Ofèrta d'emplec a l'IEO 31

Au parat de l'obertura de l'espaci de difusion culturau de "l'Ostal d'Occitania”,
l'IEO 31 que recruta un responsable deu centre de difusion artistic :




Las vòstas missions :

- Seguit, coordinacion e mesa en òbra de l'amainatjament de l'espaci,

- Seguit e gestion de las comandas deus produits venuts,

- Seguit de la comptabilitat,

- Tienguda de l’espaci de diffusion culturau, e
tenguda de stand de venta dens les hèiras e los salons.

- Participacion a la coordinacion e a la mesa en plaça d’ua programacion culturau
entà desvolopar aqueste espaci de difusion artistic,

- Creacion e gestion de la platafòrma d’e-comèrci de l’IEO 31.



Qualificacions e competéncias desiradas:

- Mestria de l'occitan parlat e escriut (coneishenças d'aute lenga
planvenguda),

- Bonas coneishenças de la creacion culturau occitana,

- Bonas coneishenças de l’informatica e des las aisinas de l'e-
comèrci,

- Bonas coneishenças de las aisinas e deus mejans de comunicacion dens lo domèni
de la promocion culturau,

- Experiéncia dens lo domèni deu comèrci de produits culturaus (libràrias,
discaires…) desirada



Aptituds requisidas

Capacitat entà a tribalhar en autonomia e entà hèr prepausicions.

Dinamisme
- Qualitats relacionaus indispensablas.



Remuneracion:

Salari fixe equivalent au smic dab en mes interessament a las ventas.

Lòc de tribalh:

Ostal d’Occitania - Carrèra Malcosinat - 31000 Tolosa – Hèira e Salons deu libe hora
Tolosa,

Poste de pervesir au 1^er heurèr 2010.

Candidatura
(CV + letra de motivacion) a :

Na
Presidenta - IEO 31 - "Ostal d’Occitània” - Carrèra Malcosinat - 31000
TOULOUSE



Contacte : Jean-Paul Becvort
06 85 47 77 44 jpbecvort@ieo31.com

Pausarai ben una candidatura s'èri pas quasi segur que lo pòste es adejà atribuït per copinatge.

M'aviás pas dit qu'èra un mièg-temps ? Es pas escrit dins l'anóncia…

sabiàtz joglar, de mai?

Soi pas tròp de la partida mas supausi que qualqu'un que mestresariá tot aquò e que trabalhariá dins una bostia francesa (e donc qu'auriá pas la competencia "occitan" a far valer amai) seriá pagat mai non?

Una oferta d'emplec, aicí coma endacòm mai, pareis totjorn amb de demandas de competéncias que se pòdon pas trobar totas dins una sola persona. Es (vengut…) lo jòc…
E òc, se jamai tròban la perla rara, la caldrà pagar una fotuna (doncas trobaràn una persona que sap parlar occitan mai o mens, e lor anirà !)

Cerièra de Mai a écrit:
E òc, se jamai tròban la perla rara, la caldrà pagar una fotuna (doncas trobaràn una persona que sap parlar occitan mai o mens, e lor anirà !)

En generau, quo es l'inversa, prenen quauqu'un que sap pas parlar mas que sap far dau comerci...

De comerci, de comptabilitat, de sites internet (de botiga en linha…)
Se tròban qualqu'un que sap far tot aquò a l'encòp…

O alara embauchan quatre personas...paiadas quatre còps mens...

O un que parla pas l'occitan e que serà pas pagat...

Èi l'impression qu'èm tots mei o mensh optimistas sus la professionalizacion deu mitan occitanista...

dirai personaument qu'ensajan ja de fargar un emplec benleu amb una volontat de lo faire durar, es ja pas mau, personaument preni lo temps de veire ço que balhara

Matieu C. a écrit:Pausarai ben una candidatura s'èri pas quasi segur que lo pòste es adejà atribuït per copinatge.

