Rappel du premier message :
Fau ben s'amusar un pauc, e se reschaufar, en quela dintrada d'un invern que sembla desjà d'esser rigorós.
Sei donc 'nat peschar dins un vielh libre d'un felibre avairones (e ben se, aparentament, i a ben daus felibres, mai daus avairones qu'an de las ideias mau plaçadas...) quauquas pitas devinhòlas, presentadas per l'autor coma "populaires à tendance rabelaisiennes". Acrochatz-vos, quo es pas totjorn fin !
Pense pas utile de vos dire de pas far legir quela pagina a daus dròlles jòunes, mas de tota faiçon i a un principe : la definicion es en generau plan grassa, mas la responsa es plan mai inocenta.
A veire s'avetz l'esperit mau virat ! :mas�:
(P.S : de notar que quelas devinalhas pebradas servián aus vielhs au canton dau fuec per far dire de las conarias a las jòunas filhas inocentas...çò que faguet dire un jorn a un de quilhs vielhs :"Après tot, aquò's coma aquò que s'apèla sens ni mai ni mens : los mots en lenga nòstra pudon pas." De meditar.)
Sei gente, vos bòte un exemple, emb la solucion, e apres, a vos de vos desmerdar, vos laisse un pauc de temps per trobar las responsas !
-Bonjorn, madama amb vòstre tot i branla.
-Bonjorn, mossur, ambe vòstre borrut entre las cambas.
-Es que pòde metre mon borrut dins vòstre tondut ?
-Oc, mossur, es tondut, es rasat, metètz-li se volètz !
De que se parla ?
Responsa : un cavalier damanda a una fialaira ("tot i branla" : lo rodet, rouet en frances) la permission de botar son chavau dins son prat, tot simplament. Vesetz qu'avetz l'esperit mau virat !
Anem, a vos de jugar !
De qu'es aquò :
1) Borrut contra borrut
E tot molhat dins lo fendut ?
L'uelh
2) Brandís-me la coeta se ni vòs ?
La pompa
3) Dintra dur, ressòrt tot mòl
La gota al bot ?
Lo biscuit trempat dins lo cafè
4) Gròs coma un salcissòt
Cal levar la camisa per lo veire ?
L'espiga de milh
5)La sòrte de mas bragas
Es redda coma un baston
La mete dins un trauc
Borra desus, borra dejos ?
La pipa d'un mostachut
6) Levatz ma rauba verda
E veiretz mon afar ?
o
Un polisson m'ajassa
Lèva e dosta mon cotilhon vert
Escarta mas cuèissas e joïs de ieu ?
La Notz
7) Li freti lo ventre
Li agache la borra
E essaje se lo trauc me va plan ?
Un Tipe qu'ensaja un Capèl
8 ) Lo borrut s'es dubèrt
Lo nut i es dintrat ?
Lo debas e lo pè
9) L'òme arriba del mercat
Ambe çò qu'a de rotge pelat
La femna l'espèra, plan ocupada
Ambe çò qu'a de negre, que bada ?
L'òme pòrta la carn e la femna l'espera amb la padela
10) Mai es caud, mai a la coeta longa ?
Lo fuòc
11)Tu n'as, ieu n'ai
Pel bòsc de Madama
N'i a ben encara mai ?
L'ombra
12) Quand a dinat e qu'es sadol
Se cunha lo nas al cuol ?
Lo cotèl
13) Qu'es aquò qu'òm met entre sas cambas
E que fa d'escumas ?
Lo ferrat a molzer
Mas tres mai aimadas :
14) Rotge lo vegèri
Dins lo trauc lo botèri
E levèri lo cuol per lo far dintrar ?
Un veire de vin
15) Sant Luc l'a per davant,
Sant Pòl l'a per darrès,
Una domaisela l'a encara,
La femna l'a pas pus
Persaque l'a perdut ?
La letra L
16) Soi una femna e mai que camini belcòp
Los òmes que m'an vista an totjorn mon imatge,
Lo que me fa un poton lo fan pas al visatge
Es puslèu al darrès sens que siague un salòp ?
Un timbre-Mariana
Atencion, las darrieras son un pauc misoginas...
17) Trauc redond
Trauc sens fond
Totas las femnas n'an
Aquelas que n'an pas voldrián ben n'aver ?
La baga
18 ) De qu'es aquò que grossís quand una femna lo caressa ?
Lo fus
19) Dintra sec, sortís trempe
E fa remenar lo cuol a las femnas ?
o
Un pan de coeta
Per divertir la dameta ?
(N.B: un pan = vint centimetres)
La batadoira
20) Qu'es aquò qu'a lo cuol caud,
La coeta redda,
E que brandisson las femnas ?
