Europencas de dimentge

fredoc a écrit:E piéger : si lo president es elegit mercés a 10 000 001 votz contra 10 000 000 au son adversari au segond torn, que serà lo president. E la mieitat mensh 1/2 persona que serà obligada de subir çò qui ne vòl pas.

si amai son 20 000 001 exprimits sus 'na populacion de 25 000 000(potencialament) inscrichs, quò fai mai de la meitat qu'an pas vòugut de se e lo deuran subir.

Solide qu'es pas un bon sistème, l'avia pas dich precisament mas : non, me conven pas.

Un dia de marcar d'un calhau blanc : dab Einucent, qu'èm d'acòrd.

Mei seriosament, que podem donc compréner que uas personas non voten pas si pensan atau.
Totun, n'afirmi pas qu'ei lo cas deus qui se son abstienguts dimenge. Que pensi d'aulhors que la màger part n'an pas avut aquesta reflexion.

Mes que son mei d'ua circonstàcias qui an miat los poblants a's desinteressar de las eleccions. E la mea demonstracion que pòt estar un explic au miei d'autes.

E un reialista que poderé tanben estar contra aqueste sistèmi, estar contra lo dret de votar. Qui sap si ne n'i a pas ? Que i a pro de cons, d'aubuns son dilhèu aquiu dehens.

E enfin, que voleri anar enqüèra mei luenh. As
dejà pensat que los qui ne vòtan pas poderén non pas estar d'acòrd dab
lo sistèmi politic en plaça ?
E devem obligatòriament estar democrata o republican ?
Èm obligats d'acceptar las modalitats deu vòta com lo coneishem uei ?

+1

Supòrti pas los qui vòlen balhar leiçon de "democracia" aus qui vòten pas.
Betlèu que's calerà desencusar de non pas voler anar votar ..

L'argument "que'n i a qui son morts per aqueth dret" qu'ei nul. Lo sistèma "democratic" franchimand, europèu, qu'ei nul, e qu'avem totun lo dret de non pas participà'i.

Matieu a écrit:
Minuscule ? 6% deus vòtes en Euskal Herria totun.

Efectivament qu'ei un resultat deths bons, mes si ei plan compres, aquiu eth monde n'avevan pas besonh de s'imprimir eth bulletin a casa. Quan parlavi de "minuscule" que hasevi referencia ar ahar de Pau per exemple.

Matieu a écrit: Lo dia quan ua lista occitanista e anticapitalista arribarà a d'aqueth percentatge, qu'auràm hèit un gran pas.

+1

fredoc a écrit:E piéger : si lo president es elegit mercés a 10 000 001 votz contra 10 000 000 au son adversari au segond torn, que
serà lo president. E la mieitat mensh 1/2 persona que serà obligada de subir çò qui ne vòl pas.

Bon sistèmi ?

Non n'ei pas un bon sistema, tots que'n son d'acord. "Era democracia qu'ei eth piri deths regimes"... mes "ar'exclusion de tots eths audes" d'apres Churchill.
Mes de's plegar ar avis dera majoritat, quan sere d'ua votz, qu'ei eth principi dera democracia.
Mes qu'aquo : aths Estats Units en 2001 Bush esto eslejut dab un nombre de votz inferior ath de Gore. Mes qu'aveva mes de magers electors ; qu'era era regla deth joc.

Einucent a écrit:Quora la votacion es de bon comptar, 'na decision importenta, coma los estatuts (e qu'es lo mesme cas per un
texte constitucionau) devia èsser validada amb 'na majoritat qualifiada : 2/3 daus inscrichs. Si de non era pas pro representatiu.

Eth sistema dera majoritat qualificata qu'ei dilheu mes democratic, mes qu'a tanben inconvenients. Per exemple en California qu'empacha eth govern d'aumentar eths imposts enta evitar qu'er Estat hacia quincanela.

Einucent a écrit:Se mesntaja la possibilitat de 'na candidatura presidenciala en 2012 lo típe…

Oc mes en instrumentalizant atau aquesta eleccion qu'a balhat arguments aths qui denoncian eth son gost personau deth poder.

Supòrti pas los qui vòlen balhar leiçon de "democracia" aus qui vòten pas.
Betlèu que's calerà desencusar de non pas voler anar votar ..

