Val d'Aran

I avut eleccion en Val d'Aran, Paco Boya es pas mei Sindic d'Aran (s'èi plan comprés). Quauqu'un n'en sap mei ?

Ben òc, Paco Boya s'es fach surtir. Mas pas per lo PP, per en gròs (s'ai plan compres) una mena de coalicion dau centre. QUo fai que sabem pas coma lo noveu sindic va s'ocupar de las questions occitanas.

Paco Boya paguet per lo PSOE, a tòrt. Lo trabalh que faguet en nonmas 4 ans era d'importancia.

Aquò a maugrat de çò que desclaret lo CAOC per la votz de son president Enric Trullols, e que me sembla a io d'una conaria sens nom. Se quauqu'un lo vòu botar aqui queu comunicat, per n'en parlar justament (io l'ai pas jos la man).

Lo noveu sindic es Carlos Barrera de CDA-PNA (Convergéncia Aranesa - Partit Nacionalista Aranés). Paco Boya era, se, d'Unitat d'Aran. Chasque partit aranés es liat a un partit catalan e/o espanhòu. Entau, CDA es liat a CiU que ganhet las eleccions autonomas en Catalonha (qu'es lo partit de Jordi Pujol) . UA es liat au PSC (partit daus socialistas catalans), liat au PSOE. N'i a maitot un pitit partit, lo PRAG, Partit Renovador d'Arties-Garòs que trabalha emb UA. Lo PP presentet daus candidats e ne'n i a 'gut daus independents maitot.

Veiqui coma se passen las eleccions au Conselh Generau d'Aran

Eth Conselh Generau d’Aran ei er organ de govèrn e d’administracion dera Val d’Aran e ei integrat peth Sindic e pes conselhèrs generaus.

Eth dia 22 de mai de 2011 auràn lòc en territòri d’Aran es eleccions tath Conselh Generau d’Aran, es quaus an lòc simultanèament damb es eleccions municipaus cossent damb çò que dispause er apartat 2 der article 14 dera Lei 16/1990, de 13 de junhsèga, sus eth regim especiau d’Aran.

(...)

Era Val d’Aran se dividís en sies circonscripcions, corresponentes as sies terçons istorics formats per: Pujòlo, Arties e Garòs, Castièro, Marcatosa, Irissa e Quate Lòcs.

Eth Conselh Generau ei integrat per 13 membres distribuïts dera manèra següenta:
• Pujòlo: 2 membres
• Arties e Garòs: 2 membres
• Castièro: 4 membres
• Marcatosa: 1 membre
• Irissa: 1 membre
• Quate Lòcs: 3 membres

Era eleccion dirècta des conselhèrs generaus se realize, cossent damb era legislacion electorau vigenta, mejançant listres e segons era formula electorau de Hondt damb aplicacion dera barrèra legau deth 3% des vòts valids en cada circonscripcion.

E veiqui la resulta : CDA 7, UA 5, PRAG 1

Lo noveu sindic era desjà sindic davant Paco Boya. Es totparier un "aranista" istoric. Podem pensar que trabalharà coma quò se fasia davant per çèo qu'es de la lenga. Per me, la reaccion dau CAOC es una reaccion partisana. Sabe pas tròp si son istoricament liat au poder de CiU e a Pujol, mas fan coma si lo retorn daus catalanistas centristas (a la generalitat coma au conselh generau) era 'na liberacion.

Per ne'n saubre mai :

Lo site de la generalitat sus las eleccions dau 22 de mai en Aran (en oc) : http://www20.gencat.cat/portal/site/governacio/menuitem.86ad912f20140f1f8e629e30b0c0e1a0/?vgnextoid=78f08496ce73e210VgnVCM1000008d0c1e0aRCRD&vgnextchannel=78f08496ce73e210VgnVCM1000008d0c1e0aRCRD

Lo site de CDA : http://www.convergencia-aranesa.org/

Lo site d'UA : http://www.unitatdaran.org/

Lo Site dau PP d'Aran : http://pplleida.com/wp-content/uploads/aran/pparan.htm

Lo messatge dau CAOC aus occitans : http://enricgarrigacaoc.blogspot.com/2011/05/messatge-del-caoc-als-occitans.html

Violent lo comunicat dau CAOC.

Pense qu'es mai que mai lo d'Enric Garriga Trullols.

I aurà quicòm aquí dessús dins lo numèro de La Setmana que ven (lo 819).

Violent lo comunicat dau CAOC

Per un còp que se parla francament, en aqueth mitan ...
Sus lo hons, sabi pas s'ei vertat o pas

Sus lo fons :

En defòra de las atacas pro personalas contra Boya, Fau saber qu'Enric s'era desja fach remarcat i a quauques mes quand la Generalitat reconeguet l'occitan (jos-entendut lo que se parla dins la Vath d'Aran) oficiau.

Era contra.

Era contra per çò que, per se, quò vai a l'encontra de la volontat d'unificacion de la lenga occitana que vòlen tots los occitans e los catalans (enfin mai que mai los catalans, pense...).
Reconeitre un "patois" d'una valada perduda era per se un vertadier tornar en arrier, alara qu'a l'ora d'ara la modernitat es au lengadocian estandard e estandardizat...

Alara sabe pas per tu, mas io quand vese quò, ai leu fach de jutjar sus lo fons...

Hop la....

La problematica es mai complicada qu'aquò

Per m'esser trapat a mantunas presentacions de la lei (dels dos costats de la montanha), te podi diser que lo Boya avia una tendencia de presentar la lei coma lei per l'aranes (pr'amor qu'es una lei per l'occitan basta pas que de legir la lei) e Boya ten pausicions mai que mai arano-aranesa d'Aran e quora emplegas la paraula "occitan" dabanç el, a mai que mai tendencia de trapar botons,.

Cresi que la pausicion de Boya era mai socialista que non pas occitana, ço que l'interessava era la sua pausicion dins Aran (aprep de desbrembar pas qu'Aran ten un foncionament de la mena "valada de montanha" pensi que los que coneisson aquela mena de foncionament entendran plan çò que voli diser, se torna trapar dins Arieja, Biarn, Valadas....).

Aprep amb una branca de CiU prenem mai que mai la risca de la flaquesa, mas pas del dangier sia d'una lei desbrembada sia d'un passatge de "Lei per l'Occitan" a 'Lei per l'Aranes" aprep de veire tanben qu'una sera la pausicion dins "Occitania Granda" (sic) se sera de brembar als araneses que sem molons de los poder sostener o se sera la pausicion costumiera de "Aran es en España es pas parier nosautres cal convincer Paris per salvar la nòstra lenga de França"

@mistats

Cedric

P.S : Danis, seguida de problemes personaus (res de greus) soi pas sus Tolosa d'aquela passa, torni leu e te fau passar lo son que t'ai promes

Per m'esser trapat a mantunas presentacions de la lei (dels dos costats de la montanha), te podi diser que lo Boya avia una tendencia de presentar la lei coma lei per l'aranes (pr'amor qu'es una lei per l'occitan basta pas que de legir la lei) e Boya ten pausicions mai que mai arano-aranesa d'Aran e quora emplegas la paraula "occitan" dabanç el, a mai que mai tendencia de trapar botons,.

Vertat que m'a susprès, en entervista e alhors, de pas jamèi enténer lo mot occitan dens la boca de Boya. Mes n'ei pas lo sol aranés ..