ALERTA !

Rappel du premier message :

Prepausi una rubrica novèla per far de "lobing" quora n' i a mestier !

Per aqueste còp gaitatz lo jornal de France 3 Toulouse (France 3 Régions 0) , me sembla que merita una brava critica per son anti occitanisme, totas las reaccions son mai o mens negativas e s'acaba per un "Terminus Occitanie" es clar , non ? es a la minuta: 3'09""
http://jt.france3.fr/regions/popup.php?id=l31b_locale&video_number=1
Per reagir alprèp de la redaccion locala:
redaction.toulouse@france3.fr
e alprep de la mediacion nacionala:
http://relations.france3.fr/contact/form1_medinfo.php?chaine=france3

Pensavi pas qu'erètz tant qu'aquò estacats a las questions de forma e d'estetisme, per Cerièra es normal es una redactritz de mòda (praquò es pas blonda, i a quicòm que truca !), mas los autres enfin un pauc de coratge, ensajatz de trapar d'arguments de fond o benlèu que sètz completament acquesits a l'estrategía politica del POC e l'ei pas plan compres, ensajarei d'escotar melhor çò que disètz....

Lafontan a écrit:benlèu que sètz completament acquesits a l'estrategía politica del POC e l'ei pas plan compres

Benleu que l'autonomia quo es pas nonmas l'estrategia dau POC...

Espèri tanben, si que non son dens la mèrda los occitans (atencion ei pas briga ua critica deu PÒC, mes voleré diser que sonque 0.01% deus occitans son per l'autonomia)

La rason es pas la mòda, la color dels pels o autre, Lafontan, e parli quitament pas d'estetisme, mas pòdes pas dire que lo visual compta pas pel messatge que vòls far passar. Se sona la comunicacion, e… es mon trabalh, estranh non ?
Se i a 0,01% d'occitanistas per l'autonomia, n'i a pas mai qu'aquò qu'an de documents plan faits… questionde budget, semblariá. Al mens que, a tròp se dire que i a pas que lo fons que compta, ajan pas envenja de prene compte de la necessitat d'aver una vertadièra identitat visuala. Mèfi que i a Libertat, tot fresc nascut, qu'a de grafismes plan polits ! (e disi aquò, son quitament pas de ieu !!)

Per çò que de l'autonomia, èri arser a surfar sul siti del Pòc, soi curiosa ieu, e dubèrta, e m'agrada de saber qual fa qué e cossí. I a de las idèas del Pòc que m'agradan (l'environament es clarament mencionat dins la charta), mas çò que me truca, es lo costat « manca d'ambicion ». M'expliqui :
dins la FAQ, quand se parla d'autonomia, lo Pòc se ditz « realista, per l'autonomia, dins un pòble pas o tròp pauc conscientisat, se pòt pas parlar d'independéncia ». Qual besonh d'èsser europeanista, federalista, se l'Euròpa servís pas a li demandar una autonomia, en squizzent l'Estat Francés ? De qué servís alavetz l'Euròpa ?
L'autonomie coma « marchepied » a l'independéncia, òc plan segur ? Nòstra situacion foguèsse coma la dels catalan, ne seriái ja plan urosa ! Mas dins aquel cas, de qué deven lo Pòc ? Un còp sa tòca ganhada, tot lo monde al lèit, sèm encara « cuitadans de la respublica fransesa, mas de nacionalitat occitana » coma ai legit ? (que vòl pas dire, res !!)
Es aquel costat « sèm de franceses, volèm pas tornar metre aquò en question, sonque un pauc mai d'occitan se vos plai, mercés », que me sembla un pauc tròp mòl… manca d'ambicion.

Me sembla evident que la causa occitanista siá la reconquista de nòstre país (macarel sèm al 800a aniversari de la debuta de la crosada, es a dire de la nòstra colonisacion !!), sèm en çò nòstre, dins l'idèa, non ?
Rai qu'i arribèssem pas a pas, mai o mens lèu, mas aquò demòra la nòstra causa, me semble.

Va reverdejar aquela p*** de laurèl, òc o mèrda ?