L'argument
"que'n i a qui son morts per aqueth dret" qu'ei nul. Lo sistèma "democratic" franchimand, europèu, qu'ei nul, e qu'avem totun lo dret de non pas participà'i.

De segur qu'avem eth dret de non pas votar. Mes que pot estar interpretat com ua manca d'estacament deth pople ara democracia i incoratjar atau eths aprentis dictators. Jo que soi per que comptabilizen eths votes blancs o nuls enta qu'ath mensh era protesta d'aqueth tipe sia presa en compte.

La dictatura arriba pas arron ua grana abstencion. Hitler qu'estó elegit per lo pòble per exemple. Aqueth sistèma de vòte non garanteish pas, tà jo, çò qu'apèran "democracia".

Matieu diguèt :

« L'argument "que'n i a qui son morts per aqueth dret" qu'ei nul. Lo sistèma "democratic" franchimand, europèu, qu'ei nul, e qu'avem totun lo dret de non pas participà'i. »



Soi pas segur qu’aquel argument siá nul.

I a de veire tamben coma los abstencionistas son vist : son de pescaires, son pas de personas que volen protestar.

jfrieux a écrit:

Per çò que pertòca lo sistèma democratica, es vertat: es la dictatura de la majoritat sus la minoritat. Es tota la question de los contra-poders.

Lo sistèma proporcional dona de poders moligas, sens majoritats francas : es pas aisit de bailejar. I a de pensar a los conselhs regionals en França, o a lo parlament europenc. Ieu vesi plan coma marcha Belgica, se sona aquò la ptitcracia.

Es lo poder democratic qu'es moligàs, ren de veire amb lo sistèma electoral. Se Segolèna era estada elegida, amb una majoritat socialista al Parlament, diga me de que seria la diferéncia amb lo poder actual ? E puèi cal arrestar de s'espaurugar amb lo FN, que de tipes coma Melenchon an a 80 del 100 la mema ideologia. De tot biais, tot es clavat, pr'amor tot se debana en defòra del sistèma democratic : dins l'administracion (l'Estat prigond, coma dison los turcs) e dins lo sistèma economic. Per çò economic, ieu sabi pas cossi cambiar las causas, mas per çò administratiu, me sembla que sostenir Euròpa es lo melhor biais de levar de poder a la jacobinalha. Vivèm pas dins una democracia, vivèm dins un Estat napoleonenc, aqui l'alh.

+1 Matieu, la democracia es pas etèrna, Grècs ba sabon plan. ;-)

I a de causir un sistèma representatiu e eficaç, cal bailejar, aprèp!

LaurençD a écrit: Vivèm pas dins una democracia, vivèm dins un Estat napoleonenc, aqui l'alh.

Exactament !!

Matieu a écrit:La dictatura arriba pas arron ua grana abstencion.

Tot que pot aparir.

Matieu a écrit:Hitler qu'estó elegit per lo pòble per exemple. Aqueth sistèma de vòte non garanteish pas, tà jo, çò qu'apèran "democracia".

Solide

LaurençD a écrit: Es lo poder democratic qu'es moligàs, ren de veire amb lo sistèma electoral.

Quio, eras democracias que son mothas, mes que cau reconeisher dab jfrieux qu'eth sistema parlementari gessit dera proporcionau com pendent era Republica IV en França ei denguera mes flac i incapable de har sortir ua majoritat establa.

LaurençD a écrit:
De tot biais, tot es clavat, pr'amor tot se debana en defòra del sistèma democratic : dins l'administracion (l'Estat prigond, coma dison los
turcs) e dins lo sistèma economic.

+ 1000

Arf a écrit:

LaurençD a écrit:;] Es lo poder democratic qu'es moligàs, ren de veire amb lo sistèma electoral.

Quio, eras democracias que son mothas, mes que cau reconeisher dab jfrieux qu'eth sistema parlementari gessit dera proporcionau com pendent era Republica IV en França ei denguera mes flac i incapable de har sortir ua majoritat establa.

