Occitan a l´escòla

Adieu totes,

aimariái saber lo nombre d´escolans que seguisson de corses d´Occitan. Sabètz ont pòdi agachar aquestei nombres?
Sabètz se i a d´escolans e de parents que causisson una escòla segondària situada mai luènh a causa de corses d´Occitan?
A Cornwall, i a d´escòlas amb d´activitats volontàrias en lenga cornica defòra de l´ensenhament a causa de la manca de profesors amb l´espròva per l´ensenhament dau cornic. Pèr leis activitats volontàrias, cau pas qu´una persòna ambé de bònas coneissencas de la lenga. N´i a en Occitània tambèn? Es una possibilitat pèr leis escolans a d´escòlas sensa de corses d´Occitan, pèr exèmple un club.
Alex

Se ai ben comprés dins la region Miègjorn-Pirenèus, i a 500 escolans que son dins los licèus qu'an occitan.
font : http://www.midipyrenees.fr/La-Region-Midi-Pyrenees-a-accueilli-500-lyceens-parlant-l,3779

Pr'aquò es pas clar e sabi pas se i a solament 500 tipes que son venguts o se i a 500 liceans dins la region.

AlexderFrannke a écrit:Adieu totes,

aimariái saber lo nombre d´escolans que seguisson de corses d´Occitan. Sabètz ont pòdi agachar aquestei nombres?

Ne pensi pas qu'existesca ua chifra "nacionau" precisa. Que cau essajar de trobar eras informacions sus eth site internet de cada academia, quan i son. Quauques annadas a, que hasoi aqueth recensament, per curiositat. De memoria, que'm sembla que per ensenhament public, qui escolariza eth mes de mainatges, e devem arribar a quauquarren com 3 o 4 % d'escolans occitans qui receben un ensenhament en luenga nosta, quan sabem qu'enta qu'ua luenga subervisca e cau un minimum de 30 % de locutors per classa d'atge.

AlexderFrannke a écrit: Sabètz se i a d´escolans e de parents que causisson una escòla segondària situada mai luènh a causa de corses d´Occitan?

Possible. Mes que m'estonare que n'i avosse hera.

Mas bon lo nombre vòl dire res per ieu, aviái la possibilitat d'aprene l'occitan a l'escòla, d'aver mai de ponch al bac, mas coma me'n fotriái d'aqueste lenga, aviái pas l'enveja d'aprene. Puèi soi pas segur que los que seguisson de corses per aver mai de ponches son vertadièrament los locutors de deman. Perque un còp lo bac passat, lèu lèu la lenga a la trapa per la majoritat segon çò qu'ai vist.

Alara que los qu'aprene tot sol amb una vertadièra volontat de saber la lenga, ben es autre causa.