un telefonet option lenguas regionaus?

Ei ajut una grana suspresa i a quauqes dias quan ei vist lo men telefonetqu'es podèva cambiar la lengua...causidas possibles: inglès, aleman, espanhau .........catalan e basco! Quina revolution non trobetz pas??????
S'ei pas si poiram l'aver en occitan un dia e aqui es mei qu'una revolution es un "putch" ideologica!

Qu'es ua evidéncia economica. Ne sèi pas on demoras e non voi pas ahredir lo ton estrambòrd. Totun, ne i a pas gran causa de revolucionari.
Que pòt depénder deu fabricant o de l'operator qui as causit, mes jo qui demori en Bearn, per'mor de la proximitat dab los bascos, ne tròbi pas aquò extraordinari.

Que cau saber qu'en Espanha, las lengas basca e catalana e representan regions economicas hèra imporatantas, autant com Madrid tà la lenga castelhana. E doncas, hòrt de causas de la vita vitanta qu'existeishen en aqueras lengas. E a bèths còps, que las vedem a noste (lo basco en Bearn).

Plan solide que hè gai de véder lengas "minorizadas" en maines com lo de qui parlas, mes tà l'occitan, n'ei pas briga ganhat.

Tant qui los poders politics e economics e demoraràn per Paris...

Vist d'aquèth costat comprèni plan que n'es pas una causa originau...mès per nosautes que damoram en sud gironde es totun exceptionau...mantunas personas me dishuran que ne comprènevan pas perqué i avèva aquo e ne savèvan pas ço qu'èra tot simplament. Mès ço qu'es de la plaça de l'occitan es plan vertat que n'avèm pas une presencia economica autan grana que la catalonha o lo pais basco...mès dija de veder aquèras lenguas dens aquèth domaini "economic" amusha qu'an mei o mens reconeishut l'existencia de lenguas minoritarias!

Son pas consideradas coma minoritàrias hè !
Son de lengas nacionalas dins son país.
MacDonald fa sei menuts en catalan a Barcelona e es pas per militantisme mai solament perqu'es la lenga oficiala de la generalitat.
Coma v'ai dich Fredoc, es solament una questien economica.

Qu'ei clar qu'un MacDo a Barcelona qui n'utilizaré pas lo catalan o a Bilbao qui n'emplegaré pas lo basco ne harén pas de grans beneficis. E lhèu n'aurén pas lo dret de s'implantar. Acerà, aquestas lengas ne son pas "minorizadas", mes "nacionaus". Qu'ac cambia tot. N'ei pas Madrid qui decideish com ac hè París pertot en França.

De segur que la lenga occitana es pas gaire "bankable". Encara que...



E una autra...

En un passat mei près, que i avèva la publicitat TV de Quezac. Mes en França ne serveish pas qu'a ua causa: testimoniar de l'autenticitat deu produit en i associant ua causa istorica (donc vielha) com ua lenga (o patés). A 95%, que son produits pertocant lo minjar.

D'onte (e de quora) venon aquestei pubs Laurenç? Semblan provençalas, mi dison pas ren.

la de quezac soi plan d'accordi dab fredoc...! e de mei qu'a un accent afros la petitona..;praubota.

Bojarron a écrit:D'onte (e de quora) venon aquestei pubs Laurenç? Semblan provençalas, mi dison pas ren.

Mi ramenti ben d'aquelei de Panzani. Èran en 4*3 ais intradas de Marselha pròchi lo silò de la marca a la mitat deis annadas 90.

Cresi que l'avián fach dins d'autrei dialectes occitans d'alhors...

Bojarron a écrit:D'onte (e de quora) venon aquestei pubs Laurenç? Semblan provençalas, mi dison pas ren.

Las ai trapadas aici : http://www.erudit.org/revue/rum/2005/v36/n1/011995ar.html
(Un fòrça bon article, de legir)

LaurençD a écrit:

Bojarron a écrit:D'onte (e de quora) venon aquestei pubs Laurenç? Semblan provençalas, mi dison pas ren.

