maime a écrit:Me sembla que faudria chamnhar lo nom dau site : forum Romaires !!!
Sei d'acòrd. Me pense que se passa de mens en mens de chausas per aqui, e lo pauc que se ditz quo es per romar. Autant sei d'acòrd sus la manif panurgesca que s'anoncia en 2012, autant quò me sembla un pauc disproporcionat aqui...
Alh Òli a écrit:
Amendonat, vai ben de pissar d'annadas en annadas lei memas programaciens. Siegue la scena d'exprecien oc exista, es viva e tot, siegue son totjorn lei memes artistas que viran despuèi 10 ans minimum, e lo fau dire, pluslèu que de nos bassinar émé la nòva generacien. Amai, es un pauc la festa au pifre-cabreta-viela, vai ben la musica occitana ouhaou
Podes pas dire lo contrari : i a beucòp de pifre-viela-chabreta dins la musica occitana... Pas que io sia contra lo trad (o assimilats) mas pense coma tu que i a d'autras vias d'ensaiar e tròp pauc de monde per zo far...
Per io la scena d'expression occitana exista, de segur, mas en queu moment, quo es pas la jòia. La programacion daus festenaus occitans n'en es nonmas lo miralh. Son d'alhors lo prumiers en generau a lo condemnar (ben òc-es, un me farà pas creire que quò fai levar la coa d'un programator de far venir tres ans de sega lo mesme grope o artista !).
En fach, io pense que de la creacion, n'i a, mas manca quauquarren d'intermediari entre los grops que son 'qui per far l'espectacle (Nadau, Massilia, Lou Dalfin, aurem leu fach lo torn) e los que comencen juste a se lançar, e que comencen modestament sus de las pitas scenas. Per l'Estivada per exemple, i a tot plen de monde per passar sus las pitas scenas en interior, mas sus las grandas, i a pus degun...manca Nadau e cia...
Me damande a fòrça se i a pas tanben un manca d'ambicion daus artistas occitans e una absencia de fòrça de perpausicion.
A partir d'aqui demòra tres solucions :
-S'embarrar dins la mesma programacion chasca annada. Mas i a dau monde que quò geina pas de veire Nadau dos ans de sega...
-Dubrir a una programacion exò-occitana, en esperar que l'energia, lo professionalisme, la qualitat daus gropes venguts d'alhors balharà de las ideias aus occitans (un pòt raivar...)
-Far passar los sòus de la programacion sus de l'acompanhament de projectes a l'annada, per formar los artistas occitans de deman. Mas per zo far, los sòus, los fau trobar...
En tot cas l'Estivada ensaia ujan de far los tres, e quo es pas aisat...
Mas v'autres avetz per lo moment vist e relevat nonmas los gropes de la prumiera categoria, çò que montra que podetz ben romar, fin finala seguissetz tots las ideias que criticatz...
E se me pòde permetre per tornar au messatge iniciau, me sembla que Aura a boirat daus tròçs de la programacion 2011 emb la de 2010 (Toad e Lou Quinse quo era l'an passat...)