Te pòdi afortir Matieu que de cap de biais, i a pas de persona autrejada fins ara (amigança o pas) e i a pas agut gaire de candidaturas

Aquò's benlèu un pòste que demanda fòrça competéncias mas estimi mai qualqu'un que sàpia far son trabalh coma cal (emai parlèsse pas l'occitan coma cal a la debuta, la formacion se pòt far apuèi, se passa ja atal a l'IEO 31), puslèu que qualqu'un que parle plan la lenga mas que seriá pas complir lo demai del trabalh. La competéncia en lenga se pòt far apuèi.

Pense qu'es lo bon biais de far Godolin.

Cerièra de Mai a écrit:M'aviás pas dit qu'èra un mièg-temps ? Es pas escrit dins l'anóncia…

Aviái pas vist. Aquò's un CDI a temps plen.

+ 1 amb lo vejaire de Godolin, se volem profesionalisar l'occitan val mielh menar monde competents cap a la lenga, que prener monde que parlon plan e ensajar de los menar cap a mestiers pels cals tenon pas "la fibre" (a mai, al vist de prefil de poste, un bon comerçiau se saura adaptar (cf los japoneses e la pesca en bretanha o los afars en Catalunya)

maime a écrit:Pense qu'es lo bon biais de far Godolin.

+1

Godolin a écrit:Aviái pas vist. Aquò's un CDI a temps plen.

OK, tant pièg, de tot biais sabi pas far de comptabilitat alavetz…

Mes qui sap har de la comptabilitat E quauqu'arren mei ? A si, mon prof de comptabilitat de l'annada passada sabèva har de la comptabilitat e gular pr'amor comprenevam pas la comptabilitat (d'alhors s'es estancat avan Nadau e es partit en depression...)

Escota l'Òmi, som un emplegat de l'IEO e te pòdi díser que vesi de collègas far de comptabilitat (jo tanbens, ne fau un bocin mentre qu'èra pas çò mai interessant per jo quand ne fasiái en BEP o BAC PRO) e tot un fais de causas a costat (apuèi, i a tostemps dins las associacions un clavaire per ajudar). E puèi, seriá piòt de créser que lo mercat del trabalh en occitan demandariá mai de competéncias qu'endacòm mai. Èi l'impression que lo mercat del trabalh demanda de mai en mai de competéncias. Alavetz perqué pas tanpauc per l'occitan (ba disi un còp de mai, cal téner compte de la nòstra problematica e nos podèm pas permetre de prene qualqu'un sonque pr'amor que sap parlar la lenga nòstra).

Soi d'accòrdi sul biais de far( engatjar qualqu'un per sas competencias professionalas e lo formar a la lenga puèi), quita pas lo problèma del salari...

Si que non, avètz fach passar (tanben) una anoncia que mancione pas la mestresa de la lenga occitana? O al mens que mancione la possibilitat que son aprendizatge siá integrat a la formacion continua (pagada per l'entrepresa of course)?

Godolin a écrit:Èi l'impression que lo mercat del trabalh demanda de mai en mai de competéncias

Es sus aquò que romegavi, mai naut, e pas sus l'IEO particularament…
Te demandan de mai en mai de tot saber far (dins mon job : print+web+3 lengas + flash/php/gnagna… et de còps tanben un permis de menar per los camions o ambulanças !!!) per una paga al SMIC…
Veire aquò n'ai pro… (OK, sortissi… >>>>)

Alavetz perqué pas tanpauc per l'occitan

Ben justament… avèm lo dreit d'èsser tant colhon coma los autres, non ?

Pòde pas conçebre que lo vendeire sia a l'encòp charjat de far sap-pas-quina menadura de project culturau e de metre en plaça 'na plata fòrma d'e-commerce. Qu'es hallucinent. Fau far los pitits forns tamben daus còps que i a un minja-dreit a Malcosinat ?

