Manif anti LGV lo 31/01 as Ais

Se siatz solidaris d'aquesta lucha sabètz ont anar lo dissabta 31, es important que siguem nombrós, qu'es un chaple per Provença (Bocas de Ròse e particularament Var) que s'alestisse.

Una autra deuriá seguir dins Var d'aquí pas gaire.

Infos: http://lemechanttgvpaca.free.fr/

Qu'an amuishat imatges dera manif ara tele. Que s'i vedevan drapeus occitans.
Ne coneishi pas trop era question mes que'm sembla qu'eth projecte de ligason peth sud, qui passa peras vilas granas, per estar mes car, que sere eth mes logic, utile, i a terme, rentable. Per jo, en mes de sacamandejar eth pais, eth traçat nord que serveish sustot eth Parisenc qui vou ua ligason directe enta s'anar arrajar eras puç a Nissa. Qu'ei un exemple tipic de projecte miat peth poder centrau shens har compte deths besonhs dera populacion locau.
Adara qui eth govern vou lançar investiments enta amortir era crisi, era question deras costas deras obras ne devere pas mes estar un empach. Co qui compta qu'ei de despener moneda, non ?

Eriam mai de 4000 ier. A cada manif si vei de mai en mai de drapèus occitans e provençaus, tant coma eslogans e pancartas, ier de vinhairons cridavan "Provença Libra!"... Una vertadiera solidaritat alentorn de nòstra identitat naisse dins aquesta lucha, es quauqua ren d'importantissim

Si cau maufisar dei ressòns mediatics, la crida èra ben "Non a la LGV", quin que siegue lo traçat, malurosament l'egoisme d'uneis elegits dins lo ròdol d'as Ais donava idèia que luchaviam còntra lo traçat nòrd (Ais, Brinhòla) emb aquò PER lo traçat sud dei metropòlas per Marselha. La LGV es una mauparada au mieu, mai un avantatge per lei autres...escobi mei bordilhas davant ta pòrta, qué.

La realitat es qu'avèm ges d'interès d'aver una LGV París/Niça.

Lo còst si chifra en miliards d'euros pagats en granda partida per nautres, es un chaple ecologic vertadier per lo departament de Var, adurrà de besonh en electricitat que justificaràn linhas a tras que auta tensien, adurrà tanben de bruch, d'expropriaciens nombrosas de lòng de la linha, d'agricultors, de vinhairons au chaumatge, de seuvas rascladas, de betun, d'òbras gigantas, un departament copat en dos encar' mai qu'emb l'autorota...

L'Estat presenta lo projèct coma en plen dins lo desvolopament duradís...Quora si conois lo relèu e lei bòscs que li a dins Var, si compren tot.

L'interès d'aquò? Fa ganhar ai parisencs que calan a Niça mieja ora sus lo temps actuau.
As en plen rason sus aquò, es una simpla questien de prestigi per Niça (e París), un mespretz totau dei provençaus, siam entre lei ponchs A e B...basta.

Estre un vulgari luec de passatge nos interessa pas, adurre mai de toristas nimai.
Tornar durbir lei linhas regionalas, TER, aquò si que fa mestier ai gents que vivon aicí!

Manifestarem mai lo 14 de febrier a Sant Maissimin, ne tornarai parlar



Fotos Var Matin: http://lemechanttgvpaca.free.fr/vm010209.html

Video tf1: http://tf1.lci.fr/infos/jt/0,,4244220,00-ils-manifestent-contre-le-trace-de-la-lgv-paris-nice-.html

Fotos a aquela de Brinhòla : http://lemechanttgvpaca.free.fr/vm%20141208%20lgv%20paris%20nice.html

Bojarron a écrit: ier de vinhairons cridavan "Provença Libra!"...

N'ei pas a noste que vam endener aquo !

Bojarron a écrit:
Si cau maufisar dei ressòns mediatics, la crida èra ben "Non a la LGV", quin que siegue lo traçat, malurosament l'egoisme d'uneis elegits dins lo ròdol d'as Ais donava idèia que luchaviam còntra lo traçat nòrd (Ais, Brinhòla) emb aquò PER lo traçat sud dei metropòlas per Marselha.

D'apres eth reportatge qu'avevi compres aquo, vertat. Que m'ei pensat qu'eths elegits e's hasevan eths portaparaulas dera populacion i deths sons interes. Qu'ei denguera illusions a beths cops !

Bojarron a écrit:
La LGV es una mauparada au mieu, mai un avantatge per lei autres...escobi mei bordilhas davant ta pòrta, qué.

D'acord.

Bojarron a écrit: La realitat es qu'avèm ges d'interès d'aver una LGV París/Niça.

Lo còst si chifra en miliards d'euros pagats en granda partida per nautres, es un chaple ecologic vertadier per lo departament de Var, adurrà de besonh en electricitat que justificaràn linhas a tras que auta tensien, adurrà tanben de bruch, d'expropriaciens nombrosas de lòng de la linha, d'agricultors, de vinhairons au chaumatge, de seuvas rascladas, de betun, d'òbras gigantas, un departament copat en dos encar' mai qu'emb l'autorota...