Anèèèèèèèèèm !

Parlas d'estrategia politica e nos mostras un eslogan que boira 2 nocions distintas.
Autonomia per la lenga, me dís pas ren.

Damandar l'autonomia qu'es 'na chausa, damandar un melhorament quant a la lenga quo ne'n es n'autra.
Autonomia per aver los mejans de valorar la lenga, fau entendre ? Queraque siá limitat.

Autonomisme, (e federalisme), son d'ideologias de constitucion, un còp que quò es mes en plaça, quin es lo programe prepausat ?
Far dau profiech a tota fòrça ? Espleitar las possibilitats productivistas juscant que n'i aja pus de ressorgas ? Encoratjar lo monde de l'entrepresa e comptar sus la creissença ?
Sabe bien qu'es pas la tòca dau POC, mas dins son nom, quò s'i veu pas.

• Organisar la solidaritat sus lo territòri ? L'accès de tots au minimum per viure dinhament (ai gardat la costuma de 'pelar quò communisme)
  
• La garantia d'un environament respectat e a pauc prèp transmetible aus nòtres enfants, La gestion de n'economia que segura n'auto-sufasença alimentaria (sanha) e daus transports rasonats ? ('pele quò ecologia)
  
• La garantia d'equitat per tots ? Quina que siá la lora lenga practicada, la color de los pèu, l'endrech que son nascuts ò lo bias que bican (se pela l'Estat de drech)

Me sembla que s'i trapa un cocktail d'un pauc de tot quò dins ton partit, non ? Perqué lo captam pas tras que disès son nom allèra ?

Tot quò que vene d'evocar son d'ideologias d'evolucion, definissen un biais de se representar la societat dins la durada e pas ren-mas au moment d'escriure la relgla dau juèc. Qu'es quò que fai fauta au organismes que se presentan ren-mas « Occitan »

Ooops, aviá dobledat de parlar de metre en plaça 'na politica linguistica, qu'es colhon mas me sembla que lo país patís de tant de colonisacion que l'i a dautres chantiers que me venguèren en testa.

Danís a écrit:Benleu que l'autonomia quo es pas nonmas l'estrategia dau POC...

Seriá plan mas vesi pas tròp ont, al MODEM ? ençò dels Verds ? Se pòt dire, un pauc mas d'un biais plan moligàs e segondari dins lors prioritats.

Matieu a écrit:Espèri tanben, si que non son dens la mèrda los occitans (atencion ei pas briga ua critica deu PÒC, mes voleré diser que sonque 0.01% deus occitans son per l'autonomia)

Es pas la realitat, ara quora lo POC se presenta a d'eleccions fa de resultas sovent a l'entorn de 3% e mai a l'entorn de 10% coma se passèt per de cantonalas dins nauta garona e dins Tarn

Cerièra de Mai a écrit: çò que me truca, es lo costat « manca d'ambicion ». M'expliqui :
dins la FAQ, quand se parla d'autonomia, lo Pòc se ditz « realista, per l'autonomia, dins un pòble pas o tròp pauc conscientisat, se pòt pas parlar d'independéncia ».
L'autonomie coma « marchepied » a l'independéncia, òc plan segur ? Nòstra situacion foguèsse coma la dels catalan, ne seriái ja plan urosa ! Mas dins aquel cas, de qué deven lo Pòc ? Un còp sa tòca ganhada, tot lo monde al lèit, sèm encara « cuitadans de la respublica fransesa, mas de nacionalitat occitana » coma ai legit ? (que vòl pas dire, res !!)
Es aquel costat « sèm de franceses, volèm pas tornar metre aquò en question, sonque un pauc mai d'occitan se vos plai, mercés », que me sembla un pauc tròp mòl… manca d'ambicion.

