X Congrés del Partit Occitan

Genial ! Lo congrès del Partit Occitan. I anarem totes. De qué se va decidir d'amusant ? Esperam : passarem de bons moments de rire.
Aimi plan lo P.òc, i ai d'amics mas bon cal èsser realista es que val lo còp de se cansar dins d'eleccions ont fasèm pas que 2 a 3 %, de se negar dins d'aliganças amb de partits que se'n foton de l'occitan (P.S, Verds) e que vèson pas qu'un interés electoral. Lo P.òc es simpatic mas es mòl remet res en question : lo sistèm economic, politic francés. Se ditz autonomist es plan mas per ieu aquò pòt pas èsser qu'una amira a cort o a mejan tèrm mas après de qué fasèm après l'autonomia ? Tot s'arrèsta ?
Ieu vesi pas tròp lo P.òc s'engatjar sus de problèmas concrets : l'oficializacion de la lenga per exemple. En 2006 e 2007 amb Anaram au Patac avèm fait una campanha sus aquò lo P.òc èra per faire campanha amb nosautres e puèi coma aviá d'eleccions la direccion del Partit Occitan an jutjat qu'èra pas bon d'èsser a costat d'un movement extrèmista.
Uèi en Occitània qu'un movement prepausa causas concretas e fòrtas coma l'oficializacion de la lenga sens compromission o arrengament ? Segur es Anaram.
Es plan de faire de polits discors mas ara cal passar a l'accion e exigir causas dels politics franceses que seràn jamai amb nosautres, levat per interés, e non pas esperar que tot nos tombe per un còp de bagueta magica. L'article 1 de la constitucion frances es un conària cal anar mai luènh.
Per l'aligança de las fòrças occitanas sus d'objectius clars e ambicioses.

Marxelin a écrit:Genial ! Lo congrès del Partit Occitan. I anarem totes. De qué se va decidir d'amusant ? Esperam : passarem de bons moments de rire.
Aimi plan lo P.òc, i ai d'amics mas bon cal èsser realista es que val lo còp de se cansar dins d'eleccions ont fasèm pas que 2 a 3 %, de se negar dins d'aliganças amb de partits que se'n foton de l'occitan (P.S, Verds) e que vèson pas qu'un interés electoral. Lo P.òc es simpatic mas es mòl remet res en question : lo sistèm economic, politic francés. Se ditz autonomist es plan mas per ieu aquò pòt pas èsser qu'una amira a cort o a mejan tèrm mas après de qué fasèm après l'autonomia ? Tot s'arrèsta ?
Ieu vesi pas tròp lo P.òc s'engatjar sus de problèmas concrets : l'oficializacion de la lenga per exemple.

"Marx e Lin" siás un vertadier revolucionari tu, diga me es per quora la revolucion? Me prepari...
Non cal arrestar d'èsser de maissanta fe o de far lo "Pesca luna" en denegar las realitats, as al mens un mièg sègle de retard dins lo combat politic.
N'en vòli per pròva que la darrèra batèsta que menèt lo Partit occitan dins Tarn ont dos candidats que faguèron entre 7% e 11% de las votz per las cantonalas d'aqueste an obtengut la dobèrtura d'un poste d'encargat de mission per l'occitan al Conselh General d'aqueste despartament ont n'i aviá pas encara. Vaqui çò que se pòt gannhar quand i a una volontat e un rapòrt de fòrça politic vertadier. Plan segur aquò ven pas tot solet e disi plan mercés als camaradas de Tarn coma la Josiana e lo Robèrt Marti que se baton de longa. Òsca! A mai quand la resulta es pas que de 2% o 3% es una preséncia que los partits francimands debon prendre en compte. Donc ton discors demobilisator es una agression cap a l'occitanisme, ne seriái pas fier a ta plaça. Autra causa quand dises que fasèm aprèp l'autonomía ? Ieu dempuèi que soi pichon ei apres de far un pas aprèp l'autre.Benlèu que deman aurèm una mena de Liga comunista occitana e independentista plan segur que serà engatjada sus totes los fronts...En espèrar "le soleil radieux...." lo Partit Occitan trabalha e pas que dins las eleccions, se venes al Congrés benlèu aprendràs de causas. Podètz tanben gaitar los comunicats de premsa e las intervencions faitas recentament sul siti: www.partitoccitan.free.fr o lo Blog: www.poctolosan.over-blog.fr

Que voi plan mes cau pas desconar, los comunicats de premsa que son tots hèit per la medisha persona (qui m'agrada e que respecti d'alhors ..)

