chomsky et cie

adishatz a tots


Non mancatz pas aqueste film der'equipa de Mermet (la bas si j'y suis).
Que paseja hens quauquas salas de cinema...
Qu'explica pas mau eth tribalh de Noam Chomsky sus eras manipulacions der'informacion dens eras nostas democracias.

qu'angoi au véder i a quauques mes a Pau au Meliès, e i avoi un desbat dambe Mermet a la fin deu documentari
Vertat qu'es hèra interessant, e qu'a lo meriti de hèr conéisher Chomsky en çò de noste, on es pas tostemps l'intelectuau lo mes reconeishut

Daus pirenèus jusca a Bostan, ne'n passant per París, Montréal o Toronto, Olivier Azam a filmat queu reportatge. A l'ora de las resinhacions lo trabalh dau Chomsky es un contrapoison radical :

Lo poder soata pas que la gen comprenon qu'ilhs pòdon provocar los chamjaments

De las diesenas de libres, tant d'articles dins los jorneus, de las parladissas, "l'autor lo mai citat dau monde" a bentòst 80 ans mas quò l'empacha pas de des'bilhar la mecanica de la dominacion. Un intellectuau es una persona que vòl nos far pensar coma se, Chomsky vòl nos far pensar per nos-mesma.

Nos balha daus utilhs per prendre dins nos-mesma las coneissenças e las informacion que son importantas per obrar e far cessar la dominacion que quauqu'uns sus la massa daus autres.

Longtemps metut de biais ne'n França per la cliqua daus pensors "vut dins la tele", las idèias de Chomsky tornan èsser interessantas per la jounessa. Dins quela direccion, avèm daus istorians, daus jornalistes, daus cherchors coma : Max Wallace, Michael Albert, Andrew Bacevitch, Jean Bricmont o b'etot Normand Baillargeon (l'autor dau "Petit traité d'autodéfense intellectuel").

Per balhar mon vejaire e quitar una forma de revirada, brave monde, queu film es una miràudia. I a de las armas per luttar contra totas las fòrmas de dominacion, de las armas contra tots los totalitarismes e mesma contra quauques Pol Pots Occitans. Las rasons per las qualas s'es trobat de biais son pas cachadas. Ne'n mai d'aquò i a una bona explicacion sus la premsa, tot quò dins una lenga simpla e las imatges son pas 'quí per tustar un còp
de mai los perpaus.