Partit occitan

Rappel du premier message :

Aquesta rubrica per far coneisser l'actualitat d'aquel partit;
Per començar los ligams principals:
http://www.r-p-s.info/
http://partitoccitan.free.fr/
http://provenca.partitoccitan.org/
http://www.partitoccitantarn.eu/
http://poc.cantal.neuf.fr/
http://poctolosan.over-blog.fr/
http://partit.occitan.erau.over-blog.com/
http://nhaclemosin.wordpress.com/

LA LIBERTAT UNA BATESTA DE MENAR DE LONGA, engatja te !
Per Tolosa coma per Occitània tota totjorn mai !

Macarèl, as pegat una aficha !!!

Waouh ! Incredible ! Au POC sabetz mesclar la pega ?

Pòc ! Pòc ! Pòc ! E l'aficha es.

ELECCIONS CANTONALAS 2011
Juntatz los comitats de sosten al Partit Occitan qu'es present ara sus un vintenat de cantons e/o ajudatz financièrament (Comitat dinsTarn...), lo combat politic es de mai en mai necessari a la subrevida de nòstra lenga e al desvolopament democratic de nòstre país.
http://partitoccitan.org/article495.html

Ieu n'ai res a faire dins mon canton i a pas d'eleccions. De tot biais i seriái pas anat. Per contra l'aficha del Pòc : " J'aime mon pays, j'aime ce pays, je vote occitan " la trapi pas geniala, fa un pauc vielhòta e l'eslogan piòt. Après pensi que votariái Pòc se i aviá un candidat d'aquel partit dins mon canton mas si que non i vòu pas. Solidaritat occitana. Per contra soi prèst de votar PNO o Ligue du Midi. e

Per ne'n saber mei sus la candidatura en coalicion dab lo PS a Tolon, lo PS tolonés ei vertaderament d'esquèrra, o lo POC ei definitivament deu centre ?

I. Mahmut a écrit:lo PS tolonés ei vertaderament d'esquèrra,

Quò exista 'na seccion PS de gaucha ???

Es coma lo sketch de l'umorista de Besièrs Danièl Vilanova que fa un vièlh d'origina espanhòla e que ditz a un amic : " tu le sais j'ai toujours à gauche mais une fois dans ma vie j'ai voté à droite... en 81 j'ai voté Mitterand ".

I. Mahmut a écrit:Per ne'n saber mei sus la candidatura en coalicion dab lo PS a Tolon, lo PS tolonés ei vertaderament d'esquèrra, o lo POC ei definitivament deu centre ?

Lo POC sap far de politica ! Convencer e saupre far d'aliganças es lo prealable per poder esperar una reconeissença amb de resultas minimalas, se que non es pas la pena d'i anar, pendent d'annadas l'occitanisme politic demorèt sus una linha "independenta" e aquò li balhava a l'entorn d'1% d'electors ! Lo purisme, bastà !!!
La politica politiciana dreta /esquèrra quina esquèrra etc jo n'ei plus res a fotre, vòli un partit vertadièrament occitan amb un pes electoral que pesa sufisament per avançar cap a una societat occitana que serà çò que lo pòble occitan voldrà, çò dit lo POC es un partit clarament ecologista e per una democracia sociala, la solucion per far tombar lo capitalisme degun l'a encara trobada, lo POC mena çaquelà un combat autonomista qu'es logicament dins l'encastre de l'idèia generala d'autogestion. Mas es que l'autogestion es totjorn d'"esquèrra" ? Ont es lo sindicat francés que luta per aquò ? Son totes dins la cogestion çò qu'explica lor estrategia de demobilisacion dels trabalhadors dins la luta per la retirada a 60 ans...Alavètz plan segur nos fasèm pas cap d'illusions sus lo PS, mas avèm decidit de dintrar dins la batèsta e lo fasèm; quora lo PS o EE nos daissan de plaças es pas per nos far plaser, es la resulta d'un rapport de fòrça que se bastis pauc a pauc, es aquò la politica...