L'autonomía es una granda ambicion per los paises occitans compte tengut de la nòstra situacion, quora l'aurèm lo Partit occitan podrà adaptar son estratgegía a la situacion novèla, es un pauc coma èsser social democrat o revolucionari, se deman la situacion es revolucionaría serà oportun d'èsser revolucionari perque i aurà una possibiliat de la far; Ieu soi plus lèu situacionista per poder adaptar en permanéncia nòstra ofèrta de societat a la demanda de la societat o pluslèu a çò qu'es capabla d'entendre a un moment donat.
Sus la question de la comunicacion soi d'acòrdi amb tu, avèm de progresses de far, me bati dins mon partit per aquò, pensi qu'es un afar de generacion, tot aquò va cambiar ! Nos i cal ajudar, anirà mai lèu...

Einucent a écrit:Parlas d'estrategia politica e nos mostra un eslogan que boira 2 nocions distintas.
Autonomia per la lenga, me dís pas ren.
Damandar l'autonomia qu'es 'na chausa, damandar un melhorament quant a la lenga quone'n es n'autra.
Autonomia per aver los mejans de valorar la lenga, fau entendre ?

Efectivament l'autonomía es aquí un mejan per obténer l'occitan lenga oficiala, que serà jamai possible dins l'encastre d'un estat centralisat, cal pas somiar.
Es un biais de dire que ANEM OC! PER LA LENGA OCCITANA ! se farà pas sens mejans politics e donc sens elegits autonomistas. Es ara la prioritat per avançar dins aquel combat coma per l'ecología, lo culturalisme a sos limits e pensi que los anam veire lèu.
Per çò qu'es de la question del nom del nòstre partit, soi d'acòrdi es pas pron eficaç, mas es pas l'essencial e lo debat es lançat al dintre del partit, la nòstra refondacion serà espectaculara, ne soi segur, sustot se de joves contunhan de lo junher coma se passa dempuèi qualques temps. La nòstra basa es solida, los ainats an plan trabalhat, nos cal far fisança.

I'a una estrategia politica al POC ? Primiera nova

Aprep francament dirai que teni dins los partits politics (tant occitans que en general) tant fisença que dins los contrarotlaires de las talhas

Oc, l'estrategia politica deu POC es simpla : non pas tròp apregondir los concepts politics, a despart de l'oficialitat de la lenga benlèu, entà non pas trucar los amics de Europe Ecologie ...

Lafontan a écrit:Per çò qu'es de la question del nom del nòstre partit, soi d'acòrdi es pas pron eficaç, mas es pas l'essencial e lo debat es lançat al dintre del partit, la nòstra refondacion serà espectaculara, ne soi segur, sustot se de joves contunhan de lo junher coma se passa dempuèi qualques temps.

V'autres maitot, fasetz 'na refondacion ? Qu'es 'na pandemia a man mança aüei (per los partits occitans coma francés). Qu'es la gripa refondoira.

Veirem ben çò que balharà. Mas ma fisença vai benleu pas au Pòc...

Qu'es la gripa refondoira.

Per aquò tanben cal utilisar una solucion idro-alcolica ?

Ten, es dròlle, ieu que voliái pas anar a Carcassona, Lafontan me donariá gaireben enveja d'i anar. Soi d'accòrdi amb tu sul concept d'autonomia, aquò me sembla ja bravament avans-gardista en França per dire pas eretic. Pel demai, ò-ben avètz d'idèias d'esquèrra que son compatiblas amb un partit que pesa al nivèl nacional.Ont es lo problèma?

Aprèp pel 0.01 per cent dels occitanistas que vòta POC, disi benlèu, mas mai que mai, diriái que i a pas mai de 0.01 per cent del monde que demòran en occitania que son occitanistas.Cò que voldriá dire que de non occitanistas vòtan POC de còps en quand; e tan melhor.

Per cerièra:Va reverdejar aquela p*** de laurèl, òc o mèrda ? òc, per far verdejar un laurèl cal de merda. Mas avèm mai d'astre de veire verdejar las p*** que non pas lo laurèl de la lenga. Passeja te per carrrièra e vai t'en parlar en occitan amb tot lo monde se cal per te convencer.

Si que non, sabi que soi caganha, mas çò qu'as sul cap es lo pial, pas los pials. (le pel en tolzan).

S'acòrda pas, coma « hair »… mercés !

