Colons extremistas qu'an nafrat un soldat israelian per aver protegit palestinians qui cuelhèn olivas pròche de la vila de Hebron en Cisjordania uei dimèrcs.
En aquesta tempsada de la recòlta de las olivas, los numerós actes de violéncia, de las parts de colons, contra los paisans palestinians e lo murtre d'un d'aquestes a Asira al-Qibliye au ras de Naplosa, qu'an miat, peu prumèr còp, las autoritats israelianas a enviar soldats entà protegir los palestinians d'aqueras atacas (1).
Un escabòt de colons mascats qu'an atacat los soldats israelians qui susvelhavan ua recòlta pròche de la vila de Hebron, trucant-los a còps de batas de base-ball, puish qu'an vueitat lo lòc, çò qui a obligat los soldats a abandonar la lor mission per'mor de'us caler mantiéner a distància.
N'ei pas lo prumèr còp qui colons extremistas e fanatics e s'ac an dab l'armada israeliana. A Hebron, que i a tot dòi quauques dias, que's produsí un incident d'aqueths, seguit de la destruccion d'ua olivèra, au parat de l'evacuacion forçada per l'armada d'un "pòste avançat" (eufemisme per "abitat permanent creat per colons shens autorizacion de las autoritats israelianas").
Lo president palestinian Mahmoud Abbas que declarè dimenge que l'Autoritat Palestiniana e preved de har plantar sèt milions d'olivèrs navèths capvath Cisjordania, un per cada palestinian, en responsa a las atacas.
(1) La Convencion de Genèva que balha a tota poténcia ocupanta la responsabilitat de la securitat de la poblacion d'un territòri ocupat.
En aquesta tempsada de la recòlta de las olivas, los numerós actes de violéncia, de las parts de colons, contra los paisans palestinians e lo murtre d'un d'aquestes a Asira al-Qibliye au ras de Naplosa, qu'an miat, peu prumèr còp, las autoritats israelianas a enviar soldats entà protegir los palestinians d'aqueras atacas (1).
Un escabòt de colons mascats qu'an atacat los soldats israelians qui susvelhavan ua recòlta pròche de la vila de Hebron, trucant-los a còps de batas de base-ball, puish qu'an vueitat lo lòc, çò qui a obligat los soldats a abandonar la lor mission per'mor de'us caler mantiéner a distància.
N'ei pas lo prumèr còp qui colons extremistas e fanatics e s'ac an dab l'armada israeliana. A Hebron, que i a tot dòi quauques dias, que's produsí un incident d'aqueths, seguit de la destruccion d'ua olivèra, au parat de l'evacuacion forçada per l'armada d'un "pòste avançat" (eufemisme per "abitat permanent creat per colons shens autorizacion de las autoritats israelianas").
Lo president palestinian Mahmoud Abbas que declarè dimenge que l'Autoritat Palestiniana e preved de har plantar sèt milions d'olivèrs navèths capvath Cisjordania, un per cada palestinian, en responsa a las atacas.
(1) La Convencion de Genèva que balha a tota poténcia ocupanta la responsabilitat de la securitat de la poblacion d'un territòri ocupat.