Accueil
Lo Collectiu deus Joens Biarnés d’Occitania qu’ei un collectiu format per joens occitanistas biarnés en octobre passat. Qu’ei dab lo sentiment de que la politica lingüistica en favor de l’occitan a noste qu’èra travada qui avem creat aqueste collectiu. Que militam tà ua presa de consciéncia politica e individuau de l’importància de la lenga nosta.
A quauques dias d’ua eleccion cruciau dens lo departament deus Pirenèus Atlantics, lo Collectiu deus Joens Biarnés d’Occitania que desira brembar aus candidats de que la politica lingüistica en favor de la lenga occitana qu’a d’estar ua prioritat deu Conselh Generau dens las annadas a viéner.
Peu biais d’aqueste communicat que tienem a amuishar aus candidats de tots los costats politics la posicion deus joens biarnés. Qu’èm unanimes tà afirmar que i deu aver ua politica lingüistica de gran amplor de cap a l’occitan en Biarn (senhaletica, ensenhament, formacion, accion culturau…)
La posicion deu noste collectiu de cap a la grafia qu’ei clara. La sola grafia qui sia valedera tà escríber l’occitan (qui podem tanben aperar biarnés o gascon) qu’ei la grafia classica, reconeguda e utilisada per l’Educacion Nacionau, la sola grafia qui sia de bon compréner tau monde e notadament taus joens. Qu’ei sonque dab aquesta grafia que i pòt aver ua inter-compreneson dab los autes parçans occitans.
Au contre de çò qu’ua minoritat de personas pensa, lo Biarn ne deu pas demorar barrat sus si medish. Que partatjam dab un gran nombre de departaments la medisha lenga: l’occitan. Aqueste riquèr que deu estar un factor de communicacion e d’escambi.
Qu’esperam que la seguenta majoritat au Parlament de Navarra, quau que’n sia la color politica, que saberà responer favorablament dens las paraulas e sustot dens los actes a las nostas revendicacions, a las revendicacions de la joenessa.
LOS JOENS BIARNES D’OCCITANIA
PAU, lo 17 de Març de 2011
http://losjoensbiarnesoccitania.wordpress.com
A quauques dias d’ua eleccion cruciau dens lo departament deus Pirenèus Atlantics, lo Collectiu deus Joens Biarnés d’Occitania que desira brembar aus candidats de que la politica lingüistica en favor de la lenga occitana qu’a d’estar ua prioritat deu Conselh Generau dens las annadas a viéner.
Peu biais d’aqueste communicat que tienem a amuishar aus candidats de tots los costats politics la posicion deus joens biarnés. Qu’èm unanimes tà afirmar que i deu aver ua politica lingüistica de gran amplor de cap a l’occitan en Biarn (senhaletica, ensenhament, formacion, accion culturau…)
La posicion deu noste collectiu de cap a la grafia qu’ei clara. La sola grafia qui sia valedera tà escríber l’occitan (qui podem tanben aperar biarnés o gascon) qu’ei la grafia classica, reconeguda e utilisada per l’Educacion Nacionau, la sola grafia qui sia de bon compréner tau monde e notadament taus joens. Qu’ei sonque dab aquesta grafia que i pòt aver ua inter-compreneson dab los autes parçans occitans.
Au contre de çò qu’ua minoritat de personas pensa, lo Biarn ne deu pas demorar barrat sus si medish. Que partatjam dab un gran nombre de departaments la medisha lenga: l’occitan. Aqueste riquèr que deu estar un factor de communicacion e d’escambi.
Qu’esperam que la seguenta majoritat au Parlament de Navarra, quau que’n sia la color politica, que saberà responer favorablament dens las paraulas e sustot dens los actes a las nostas revendicacions, a las revendicacions de la joenessa.
LOS JOENS BIARNES D’OCCITANIA
PAU, lo 17 de Març de 2011
http://losjoensbiarnesoccitania.wordpress.com