Convivencia e PACA

Pensatz que la convivencia es encara una vertadiera valor en PACA?

De qu'es aquela question ?

Euf, cau t'estancar d'escotar los Fabulous Trobadors... Pensi que i a pas mei de convivencia en Provença qu'en Aquitània. Es tau coma partot, cau aver lo "còde" ende penetrar dens una societat. Me hè pensar a la hemna de mon frair que pensava que quauqu'un de catolic podeva pas èster racista, pr'amor de çò qu'avèva apres au catequisme. Ça-que-là, aquò existís. Seré aquò dens un monde perfect. Cau pas saunejar...

Es vertat.. ço que voli dire, es que nos cal pas doblidar los valors de l'occitania: amor, paratge, convivencia, es plan important, es lo cor de nostra civilisacion. Uèi amb aquel debat didentita nacionala francesa, e los regionalas que arrivan, es lo moment de nos remembrar nos valors occitanas , nos cal pas estre coma aquels que an pas de cor e asiran los estrangiers, es pas l'esperit de nostra civilisacion.

Se parli de PACA, es perque es la region de l'occitania ont lo FN es lo mai present

burdigala a écrit:Es vertat.. ço que voli dire, es que nos cal pas doblidar los valors de l'occitania: amor, paratge, convivencia, es plan important, es lo cor de nostra civilisacion. Uèi amb aquel debat didentita nacionala francesa, e los regionalas que arrivan, es lo moment de nos remembrar nos valors occitanas , nos cal pas estre coma aquels que an pas de cor e asiran los estrangiers, es pas l'esperit de nostra civilisacion.

Que pensi que cau estar prudent dab aqueras "valors" qui seren consubstanciaus d'ua idenditat o d'ua civilizacion occitanas. Que son largament un mite. Si existin james en dehora dera literatura, que son de tota faiçon desbrombatas despuish segles i segles. Malurosament ne pensi pas qu'eths Occitans sian un pople mes bon qu'un aude. Que citarei en exemple era part activa qui prengon en comerci deths negres.
Sinon, planvengut aci

Bah, ja sabi pas se la conviviéncia es estada una valor pertejada per lo pòple occitan, dins son entier.
Es puslèu un concèpte intellectuau que ven dei trobadors. Tant vau dire qu'ambé tot çò que si debanèt despuei, creire qu'encuei auria encara quauque resson, es mai que de romantisme.

Per lo cas de la Region PACA e de sa votacion, fau puslèu analizar aquò d'un ponch de vista societau. Es la region de luench la mai poblada e industrialzada d'occitània, ambé lo centre urban lo mai gròs, e de luench, e d'autrei grandei ciutats coma Tolon, Z'Ais, Niça ò Canas-Grassa-Antibol.
Tot aquò fa que la compausicion de la populacion (imigrats, retirats, eliotropisme, pauretat granda - Marselha - vesina de la riquessa la mai gròssa - Còsta d'Azur -, etc...) es ben mai complèxe que dins d'autrei regions, tant coma sa votacion.

Çaquelà m'agradan aquelas valors, que siagan miticas o pas, son tres mots que me parlan.
Après, pensar que son partejadas pel pòble, ara coma avans, se pòt pas dire…
La sola vertat de « conviveéncia » dins l'istòria (çò que ne coneissi) passa par la toleréncia dels josius e catars a Tolosa avans que la crosada venga fotre la mèrda. Es tot.
Non lo pòble occitan es pas melhor qu'un autre, nòstres « bons Raimond » an una responsabilitat dins las crosadas orientalas.

Paratge, convivéncia, amor, comença (se t'agradan, aquelas valors, çò que compreni plan !) per te las aplicar a tu. Sembla colhon çò que te disi, mas es ja aquò.
Parlas del debat d'id nat, s'i pòt soscar jos l'uèlh de la convivéncia. Qualas son las responsas ? Ja las teunas, etc… Lo paratge… dins aquel monde ont la valor d'un òme se resuma a çò que posseda, que se ne pòt dire tanben ?

Cerièra de Mai a écrit:
La sola vertat de « convivéncia » dins l'istòria (çò que ne coneissi) passa par la toleréncia dels josius e catars a Tolosa avans que la crosada venga fotre la mèrda. Es tot.
Non lo pòble occitan es pas melhor qu'un autre, nòstres « bons Raimond » an una responsabilitat dins las crosadas orientalas.

Es la medisha causa en Aquitània : Alienor estó una protectora de Trobadors, ça-que-là estó tanben una conquistadora de l'Orient. Lo son hils Ricard, çò sordeish, era eth-medish Trobador... e a miat la 3au Crotzada...

oc, soi trop romantic benleu.. Mas me reconneissi dins aquelas valors que mos parents m'an totjorn ensenhat, mesme se sabiai pas a l'epoca , qu'es dels valors occitanas ( d'alhors, m'an jamai parlat d'aquelas valors en occitan)
Es quand ai commençat a aprene l'occitan qu'ai descobrit aquelas valors e trobi que son en accordi amb mas valors.
Benleu la metoda assimil es trop militanta dins son ensenhament? es de 1975, es l'epoca del militantism , es benleu per aquo.

burdigala a écrit:oc, soi trop romantic benleu..

As pas tòrt, nòstra epòca manca tant de romantisme… *sospir*

Benleu la metoda assimil es trop militanta dins son ensenhament? es de 1975, es l'epoca del militantism , es benleu per aquo.

Es possible ! Mas se'aquò te parla, contunha de gaitar la vida amb aquela grasilha de lectura ! ;)

qu'es aquo "teunas" ?

las teunas = les tiennes

Lo ton de l'Assimil es ben obledat dins lo mitan occitan d'aura. Se fau pas arrapar a 2-3 paraulas que tot lo monde empleja per son compta.

Que voles dire per aquo? Que los valors dels Trobadors son bel e ben mortas?