Bon, es verai que l'Estat gaullista es estat gaire moligàs. D'aqui enlà, çò moligàs foguèt lo parlament !
Compreni pas ça que la perqué aquò ne faria quicòm melhor que la Quatrena Republica. Las diferéncias son fòrça teunes, ne vèsi pas qu'una : De Gaulle era pro balès per colhonar l'armada e li embucar la pèrda d'Argeria.
Pel demai...
Se cal remembrar que la lei Deixone, aquel lei pichonèta mas qu'es lo sol mejan d'alenar que nos a balhat la Republica, foguèt votada pel parlament de la Quatrena. Es a dire que dins aquel parlament desvariat, jamai fotut de trapar una majoritat, i avia un pauc de libertat. Aquela lei seria jamai estada votada sos la Cinquena, amb la chorma dels Poniatowski, Debré, Pompidor...

"Pel demai..."

? pensi que i a un fais d'autras causas que cambièron. Creses que lo nuclear se serià fait?



"Es a dire que dins aquel parlament desvariat, jamai fotut de trapar una majoritat, i avia un pauc de libertat."

cresi que es perque èra moligas que i avià aquela libertat. Ara, desempuèi 1958, amb Debré, lo parlementarisma es "racionalizat", çò que vòl dire: lo govèrn ten la man. I a de se remembrar la licéncia globala..

jfrieux a écrit:
? pensi que i a un fais d'autras causas que cambièron. Creses que lo nuclear se serià fait?

E òc ! Es la Quatrena Republica qu'a lançat lo programi nuclear francés...

l'apreni, me colcaria mens con aqueste ser.

mas sigui de pensar qu'aqueste projècte va mai plan amb la tecnocracia que coneissèm ara, qu'amb la libertat que i avià jos la quatrena. Lo pòble francés es pas en favor de l'electricitat nucleara, e se fa Flamanville. Es vertat que serà d'en primièr assajat en Finlàndia, es luenh!

LaurençD a écrit:
Compreni pas ça que la perqué aquò ne faria quicòm melhor que la Quatrena Republica. Las diferéncias son fòrça teunes, ne vèsi pas qu'una : De Gaulle era pro balès per colhonar l'armada e li embucar la pèrda d'Argeria.

Que soi pro d'acord : que pensi qu'en periode tranquille eths dus sistemas se valen haut o baish. Apres tot, eras 30 Gloriosas qu'eston aviatas pera Quatau Republica. Mes en periode de crisi, un poder hort i estable que pren er avantatge. Que citas eth cas d'Argeria, qu'ei tanben er exemple qui'm vien en cap. Qu'explica tanben perque, en un purmer temps ath mensh, eras dictaturas son mes eficaças qu'eras democracias enta miar ua guerra.
Quauques mes a, era eleccion americana ath mes hort dera crisi financera que provoque ua vacança deth poder de mantuas setmanas ath som dera purmera puishença economica mondiau qui complique eth son seguit, eth son pilotatge, i leishe eth camp libre a NS enta illustra's ar internacionau Que leishi imaginar era pagalha si eths Estats Units devevan cambiar de govern cada sheis mes

Arf a écrit:

LaurençD a écrit:
Compreni pas ça que la perqué aquò ne faria quicòm melhor que la Quatrena Republica. Las diferéncias son fòrça teunes, ne vèsi pas qu'una : De Gaulle era pro balès per colhonar l'armada e li embucar la pèrda d'Argeria.

Que soi pro d'acord : que pensi qu'en periode tranquille eths dus sistemas se valen haut o baish. Apres tot, eras 30 Gloriosas qu'eston aviatas pera Quatau Republica. Mes en periode de crisi, un poder hort i estable que pren er avantatge. Que citas eth cas d'Argeria, qu'ei tanben er exemple qui'm vien en cap. Qu'explica tanben perque, en un purmer temps ath mensh, eras dictaturas son mes eficaças qu'eras democracias enta miar ua guerra.

Se rasonam al revèrs, se pòt dire qu'un governament que vòl èstre fòrt a mestièr d'una brava crisi per s'afortir. Es atal que fòrça guèrras son aviadas pel poder. Se poiria quitament dire que l'Estat a besonh de la guèrra per existir, mas i a de mond aici que van creire que soi anarquista (alara que soi centrista leugièrament d'esquèrra).