En brèu, Lafontan sias de nos diser que dintratz dins una cultura del resultat que far que pauc importa l'aligança l'important es de faire chifras ?

Mouaif....... quora una fusion POC/UMP (veire FN coma es la fòrça montanta) istòria de ganhar de las votz...

Francament, eri a la presentacion de las tièras far una setmana al Chat d'Oc, e lo discors me semblet pas lo meteish

Cresi que òc i'a un vertadier probleme en politica (e es pas sonqu'occitan o franco-frances) es que fòra de las extremas e de certs sòçis d'EE los Verds, los politics desfendon pas d'ideas sanceras s'acontentan de dubrir lo jornal per veire las tendencias que marchan ta menar d'electors (es çò que me mena cada jorn de soscar plan a las informacions que vau tractar cada jorn istòria de cabussar pas dins la manipulacion de massa) quitament se soi pas jamai estat un prochi del POC (i teni d'amics ) se lo POC seguis lo moviment trapi aquò domatge.

Fin finau, lo POC passa de mau crededer per manca de visibilitat a mau crededer per manca d'idèia.

La politica politiciana dreta /esquèrra quina esquèrra etc jo n'ei plus res a fotre, vòli un partit vertadièrament occitan amb un pes electoral que pesa sufisament per avançar cap a una societat occitana

Qu'alucini ..
En clar qu'etz sus las basas deu PNO, : occitan, Occitania e çò de mei se'n fotem.
Efectivament lo discors qu'ei radicaument diferent segon los sòcis deu Pòc.

L'occitanisme n'ei pas un programa politic.
Se "saber har de politica", qu'ei trobar n'impòrta quin partit francés per se har acceptar e trobar ua o duas plaças en Conselh generau o regionau, tròbi aquò patetic e insultant per los vòstes electors.

[quote="I. Mahmut"]

L'occitanisme n'ei pas un programa politic.
Se "saber har de politica", qu'ei trobar n'impòrta quin partit francés per se har acceptar e trobar ua o duas plaças en Conselh generau o regionau, tròbi aquò patetic e insultant per los vòstes electors.

E toc. 100% d'acòrdi. Aquò li dián una paradòxa dei bèlas

Vesetz que lo POC ten una utilitat, capitan de botar I. Mahmut e Alh-Òli d'acòrdi lol

Me sembla que lo programa dau Poc es simple : promocion de la lenga occitana, autonomia d'Occitània sus lo modele espanhòu (per pas parlar d'independéncia, que seria pusleu de far d'Occitània un membre de l'Union Europeia). Emb un anti-comunisme priond (e suvent primari).

Vesetz que lo POC ten una utilitat, capitan de botar I. Mahmut e Alh-Òli d'acòrdi lol

Hihi e n'èra pas ganhat !

maime a écrit:Me sembla que lo programa dau Poc es simple : promocion de la lenga occitana, autonomia d'Occitània sus lo modele espanhòu (per pas parlar d'independéncia, que seria pusleu de far d'Occitània un membre de l'Union Europeia). Emb un anti-comunisme priond (e suvent primari).

Mouais... L'autonomia de l'espaci occitan es un pauc una conariá, tròbi. Sus un territòri tant grand, lei problemas sarián lei memes que per França tala coma es ara. Faudriá milehs decopar lo machin en tres partidas distinctas, perqué pas en suivant lo decopagi dei regiens coma l'es ja, e en fent d'aicí d'ailà quauqueis assemblagis. Sariá mai coerent.

E puèi, segur, pensar ais autreis autonomias que constituarián França aprèp l'adopcien de la VIè ò VIIèna Republica.

Mon païs : Occitània ! Mon combat : lo comunism !

I. Mahmut a écrit:

Vesetz que lo POC ten una utilitat, capitan de botar I. Mahmut e Alh-Òli d'acòrdi lol

Hihi e n'èra pas ganhat !

LOL ! :ironic: