Recèrca de libes tà pujar ua bibliotèca

Tot es dins lo titre, e dins lo document :

Per lo Lemosin, vos fau damandar a la Libraria occitana d'a Limòtges, qu'òfra daus còps de libres (coma a l'enchason de la dictada occitana i'a un mes)... E puei au Jan dau Melhau que ne'n ofret tanben quauques còps (dau Melhau, dau Rolet, dau Delpastre eca) a l'occasion de festas diversas...

O l'ome, vos faire una entrevista ta charrar d'aquò ?

Amistats

Cedric

Per tornar parlar d'aquò, èm totjorn duberts a auhèrtas. Avem recebut libes en bona quantitat (comparat a l'emplor deu movement occitan). Pensi qu'avem pas oblidat de mercejar qui que sii personaument. Avem catalogat lo tot dens una bèra basa de dadas gerida per lo logiciau PMB. La bibliotèca deurè obrir en genèir (benlèu), dab 740 exemplars (dont 1/4 de revistas coma la Setmana, País Gascon, Har-Far, Libertat, o lo grèlh rouergat).

Mancam mei que tot de romans (sonque 46...) o d'òbras classicas coma tots los Mistral, tots los Bodon, o quasiment tots los Roquèta, Delpastre, Lafont,... Per la poesia, que va, dab 94 exemplars, avem de que perpausar aus legidors potenciaus.

Avem trobat causas estranhas com un lexic de quimia nucleara o un ensaj que se sona l'Arma, perque far ? ...

Donc, normaument, a partir de genèir serà en accès au public au locau de l'IEO33 au 171 avenguda de la Palhèra a Pessac, en Gironda. I seretz los planvenguts. Prevedem de har víver lo lòc dab exposicions sus la literatura (locau o occitana), mes aquò es pas qu'un projècte.

Per tornar a aquò, soi totjorn disponible per faire una entrevista per n'en parlar.... (sabetz onte me junher)