qu'a jà començat.

bork-oc a écrit: que pensi qu'i seré temps de tornar pensar las basas de l'occitanisme

Gaita la mejana d'atge dins la màger part de las associacions occitanas, ieu pensi que lo problèma ven mai que mai d'aquí. Es mai dificil de tornar pensar las causas, de revolucionar un pauc lo biais de veire quand òm a 60-80 ans.
Sèm a nautres d'ensajar de nos organizar per pensar l'occitanisme de deman. Cal crear ligams entre las raras associacions ont i a de joves, ajudar los que ne vòlon montar d'autres, investir l'Internet, qu'es aquò que nos salvarà... Ai ensajat mantun còp d'anar dins d'associacions coma los cèrcles occitans o l'IEO e los vièlhs blòcan las causas (benlèu que soi mal tombada tanben). Mas pensi que nos cal bolegar ensem e començar de prene la man.

Aura a écrit:la FELCO a pensat qu'èra tròp riscat. Se ai plan comprés, an paur de pèrdre lor credibilitat fàcia als elegits e inspectors d'acadèmia a quin demandan mai d'occitan dins l'ensenhament. Me sembla qu'an fait un comunicat aquí-dessús sus lor site, mas l'ai pas tornat trapar.

La FELCO faguèt una declaracion clara sus sa posicion tocant la manif a Tolosa, es mai que cen que dises, lo luec es problematic (enfin...!)


http://www.felco-creo.org/mdoc/detail_fr.php?categ=ideas&id=855&PHPSESSID=d60e40822fc31db02dd4385c8ee03245

> la vila de Tolosa es estada impausada tardivament alara que contunham de dire que Anem Oc deu sortir de l’embarrament lengadocian e trabalhar aquí ont i a de dificultats, dins lo nòrd de l'espaci occitan coma en Provença, ont lo terrenh es laissat liure a un lobby separatista particularament agressiu e lèst a totas las manipulacions.

Barbet a écrit:
>la vila de Tolosa es estada impausada tardivament.

...E ren qu'aquò deuriá far chifrar aquelei que comptan de li anar...

Bòn Carnaval a elei

Aura a écrit: Gaita la mejana d'atge dins la màger part de las associacions occitanas, ieu pensi que lo problèma ven mai que mai d'aquí. Es mai dificil de tornar pensar las causas, de revolucionar un pauc lo biais de veire quand òm a 60-80 ans.

Qu'as rason, qu'ei un problema vertader, qui toca shens qu'er occitanisme d'aulhors. Tota era societat, en tots eths sons aspectes, politics, economics, associatius, etc., qu'ei enteras mans dera generacion babyboomers, i aquero desempuish bera pausa.

Que soi pro pessimista. Que pensi que non sortiram pas d'aquesta situacion abans ath mensh un detzenat d'ans, eth temps qu'aqueras classas nombrosas se n'anen a plaserinas taras maisons de retreita...

Aura a écrit:Sèm a nautres d'ensajar de nos organizar per pensar l'occitanisme de deman. Cal crear ligams entre las raras associacions ont i a de joves, ajudar los que ne vòlon montar d'autres, investir l'Internet, qu'es aquò que nos salvarà...

Quiòc mès tb qu'i a joens que's comportam com vielhs o com si l'occitanisme qu'èra lo meijan de ganhar sòs. E donc qu'i depensa descòp dens projècts de merda qu'interessa sonque occitanista (e encoèra..) Donc qu'ei tb l'etica deu movement que cau tornar pensar après que soi d'accòrd suu hèit d'organiza'se de manèra autonoma. Qu'ei ço que hasèm que vam crear ua larada (ostau auto-girat de joens) en sud-carcin e un estanquet associatiu e politica a Caurs pro lèu. N'èm pas numèros mès n'ei pas la question deu nombre sonque la determinacion e l'envija compta! Si que balham l'imagte d'estar ua hòrça quan tota possa dens la societat a la soumission que tornarem pujar la luta. Qu'en soi segur pramor de practicas e de discutidas.