Las ai trapadas aici : http://www.erudit.org/revue/rum/2005/v36/n1/011995ar.html
(Un fòrça bon article, de legir)

Mouarf.

Article escrich per l'òme que l'agrada de s'auto-citar de lònga per repapiar lei memei causas.

Vrouif.
Me sembla ça que la que l'article balha una bòna ideia de onte la lenga n'es en Provença. Una lenga qu'es a se floclorizar d'un costat e a se latinizar de l'autre.
As pas mai d'arguments que Mouarf ?

Matieu C. a écrit:
Article escrich per l'òme que l'agrada de s'auto-citar de lònga per repapiar lei memei causas.

+ 1
En aqueth article qu'ei impressionant

Enta alimentar eth debat, un article hera bon de J.P. Cavaillé sus era posicion de Blanchet cap ara luenga.

Alara - 1 per me.
Aviai pas capitat lo biais anti-occitanista del tipe.
Per çò qu'es del panoramà gaireben pessimista de la lenga en provença, sa folclorizacion e l'abondànça d'ortografis (es a dire que fin finala ne resta cap d'un), l'article me sembla pas tant colhon.
Anèm, un de mai per partir pas garèl

LaurençD a écrit:Alara - 1 per me.
Aviai pas capitat lo biais anti-occitanista del tipe.
Per çò qu'es del panoramà gaireben pessimista de la lenga en provença, sa folclorizacion e l'abondànça d'ortografis (es a dire que fin finala ne resta cap d'un), l'article me sembla pas tant colhon.
Anèm, un de mai per partir pas garèl

Totei sei pausiciens an lo mesme objectiu :
Demostrar la non-occitanitat dau provençau, ò, mièlhs dich, que lo provençau es una lenga a despart en s'apuejant sus de critèris non-linguistics.

Aviá quauquei discípol que si passejavan sus l'article relatiu a l'occitan dins la wiki francesa.

Fa partida d'aquela mena de gents qu'estimarián melhor veire crebar la lenga que de la veire escricha dins un grafia autra que la mistralenca.
Una mena de gents que son convinçuts fòrt e dur que la grafia classica es basada sus la prononciacien lengadociana dei mòts.

A despart d'aquò, bònei fèstas en totei, bravei gents !

Matieu C. a écrit:
Aviá quauquei discípol que si passejavan sus l'article relatiu a l'occitan dins la wiki francesa.

Fa partida d'aquela mena de gents qu'estimarián melhor veire crebar la lenga que de la veire escricha dins un grafia autra que la mistralenca.
Una mena de gents que son convinçuts fòrt e dur que la grafia classica es basada sus la prononciacien lengadociana dei mòts.

Siai tornat legir l'article : ara es de melhor comprene.

Matieu C. a écrit:
A despart d'aquò, bònei fèstas en totei, bravei gents !

E a l'an que ven, se sem pas mai...

LaurençD a écrit:Alara - 1 per me.
Aviai pas capitat lo biais anti-occitanista del tipe.
Per çò qu'es del panoramà gaireben pessimista de la lenga en provença, sa folclorizacion e l'abondànça d'ortografis (es a dire que fin finala ne resta cap d'un), l'article me sembla pas tant colhon.
Anèm, un de mai per partir pas garèl

Ne't truques pas LaurençD !
Eth son article n'ei pas maishant. Independentament deth partit pres en favor d'ua "luenga" provençau, que'm sembla qu'a totun ua reputacion de cercaire pro serios. Qu'ei com un Mauron, qui ei com ei, mes qui he autoritat sus Mistral. Qu'ei per'mor d'aquo que son adversaris de mau combater. Estossen ua banda d'asos, que sufire de se n'arrider i d'envia'us ta peisher.

Matieu C. a écrit:Fa partida d'aquela mena de gents qu'estimarián melhor veire crebar la lenga que de la veire escricha dins un grafia autra que la mistralenca.
Una mena de gents que son convinçuts fòrt e dur que la grafia classica es basada sus la prononciacien lengadociana dei mòts.

Avem eths medishs en Biarn...