Desvoloparai quand aurai lo temps, mai çò que liegi aquita mi fa venir mai que lo racabòmi.

Siau uros de pas trabalhar ambé vautres, vos va dieu.

E onestament, la vòstra veision de l'occitan, vos la podètz gardar.

Òc, desvolopa se te plai, qu'aqui es un pauc fósc...

Co que me geina dins tot aquo es que setz de romegar contre un sisteme (boti la segonda persona del plural per de que ieu podi pas romegar, quitament se ai pas l'impression que los emplegats de la radio son pas mautractats e que fasem tot ta los perenisar, son d'emplecs ajudats (ieu lo primier teni un contracte "kleenex") que passa las termieras pichonas de l'occitan e qu'es lo probleme de l'associatiu en general e de la sua manca de miegjan.
A mai trapi qu'es una avançada ja la volontat de fargar d'emplec, amb aparentament l'idea de perenisar darrier, s'acontenta pas de faire jogar lo "militantisme" en demandant a benevòls de tener una botiga 2 jorns per setmana per "la Cause" (me diretz pas l'encontrari marcha a totes los nivels associatius, vos podi diser qu'una gasida occitana nos contactet far pas gaire per nos demandar de faire reportatges radio amb ROC e TV amb TSF en nos demandant "quant de moneda setz prestes de nos balhar ta poder faire aquò ?" (non content de faire aquo sul militantisme om te demanda de balhar dardenas).
Continui d'apiegjar sul fach (que ieu m'espantet) de "l'interessament a las vendas", de costuma lo sisteme es sias pagat al lança peira e totas las dardenas que dintran van a l'associacion (e es pas occitan, marcha de "Artisans du monde" fins a "l'Utopia" es lo probleme de l'associatiu).

Trapi tanben colha de tustar sus Godolin sus aquo (vo, estimi l'ome, mas aia pas de ligam) que coma lo diguet es pas qu'un emplegat que far virar l'assaber.

A mai pausarai la question reversa, setz de cridar per aver mantunes emplegats (un per causa de faire) sembla logic vo, mas quant de nosautres aniran crompar causas a d'aquela botiga per ajudar de pagar aquel(es) emplegat(s)?

Setz los primiers de tustar sus Alh-Oli quora dit "travalhi ta emplenar lo fregidor" e de l'autre cant setz de plorar que siaguesse pas prepausat un poste a 20 oras setmanas pagat 5000€ amb mercedes de foncion....cal tanben fintar la vida, la realitat de l'associatiu es certa pas la meteissa que la de l'EN, de l'autre cant quant de sòçis d'associacions aici e quant que son al fial de la situacion de l'associatiu e que son prestes d'anar per carriera revendicar per ? Nos los 3/4 dels militants associatius s'acontenton de venir a l'associacion per faire l'activitat que lor agrada dadins, romegar a las AG e pas degun per botar las mans dins la merda.

Aprep, reconeissi que i'a una trapela dins l'anoncia, lo sol nom d'ostau del patron referent ameritaria la demanda d'una "prime de risque"..... mas aquo es una autra contesta....


Cedric

E.A: aquela discutida me far pensar a quicom qu'ai compres la setmana passada en essent convidat de sietar a l'Amassada (sisteme montat pels occitanISTES alprep de la region ta decidir d'una politica per l'occitan e per ajudar de botar en plaça l'esquema de desenvolopament de l'occitan per la region) e que m'a far entendre per de que "Anem Oc" apiegja tant sul servici public e la necessitat d'una lei per lo garantir: aviai l'impression d'esser a una AG de la FSU, al cap de 3 minutas se comprenha que s'anavia pas parlar que d'esenhament (soi d'accordi dins la toca d'educar lo monde es essenciau) mas pas per faire venir lo monde mai saberut, non per poder assegurar la retirada confortable als ensenhaires del public occitan (combat plan tanben mas mens essenciau)............e s'era aquo lo mitan occitanISTE foncionaris qu'aprofiechan de las loras (numerosas) vacanças ta anar prener de leser dins las associacion