En Euròpa, las solas lengas minorisadas que s'en sortisson s'apièjan sur una autonomía politica de lor region, que l'utilisa apuèi coma una palanca economica e sociala. Sens relai politic, sens projecte democratic e realista per Occitània, l'accion associativa soleta, pòt pas permettre la subrevida de la lenga (30 % de locutors minimum) e de la cultura nòstra dins sa diversitat.
Apuèi se pensatz, que los partits franceses cambiaran tot aquò o que cambiarà tot sol amb de discorses e de manifs, podètz totjorn contunhar d'esperar longtemps, longtemps.....Lo "Partit Occitan" es lo sol partit a l'ora d'ara organisat d'un biais pan-occitan e dins la batalha per aquò amb d'aligats: los d'Euròpa Ecología que son a l'encòp federalistas e favorables a una vertadièra politica linguistica, cf la declaracion de G.Onesta, los autres son siái de movements d'accion coma "Libertat" o de partits istorics e simbolics coma lo "Partit de la Nacion Occitana" o de partits locals coma l'Esquèrra Republicana Occitana" implantada sonque en Aran....Ara a vos de veire ont serà l'eficaçitat melhora per deman !
En tot cas lo combat politic es primordial !

Atencion de non pas con.hóner "Libertat" dab "AAP"...

los autres son siái de movements d'accion coma "Libertat"

Qu'es lo ton punt de vist. Mes nosautes de Libertat (que existeish sonque desempueish un mes) que tribalham dens cada seccion per har avançar un projecte polititic pan occitan.
Que vedi sustot dens lo ton messatge ua volontat d'arrecuperacion peu corteji deu Poc per la manif de Carcassona.

capbreton a écrit:

los autres son siái de movements d'accion coma "Libertat"

Qu'es lo ton punt de vist. Mes nosautes de Libertat (que existeish sonque desempueish un mes) que tribalham dens cada seccion per har avançar un projecte polititic pan occitan.
Que vedi sustot dens lo ton messatge ua volontat d'arrecuperacion peu corteji deu Poc per la manif de Carcassona.

Reconeissi la volontat pan occitana de "Libertat" e son trabalh politic sul terren que me sembla plan bon, mas i a pel moment una diferéncia, que "Libertat n'es pas un partit dins la mesura ont se presenta pas encara a las eleccions, benlèu cambiarà e tan melhor; "Libertat" vendrà a n'aquel moment una alternativa novèla sul terren electoral. Demandarà sonque un minimà de coordinacion per s'estalviar de batèstas intèrnas inutilas !
Mas ne sèm pas aquí, pel moment nosautres anam a las "Regionalas" e aquel combat deu nos permettre de dintrar dins los Conselhs Regionals per far ausir la votz occitana e sustot per ganhar de punts concrets coma un Conselh Occitan inter- regional, lo lançament d'una vertadièra politica linguistica amb de mediàs publics occitans, un objectiu d'ensenhament a 30 % de locutors, una socialisacion de la lenga dins l'economía ...
Per la "recuperacion" me sembla normal de voler recampar lo mai possible de monde darrièr la nòstra bandièra, cadun lo fa, amai "Libertat", ex. çò qu'escriu Matieu cresi:
"....Ca vietz numeros encontrar a LIBERTAT dissabte a comptar de 10òras au vilatge occitan, e a 2òras en lo cortègi de la manifestacion. La resisténcia qu'ei ua question de dignitat ! "
Bon, desiri plan segur que i aje un maximum de monde dins cada cortègi, i ganharèm totes !

Lafontan a écrit:
Reconeissi la volontat pan occitana de "Libertat" e son trabalh politic sul terren que me sembla plan bon, mas i a pel moment una diferéncia, que "Libertat n'es pas un partit dins la mesura ont se presenta pas encara a las eleccions, benlèu cambiarà e tan melhor;

Fanton, me permeti de te brembar quicòm, far d'unas annadas de que fasia lo mai recepta dins las carrieras mondinas : lo POC que s'en annavia tot sol a las eleccions o lo CROC que fasia d'accions de terrenc en col-laboracion amb lo SCALP, la LCR, l'AL.... ?

