Nadau ...

Jo, qu'èi un chepicòt dab ua cançon de Nadau.
Aquèra cançon s'apèra "La pòrta dab lo pè". Aquèra, qu'es ua sòrta de "rap", mes ei sustot l'impression qu'es ua parodia. Que pòdetz escotar un tròç suu sití de Nadau, aicí :

http://perso.orange.fr/nadau/la%20porta.mp3

Mes çò que me truca mei, n'es pas tant la parodia, mes las paraulas.

Ai pas las paraulas jos la man e me soveni pas plan, nos porias rapelar de qué parla aquèla chançon ?

Espèras un chic, qu'ei hicat las paraulas au solèr ...

?????? au solèu ????? Ma per qué far, miladiu ???

Las ei trobadas, qu'èran escondudas per un topin de graish ...

Vaquí :

Quan sii fatigat d'estar un semiador de mots,
Quan agi dens lo cap au mens un milièr de cançons,
Un dia qu'anirèi tà la maison de l'estrangèr,
Que possarèi la pòrta, la pòrta dab lo pè.
Que'u diserèi : jo n'èi jamèi arrenegat arren,
Que soi deu men país, e deu monde tanben,
Hip, hòp,
Qui s'a pergut l'esclòp ?
Ni jo, ni tu, ni jo, ni tu, ni jo, ni tu tanpòc.

Adiu, quin va, adiu quin va ?
Si vòs que la te canti, que la te vau cantar.

Bon la prumèra partida, que va. Qu'es la dusau que me truca... :

Qu'avèrei a la man un tròç de hampa(1), ua ascla d'alh,
Ua botelha de vin, ua fotò de la mair,
E tres pedàç au còr, un vielh saunei de cocotièr,
Que possarèi la pòrta, la pòrta dab lo pè.
Que'u diserèi, e si jamei e vòs minjar un nhàc,
Jo qu'èi tot çò qui cau, aquiu dehens lo sac.
Criu, crau !
Non i a pas tròp de mau,
Qu'ei lo crit de la hampa, en devath deu caishau.

(1)La hampa : le lard.

Uèi, l'estrangèr, qu'es sustot lo musulman, non ? Lavetz, perque, dins aqueth moment de partatge, li perpausar deu pòrc (hampa) e de l'alcòl (lo vin) ? Provocacion ?

Es vertat que la question se pausa, mas per ieu l'estrangièr es pas forçadament un musulman, e pense pas que Joan de Nadau aia l'esperit tan mau virat qu'aquò per perpausar un bocin de tesson a un musulman !
E puei, es un biarnès "cap e tot" que parla, l'estrangièr pòt esser nonmas un tipe de la valada d'a costat que s'es instalat aqui...
Per n'en parlar, nos faudria benlèu la chançon en entièr, e perque pas la revirada...
Vertat que sembla i aver una simbolica dins la chançon, mas pense pas que siam qualifiats per n'en parlar...