Los palhasses de Cornonterral

Puèi que Carnaval es arribat, cal parlar dels palhasses de Cornonterral, al ras de Montpelhier.

Lo dimecres de las Cendres, ongam lo 25 de febrièr, los palhasses prendran possession de Cornonterral un còp de mai. Dins lo vilatge serà estada espandida la pautra de las darrièras vendémias (mesclada amb un pauc de mèrda). Los palhasses se banharan dins aquela mescla pudenta e se'n fotran de pertot. D'un autre band, los blancs se faran caçar...
I a cap d'espectator, totòm que demòra dins lo vilatge es una victima possibla.





Dos ligams :

Un siti a prepaus dels palhasses fach per qualqu'un dau païs : http://www.pailhasses.com/

E un article : http://www.grands-reporters.com/articles_en_pdf/fete%20cournonterral.pdf
(M'agrada mai que mai la fin...)

M'avian contat qu'era quitament pas possible de prenèr de las fòtos, d'ente surtissent quelas de quí ? d'un apparelh qu'a chabat dins lo ferat de gaulha ?

Que m'an contat que hèn signar descargas a la toristalha: que testimonian d'estar assabentat deus risques e qu'asseguran de non pas portar lo clam contra los organizators de la manifestacion.

Sabi pas tròp coma s'es prèsa la fotò. Un casco blau ? Mas respectan quitament pas los quépis, alara...
Es una mena de regression bèla, un pantais de dròlle que se vòl clafir de mèrda e ne clafir los autres. Ren de veire amb lo carnaval de Rio !
NB : se pòt tamben faire palhasse sens sortir de l'ostal. Ingredients : un nene qu'a la gastrò.
I avèm jogat amb la filha ièr, fasiai lo blanc. Es ela qu'a ganhat, pecaire, mas nos sèm pas tan divertits.