De la literatura en occitan ? N'avem, plan segur, e es enquera plan viva. Mas daus premis per recompensar e far coneisser los autors d'aquela literatura ? Mens segur, evidentament chascun podrà n'en citar un o dos, mas 'quò despassarà jamai los dets d'una man. Dins quilhs-qui, lo Jaufre Rudel es un daus mai importants, e daus mai ancians, emb cincanta annadas au comptador.
D'acostuma reservat mai que mai a la poesia, genre a l'imatge elitista, se veguet dreibir ujan a tota la literatura. Per son bonur fau creire, puei que un recuelh de novelas (lo prumier), Lo Pont, d'Esteve Ros, remportet sens contestacions las votacions de la jurada.
Sos membres saluderen la lenga simpla e a l'encòp richa de l'autor, son biais d'adaptar l'occitan a la modernitat, son univers cinic e fantastic, pregond e aisat de 'preimar, negre e risolier que sec los pas daus grand autors de la literatura fantastica contemporana.
Un President a vita que vòu bastir un pont sus ren, un inspector retirat pres dins una mahinacion en fòrma de juec d'eschacs, una bordilha d'ostau enrabiada que chercha la pelejada, un pitit vielh de jardin public aus lesers sanhos, un prince charmaire e una princessa embelinada, un mancier entrepachat, dos escrivans renomats, un ploraire professionau content de se, un tesmonh platussaire, un estudiant amoros d'una estatua, un descopaire de vita, los temas son originaus e riches dins Lo Pont e jamai l'umor de l'autor recond de las refleccions mai pregondas provocadas d'aqui-d'alai (sus la democracia, los mediàs, la plaça de l'òme...).
Lo Pont es un de quilhs libres en occitan que se pòden legir sens esser pausats, sens aver besonh d'un diccionari a portada de la man, sens complexes, e sens aver lo sentit d'esser pres per un colhon tanpauc. Un libre que, mai que l'enveja de legir en occitan, balha l'enveja d'escriure ; un libre a botar entre totas las mans e davant tots los uelhs.
Lo Prèmi Jaufre Rudel serà remes a Esteve Ros lo 7 de Decembre de 2009 a 5 oras de l'enser au Conselh Regionau d'Aquitània, a Bordèu.
En esperar, podetz comandar lo libre per 13 euròs a Novelum-IEO, que z'edita.
NOVELUM
Centre social et
culturel, 95 route de Bordeaux 24420 MARSAC sur L'ISLE
05 53 08 76
50 ieo24@ieo-oc.org
http://novelum.ieo24.online.fr/edicion/index.htm
D'acostuma reservat mai que mai a la poesia, genre a l'imatge elitista, se veguet dreibir ujan a tota la literatura. Per son bonur fau creire, puei que un recuelh de novelas (lo prumier), Lo Pont, d'Esteve Ros, remportet sens contestacions las votacions de la jurada.
Sos membres saluderen la lenga simpla e a l'encòp richa de l'autor, son biais d'adaptar l'occitan a la modernitat, son univers cinic e fantastic, pregond e aisat de 'preimar, negre e risolier que sec los pas daus grand autors de la literatura fantastica contemporana.
Un President a vita que vòu bastir un pont sus ren, un inspector retirat pres dins una mahinacion en fòrma de juec d'eschacs, una bordilha d'ostau enrabiada que chercha la pelejada, un pitit vielh de jardin public aus lesers sanhos, un prince charmaire e una princessa embelinada, un mancier entrepachat, dos escrivans renomats, un ploraire professionau content de se, un tesmonh platussaire, un estudiant amoros d'una estatua, un descopaire de vita, los temas son originaus e riches dins Lo Pont e jamai l'umor de l'autor recond de las refleccions mai pregondas provocadas d'aqui-d'alai (sus la democracia, los mediàs, la plaça de l'òme...).
Lo Pont es un de quilhs libres en occitan que se pòden legir sens esser pausats, sens aver besonh d'un diccionari a portada de la man, sens complexes, e sens aver lo sentit d'esser pres per un colhon tanpauc. Un libre que, mai que l'enveja de legir en occitan, balha l'enveja d'escriure ; un libre a botar entre totas las mans e davant tots los uelhs.
Lo Prèmi Jaufre Rudel serà remes a Esteve Ros lo 7 de Decembre de 2009 a 5 oras de l'enser au Conselh Regionau d'Aquitània, a Bordèu.
En esperar, podetz comandar lo libre per 13 euròs a Novelum-IEO, que z'edita.
NOVELUM
Centre social et
culturel, 95 route de Bordeaux 24420 MARSAC sur L'ISLE
05 53 08 76
50 ieo24@ieo-oc.org
http://novelum.ieo24.online.fr/edicion/index.htm