Godolin a écrit:Escota l'Òmi, som un emplegat de l'IEO e te pòdi díser que vesi de collègas far de comptabilitat (jo tanbens, ne fau un bocin mentre qu'èra pas çò mai interessant per jo quand ne fasiái en BEP o BAC PRO) e tot un fais de causas a costat (apuèi, i a tostemps dins las associacions un clavaire per ajudar). E puèi, seriá piòt de créser que lo mercat del trabalh en occitan demandariá mai de competéncias qu'endacòm mai. Èi l'impression que lo mercat del trabalh demanda de mai en mai de competéncias. Alavetz perqué pas tanpauc per l'occitan (ba disi un còp de mai, cal téner compte de la nòstra problematica e nos podèm pas permetre de prene qualqu'un sonque pr'amor que sap parlar la lenga nòstra).

Èra umoristic, ec precisi. Èi pas tostemps lo reflèx de botar lo smiley. Mon oncle es expert comptable, e dens la familha se demandam com hè ende passar los 40 ans dab lo stress que l'i bota lo son trabalh.

joan_cavalier a écrit:e s'era aquo lo mitan occitanISTE foncionaris qu'aprofiechan de las loras (numerosas) vacanças ta anar prener de leser dins las associacion

As rason, e mon vesin, fin pensaire Rmista que fa la jornada contunha...sus playstacion... (çò que li laissa lo temps a eu tanben de chifrar sus tot), diriá que "lei foncionaris es coma leis arabis, si brandan de lònga..." Putanier a far de provoc, tant vau cabuçar dins lo politicament incorrèct... e per aquò s'amerita eu un 10/10
Mai nautres militants occitans, supausi que siam pron finòchos per pas far de generalitats de francés mejan ansin en metent tot lo monde dins la mema banasta...

Regreti un pauc que d'aquesta passa lo forum siegue sovent dins la "desconstruccion", emb un peçuc d'agressivitat, pensi gaire que siegue federator e que nos farà avançar.
Mi permeti d'o dire que siáu aicí despuei la quasi debuta e qu'aimi ben aquest endrech, mai 10 personas que parlan sus 360, quauqua ren truca, qu'aperaquí 97% dau potenciau es laissat de caire...curiós.

Amistats, e coma o disèm au levant: Ben faire e laissar dire, e cu ne'n ditz tròp, ne'n rire.

Bojarron a écrit:

joan_cavalier a écrit:e s'era aquo lo mitan occitanISTE foncionaris qu'aprofiechan de las loras (numerosas) vacanças ta anar prener de leser dins las associacion

As rason, e mon vesin, fin pensaire Rmista que fa la jornada contunha...sus playstacion... (çò que li laissa lo temps a eu tanben de chifrar sus tot), diriá que "lei foncionaris es coma leis arabis, si brandan de lònga..." Putanier a far de provoc, tant vau cabuçar dins lo politicament incorrèct... e per aquò s'amerita eu un 10/10
Mai nautres militants occitans, supausi que siam pron finòchos per pas far de generalitats de francés mejan ansin en metent tot lo monde dins la mema banasta...

Regreti un pauc que d'aquesta passa lo forum siegue sovent dins la "desconstruccion", emb un peçuc d'agressivitat, pensi gaire que siegue federator e que nos farà avançar.
Mi permeti d'o dire que siáu aicí despuei la quasi debuta e qu'aimi ben aquest endrech, mai 10 personas que parlan sus 360, quauqua ren truca, qu'aperaquí 97% dau potenciau es laissat de caire...curiós.

Amistats, e coma o disèm au levant: Ben faire e laissar dire, e cu ne'n ditz tròp, ne'n rire.

+ 1

+ 10000000000000000 (malurosament, benleu)