Tant podi entendre que d'unes aguesse l'enveja o sentiguesson lo besonh d'anar a d'eleccions (ieu trapi pas aquo necite, mas a cadun lo seu avejaire, tenem d'autras batestas de menar que de nos carpinhar sus tot aquò (ieu del moment qu'òm me força pas d'anar votar, de me marcar sus las tieras electoralas o de me presentar m'en foti) demori çaquelà que al vist de la situacion, avem benleu necessitat de partitS PoliticS (e plan identificats, Partit Occitan (aimi ben sul site de l'Ostal Sirventes era picat a un moment "Patit Occitan" lol) vol tot diser e res diser a l'encòp (un drin coma Parti Français voldria pas res diser (fora benleu d'un relent vielh de "meches et moustaches") ) mas cresi que nos cal tanben monde un drin mai "radicaus" per poder lo cas venent poder butar los elegits de biais mai radicau del temps que los "politics manhacs" els son de negociar (brembas te l'afar de las placas de carrieras se al periode i'avia agut monde manhacs pron potents (Convergencia e POC en cap) benleu lo CROC auria pas espetat, en perdant la sua essencia en se trapant obligeats de faire los manhacs e los maissants dins lo meteis temps.

Aprep se l'idea es d'anar a las eleccions per prener 10% de las votz del POC (sia 0.01 %) vesi pas vertadierament un interest

Cedric

Reconeissi la volontat pan occitana de
"Libertat"

N'ei pas ua volontat mes ua realitat. Avem estructuras en Gasconha Nòrd, Biarn, Auvernhe e Pais tolosan, e duas autas que son a creà's en Provença e Vath d'Aran.
Per ua formacion qui a pas 2 mes d'existéncia, i a pas de qué aver vergonha, mei que mei quan vedem lo cortègi present a Carcassona.
Compreni pas aquera faiçon de hicar en davant lo PÒc per rapòrt aus autes, aquò me sembla contra productiu mes qu'ei lo ton problèma.

"Libertat n'es pas un partit dins la
mesura ont se presenta pas encara a las eleccions

En efèit Libertat ei pas un partit mes un movement, mes un movement tanben pòt participar a las eleccions, me sembla. Ei en tot cas çò que volem har.
QU'ei un movement d'accion segur, mes tanben de reflexion e d'analisi. Avem la pretencion de voler perpausar alternativas concrètas qui parlan au monde.

nosautres anam a las "Regionalas" e aquel combat deu nos
permettre de dintrar dins los Conselhs Regionals

Òc vosautes, au miei deus Verds. Pensi qu'un dia aquera aliança se revirarà contra vosauts, mes peu moment, que hètz lo vòste "tribalh", e tròbi aquò plan. Contunhatz de batalhar e espèri dens 20 ans un "Pòc" e un "Libertat" dab milierats de militants.

I a de publicacions deu POC, a despart deu liberòt sus l'autonomia (me sembla, l'èi balhat) en format italian qu'aví gagnat a la loteria de la Joventut Occitana ?

Òmi a écrit:I a de publicacions deu POC, a despart deu liberòt sus l'autonomia (me sembla, l'èi balhat) en format italian qu'aví gagnat a la loteria de la Joventut Occitana ?

La revista "Occitània" tel : +33(0)563 40 0933
e brocaduras ençò de l'Associacion pel Desvolopament de l'Escrich Occitan (A.D.E.O.)
amb la colleccion « Escriches politiques » :
« Nuclear ? Parlem-ne ! » « Occitània fàcia al cambiament » « Curdistan ; una nacion camica de cap a son independéncia" « Un siècle d’occitanisme politique »....
Una colleccion « Territòris e societat » etc....
B.P. 28 - 81370 Sant Sulpici la Punta
Tel : 05.63.40.09.33 - fax : 05.63.40.02.90
Corrièl : desvolopament.oc@wanadoo.fr
C.C.P. 4 854 13 P Tolosa

Coma vesi que lo Partit occitan interessa de monde, dobrissi una rubrica "Partit occitan" que la rubrica "Álerta es pas faita per aquò.