LaurençD a écrit:
Se rasonam al revèrs, se pòt dire qu'un governament que vòl èstre fòrt a mestièr d'una brava crisi per s'afortir. Es atal que fòrça guèrras son aviadas pel poder.

Vertat. Era "guerra" contra eth terrorisme decretata per Bush i eths neoconservators que n'ei un exemple recent. En libe 1984, d'Orwell, era guerra qui's hen eths tres blocs que'us balha un pretexte enta restrenher eras libertats dera populacion.

LaurençD a écrit: Se poiria quitament dire que l'Estat a besonh de la guèrra per existir,

Que soi pro d'acord.

Arf a écrit:

LaurençD a écrit: Se poiria quitament dire que l'Estat a besonh de la guèrra per existir,

Que soi pro d'acord.

E podem díser tanben que serveishen entà bastir ua nacion ? Que pensi qu'ei çò qui s'ei passat en Hrança dab las duas guèrras mondiaus. Desempuish (sustot la 2da), lo monde se disen vertadèrament francés. Abans, n'èra pas autant lo cas.
Non sèi pas tròp quin s'ei passat dens los autes país.

Que podem enqüèra préner com exemple lo bascoat qui hè ua guèrra contra l'estat espanhòu.

Arf a écrit:

LaurençD a écrit: Se poiria quitament dire que l'Estat a besonh de la guèrra per existir,

Que soi pro d'acord.

fredoc a écrit:E podem díser tanben que serveishen entà bastir ua nacion ? Que pensi qu'ei çò qui s'ei passat en Hrança dab las duas guèrras mondiaus. Desempuish (sustot la 2da), lo monde se disen vertadèrament francés. Abans, n'èra pas autant lo cas.
Non sèi pas tròp quin s'ei passat dens los autes país.

Alemania e Italia a la find au sègle XIX (veire Bismark per l'una, Garibaldi per l'autra)

Que podem enqüèra préner com exemple lo bascoat qui hè ua guèrra contra l'estat espanhòu.

fredoc a écrit:Que podem enqüèra préner com exemple lo bascoat qui hè ua guèrra contra l'estat espanhòu.

En cambiar lo vejaire, se pòt dire que l'Estat espanhòl a mestièr del terrorisme basc per justificar lo mantenh d'una politica repressiva (de veire lo forabandiment dels partits autonomistas). D'un cert biais, l'Estat espanhòl e l'ETA son d'aliats. Benlèu que, aital, l'ETA ajuda a l'Estat espanhòl a servar lo pais basc dins Espanha.

Arf a écrit:

LaurençD a écrit: Se poiria quitament dire que l'Estat a besonh de la guèrra per existir,

Que soi pro d'acord.

Alavetz, se fasèm l'ipostèsis qu'Euròpa pòsca viure sens guèrra, avèm pas pus besonh d'Estat, solament de regions e d'una estructura federala, sens los atributs represius de l'Estat.

Bon... Se pòt plan pantaissar que l'umanitat se mejòre. S'es lo cas, aqui dedins i aurà una plaça per l'occitan !

En cambiar lo vejaire, se pòt dire que l'Estat
espanhòl a mestièr del terrorisme basc per justificar lo mantenh d'una
politica repressiva (de veire lo forabandiment dels partits
autonomistas)

Que son partits independentistas, pas autonomistas.
Cau pas tanpòc estar candide: se doman ETA deisha las armas, e donc tot mejan important de pression cap a Madrid, lo país basco sud que perderà pòc a pòc los aquesits ganhats per la luta, e vaderà un parçan espanhòu com los autes. Qui pòt pensar que si doman ETA s'acaba, l'Estat balharà l'independéncia a E.H. ? Qu'ei ua rappòrt de fòrça violent, per principi.

E A.B., quitament se jòga lo jòc deu "ETA ez", sap plan aquò. Presentar ETA e l'Estat d'un costat, e lo pòble basco de l'aute n'ei pas tà jo credible. Ne's passa pas atau.

Qu'ei com lo FLNC en Corsèga: tot lo monde tira dessús, mes cau arreconéisher que s'avèva pas hèit petar totas las construccions au ras de còsta despuish 30 ans, Cordèga que semblaré uei a Ibiza.