La padena
Bon coratge ! :mas�:
Fau ben s'amusar un pauc, e se reschaufar, en quela dintrada d'un invern que sembla desjà d'esser rigorós.
Sei donc 'nat peschar dins un vielh libre d'un felibre avairones (e ben se, aparentament, i a ben daus felibres, mai daus avairones qu'an de las ideias mau plaçadas...) quauquas pitas devinhòlas, presentadas per l'autor coma "populaires à tendance rabelaisiennes". Acrochatz-vos, quo es pas totjorn fin !
Pense pas utile de vos dire de pas far legir quela pagina a daus dròlles jòunes, mas de tota faiçon i a un principe : la definicion es en generau plan grassa, mas la responsa es plan mai inocenta.
A veire s'avetz l'esperit mau virat ! :mas�:
(P.S : de notar que quelas devinalhas pebradas servián aus vielhs au canton dau fuec per far dire de las conarias a las jòunas filhas inocentas...çò que faguet dire un jorn a un de quilhs vielhs :"Après tot, aquò's coma aquò que s'apèla sens ni mai ni mens : los mots en lenga nòstra pudon pas." De meditar.)
Sei gente, vos bòte un exemple, emb la solucion, e apres, a vos de vos desmerdar, vos laisse un pauc de temps per trobar las responsas !
-Bonjorn, madama amb vòstre tot i branla.
-Bonjorn, mossur, ambe vòstre borrut entre las cambas.
-Es que pòde metre mon borrut dins vòstre tondut ?
-Oc, mossur, es tondut, es rasat, metètz-li se volètz !
De que se parla ?
Responsa : un cavalier damanda a una fialaira ("tot i branla" : lo rodet, rouet en frances) la permission de botar son chavau dins son prat, tot simplament. Vesetz qu'avetz l'esperit mau virat !
Anem, a vos de jugar !
De qu'es aquò :
1) Borrut contra borrut
E tot molhat dins lo fendut ?
L'uelh
2) Brandís-me la coeta se ni vòs ?
La pompa
3) Dintra dur, ressòrt tot mòl
La gota al bot ?
Lo biscuit trempat dins lo cafè
4) Gròs coma un salcissòt
Cal levar la camisa per lo veire ?
L'espiga de milh
5)La sòrte de mas bragas
Es redda coma un baston
La mete dins un trauc
Borra desus, borra dejos ?
La pipa d'un mostachut
6) Levatz ma rauba verda
E veiretz mon afar ?
o
Un polisson m'ajassa
Lèva e dosta mon cotilhon vert
Escarta mas cuèissas e joïs de ieu ?
La Notz
7) Li freti lo ventre
Li agache la borra
E essaje se lo trauc me va plan ?
Un Tipe qu'ensaja un Capèl
8 ) Lo borrut s'es dubèrt
Lo nut i es dintrat ?
Lo debas e lo pè
9) L'òme arriba del mercat
Ambe çò qu'a de rotge pelat
La femna l'espèra, plan ocupada
Ambe çò qu'a de negre, que bada ?
L'òme pòrta la carn e la femna l'espera amb la padela
10) Mai es caud, mai a la coeta longa ?
Lo fuòc
11)Tu n'as, ieu n'ai
Pel bòsc de Madama
N'i a ben encara mai ?
L'ombra
12) Quand a dinat e qu'es sadol
Se cunha lo nas al cuol ?
Lo cotèl
13) Qu'es aquò qu'òm met entre sas cambas
E que fa d'escumas ?
Lo ferrat a molzer
Mas tres mai aimadas :
14) Rotge lo vegèri
Dins lo trauc lo botèri
E levèri lo cuol per lo far dintrar ?
Un veire de vin
15) Sant Luc l'a per davant,
Sant Pòl l'a per darrès,
Una domaisela l'a encara,
La femna l'a pas pus
Persaque l'a perdut ?
La letra L
16) Soi una femna e mai que camini belcòp
Los òmes que m'an vista an totjorn mon imatge,
Lo que me fa un poton lo fan pas al visatge
Es puslèu al darrès sens que siague un salòp ?
Un timbre-Mariana
Atencion, las darrieras son un pauc misoginas...
17) Trauc redond
Trauc sens fond
Totas las femnas n'an
Aquelas que n'an pas voldrián ben n'aver ?
La baga
18 ) De qu'es aquò que grossís quand una femna lo caressa ?
Lo fus
19) Dintra sec, sortís trempe
E fa remenar lo cuol a las femnas ?
o
Un pan de coeta
Per divertir la dameta ?
(N.B: un pan = vint centimetres)
La batadoira
20) Qu'es aquò qu'a lo cuol caud,
La coeta redda,
E que brandisson las femnas ?
La padena
Bon coratge ! :mas�:
Dernière édition par Danís le Ven 29 Mai 2009 - 9:51, édité 6 fois