L'Estat presenta lo projèct coma en plen dins lo desvolopament duradís...Quora si conois lo relèu e lei bòscs que li a dins Var, si compren tot. [...] Tornar durbir lei linhas regionalas, TER, aquò si que fa mestier ai gents que vivon aicí!

Jo que soi favorable ath trin per'mor qu'ei eth mode de transport mes ecologic (a despart deth velo, mes bon... ). Donc ne trobavi pas anormau ua mobilizacion per ua ligason intervila moderna. Mes d'apres ço qui dises qu'ei vertat que sere autant interessant d'entertiener i de modernizar eras linhas TER.

Arf a écrit:Jo que soi favorable ath trin per'mor qu'ei eth mode de transport mes ecologic (a despart deth velo, mes bon... ). Donc ne trobavi pas anormau ua mobilizacion per ua ligason intervila moderna. Mes d'apres ço qui dises qu'ei vertat que sere autant interessant d'entertiener i de modernizar eras linhas TER.

Siáu urós qu'interesse de monde a ponent d'Occitània
Aquela istòria nos fa demembrar que de ligasons intervilas n'avèm ja, tanben que lei parisencs que si seràn crompat una residéncia segondària sus una còla au soleu, li anaràn pas a pata nimai en trin!
Pasmens lo provençau rurau ò dins una pichina vila que viu aicí tot l'an si tròba eu completament isolat e dependent de la veitura... Lo problèma es aquí

Una remarca que pòt paréisser piòta, mas coma lo dich mon paire, perque ne pas l'enterrar aquela linha ?

Cal pas aver paur de despensar d'argent per far una causa coma aquò, soi pas expèrt, mas pensi qu'es possible. La natura n'avèm qu'una, l'argent es res, subretot quand es public perque es illimitat. Es coma las linhas electricas, me'n foti qu'es un fum de miliard per aquò, n'ai un sadol de veire de mond qu'an paur de la modernitat, e qu'an paur de despensar de l'argent public e que compran pas que lo torisme rapòrta d'un vejaire economic. Òc còsta un pauc car de respectar la natura, mas èra aicí abans nosautres, e es pas un pauc d'argent que deu nos arrestar.

adieu
https://www.dailymotion.com/oufanproduction/video/x88o77_manif-non-lgv-paca-aix-arbois-samed_news
amistat
OP

Completament d'accòrdi dab l'argumentari portat per lo Hervé Guerrera, a la minuta 10.

Òsca ! (tanben per Oufan Production)

Mèfi a la preséncia de quauquei personas que sa lucha a pas grand cava de veire ambé çò que defendètz...
Ò, puslèu, que venon per l'aduerre d'idèias que fan venir lo racabòmi.

Daumatge que posqui pas èstre as Ais esto jorn.

Mertyl a écrit:Una remarca que pòt paréisser piòta, mas coma lo dich mon paire, perque ne pas l'enterrar aquela linha ?

Cal pas aver paur de despensar d'argent per far una causa coma aquò, soi pas expèrt, mas pensi qu'es possible. La natura n'avèm qu'una, l'argent es res, subretot quand es public perque es illimitat. Es coma las linhas electricas, me'n foti qu'es un fum de miliard per aquò, n'ai un sadol de veire de mond qu'an paur de la modernitat, e qu'an paur de despensar de l'argent public e que compran pas que lo torisme rapòrta d'un vejaire economic. Òc còsta un pauc car de respectar la natura, mas èra aicí abans nosautres, e es pas un pauc d'argent que deu nos arrestar.

Malurosament era moneda publica n'ei pas illimitata totun ! Que vien deths imposts, i en generau eth monde ne'us agrada pas trop de'n pagar.
Que soi d'acord enta diser que si eth govern decideish un plan de relança economica de tipe New Deal de Roosevelt, ço qui compta prumer qu'ei de despener sous enta balhar emplecs aths caumaires i evitar ua depression trop horta, dera quau ne podem pas preveder eras consequencias. Per memoria, era depression deras annadas 1930 que s'acabe per ua guerra mondiau.... Mes autant vau qu'aquera moneda sia emplegata a investiments utiles. Tota era question ei de saber si eth TGV ei autan utile com ac disen (merces Bojarron de m'ac aver raperat ). De que serveish de guanhar 30 mn o 1h (?) sus un trajecte Ais-Nissa, o Marselha-Nissa ? I d'aci 20 o 30 ans, averam tostemps eras ressorças energeticas enta's pagar eth luxe d'anar tan viste ? Dilheu aquera moneda sere mes plan emplegata a arrenavir eras vias ferroviarias ditas segondarias quasi leishatas ar'abandon on eths trins circulan a cops ath pas enta non pas desralhar. Aquestas que serviran tostemps.