Los vèrbes d'alternença vocalica

Soi a ensajar d'aprener quauquas basas de la lenga a la mia amigueta, mes èi un petit chepic dab los vèrbes d'alternança vocalica. Dejà, taus que non coneishen pas aqueths vèrbes, quin son ?
Son vèrbes que presentan suu radicau ua variacion vocalica [è]-[e] , [ò]-[o]; la vocau es ubèrta quan es tonica (sg1, sg2, sg3, pl3) e barrada quan es atòna (pl1, pl2).

exemple:
(en gras, l'accent tonica, en italic, la vocau concernida per l'alternança)

tròbi
tròbas
tròba
trobam
trobatz
tròban

Bon, èi comprès mei o mensh (mercés au Romieu-Bianchi), mes çò que vòli, es l'explic deu fenomen ... Perque aquèths vèrbes son concernits e los autas non ??? (e com soi pas un especialista deus dialèctes, es un fenomen especific deu gascon o non ?)

Non, non, avèm çò meteis ! Mas te dire perque, es un autre afar…

Lo cas se presenta tamben amb d'autras paraulas.
fòrma => formacion,
lo radicau es comun mas l'accentuacion (ò pas) dau /o/ ne'n chanha la realisacion fonetica.
Me sembla pas ligat au verb.

Crese qu'es nonmas 'na question d'accent tonic. N'i a la mesma chausa en castelhan.
Los verbes castelhans qu'an 'na diftonga (coma contar : cuento, cuentas, cuenta, contamos, contais, cuentan) son los qu'avian en latin un "e" o un "o" breu.
L'alternança vocalica exista maitot en corse ( veire : http://pagesperso-orange.fr/gbatti-alinguacorsa/grammaire/alternance-vocalique.htm ).
Pense qu'es lo mesme fenomene par totas las lengas latinas.

Òmi a écrit:es un fenomen especific deu gascon o non ?

Un còp d'uelh a la "FACULTAT" de provençau e trobaràs un subjèct titolat parier...

òc-ben, es un fenomen d'accent tonic comparable a las conjugasons en castelhan. Las terminasons en m e tz implican sistematicament un accent tonic sus la darrièra essilaba. Las autras terminasons implican un accent tonic sus la penultena (avans-darrièra essilaba). Generalament (emai i ajan d'eccepcions) la letra "o" accentuada se prononcia coma en francés mentre que se prononcia coma lo "ou" francés s'es pas accentuada.
En consequencia, se la penultena d'un vèrb compren un o, auràs un fenomen d'alternancia vocalica.
Mas lo metòde melhor per mestrejar demòra la practica, encara que dins aquel cas precís de braves exercicis de labò en batarià siàn plan eficaces.

maime a écrit:Crese qu'es nonmas 'na question d'accent tonic. N'i a la mesma chausa en castelhan.
Los verbes castelhans qu'an 'na diftonga (coma contar : cuento, cuentas, cuenta, contamos, contais, cuentan) son los qu'avian en latin un "e" o un "o" breu.
L'alternança vocalica exista maitot en corse ( veire : http://pagesperso-orange.fr/gbatti-alinguacorsa/grammaire/alternance-vocalique.htm ).
Pense qu'es lo mesme fenomene par totas las lengas latinas.

Es l'explic pregon que cercavi ! (bon, segur, se aribi a l'amigueta e li parli deu latin, ... )

Bojarron a écrit:

Òmi a écrit:es un fenomen especific deu gascon o non ?

Un còp d'uelh a la "FACULTAT" de provençau e trobaràs un subjèct titolat parier...

Òc, vertat, mes un que vòu aprener lo gascon anarà pas forçadament cercar dens la section Provençau.

Òmi a écrit:

Bojarron a écrit:

Òmi a écrit:es un fenomen especific deu gascon o non ?

Un còp d'uelh a la "FACULTAT" de provençau e trobaràs un subjèct titolat parier...

Òc, vertat, mes un que vòu aprener lo gascon anarà pas forçadament cercar dens la section Provençau.

"un que vòu" segurament pas, mai "un administrator afeccionat" que conois son forum sus lo bot dei dets, bessai

Bojarron a écrit:

Òmi a écrit:

Bojarron a écrit:

Òmi a écrit:es un fenomen especific deu gascon o non ?

Un còp d'uelh a la "FACULTAT" de provençau e trobaràs un subjèct titolat parier...

Òc, vertat, mes un que vòu aprener lo gascon anarà pas forçadament cercar dens la section Provençau.

"un que vòu" segurament pas, mai "un administrator afeccionat" que conois son forum sus lo bot dei dets, bessai

"afeccionat", benlèu, mes conéisher aquèth "forum sus lo bot dei dets", es pas ganhat, pr'amor avem benlèu lo forum lo mei freestyle de l'Internet ...