Shens ironia, que'm demandi quin hètz au Pòc per aver ideas tant 'centraus', e autant pauc de militants. I a quauquarren qui va pas aquiu. E pensi que s'aligar aus partits franchimands pòt pas estar que negatiu. Ua ubertura de pòste tots los 3 ans, qu'ei hèra plan, mes concretament sauvarà pas la lenga.

Marxelin agressa pas l'occitanisme, o lavetz lo Pòc arrepresenta l'occitanisme eth medish. I a causas a har, de segur, en esperar lo "gran dia"

Lanfontan,

ai jamai agressat lo Pòc que representa pas tot l'occitanism. Soi just un pauc critic de çò que se passa dins aquel partit, per ieu la via electorala pels occitans servís pas a grand causa, òm me pòt explicar lo contrari mas bon me dises 7 a 11 % a las cantonalas, es plan mas es que representa una fòrça importanata per emmerdar los partits franceses ?
Tanben me regaudissi que lo Pòc aja obtengut un pòste d'encargat demission al Conselh General (de Tarn ?) mas de qu'a coma poder e de qué pòt prene coma decision ?
Ieu soi revolucionari mas vòl pas dire tapat : òc soi marxista e vòli una autra societat e òc soi per l'independéncia perqué me disi pas francés, me disi occitan.
A costat d'aquò sabi ben que tot se farà pas d'un còp de bagueta magica. Ara en Occitània qual vòl l'Indepedéncia ? Benlèu 1 % ? Mens ?
Sabi que tot passarà per una autra etapa : l'autonomia. Mas après se caldrà batre per aver mai : Occitània es una nacion.
Sabi tanben que la revolucion arribarà pas aital es una luta de cada jorn per mostrar als uèlhs dels ciutadans del mond (soi internacionalista) que lo capitalisme es nefast al ben dels umans. Mas ieu al contrari del Pòc e amb los autres militants d'AAP disi non clarament al capitalism e a la frança. Vòl pas dire qu'aimi pas lo francés e la frança : soi escrivan e escrivi dins la las doas lengas. Perqué la cultura francesa es polida tanben mas la meuna abans tot es la cultura occitana.
E se dises que soi pas que dins la critica : me bati amb d'autres camaradas dins AAP per bastir un movement occitan revolucionari (pas sonque marxista) e independentista que prepausa causas concretas sens s'aligar amb partits franceses o passar per la via electorala. Pensi que sèm prèstes de faire causas amb tot lo mond, de se batre dins d'accions mas es que tot lo mond se vòl plan bolegar amb AAP ? Pensi pas perqué lo costat revolucionari fa paur mas sèm realistas, sens èsser dins lo sòmi permanent. La campanha per l'"occitan lenga oficiala", luta concreta, foguèt menada per AAP mas pauc de mond nos an seguit. Enfin te disi que benlèu al Congrès del Pòc perqué AAP es convidat e aital podèm presentar çò que sèm e çò que volèm mai se lo mond del Pòc nos coneis mas se cal totjorn explicar e de còps es pesuc. Volèm qu'una causa faire avançar Occitània.
Te saludi fraternalament perqué sèm pas opausats tant qu'aquò, lo dialòg es important e mai se avèm de punts de divergéncia sèm occitans.

Marxelin a écrit:Te saludi fraternalament perqué sèm pas opausats tant qu'aquò, lo dialòg es important e mai se avèm de punts de divergéncia sèm occitans.

La toca deu debat sus "lo projecte occitan, aspecte culturau e politic, dralha hexagonau e europèu" es plan d'escambiar sus aquestas ideas entre los partits autonomistas, los partits franchimands, los culturaus e d'autas partits invitats coma AAP.

Qu'ei mei que mei urgent de discutir de ço que sem e de ço que volem. D'un biais negatiu podem tostem disèr que representam mensh de 1% de la poblacion. Qu'ei vertat tà las activitats prepausadas per lo moviment culturau occitan (en nombre d'aderents) e vertat tà la basa militanta politica (en adobar Poc/AAP/PNO/PaisNostre e autras mes en tirar lo Jidoc totun). Mes cau relativisar tot aquo en pensan que taus partits franchimands, lo nombre de militants ne va pas au dela de 1,5 o 2 % (1 millions de militants) e qu'ei pr'amor d'un sistema electorau anti democratic, qu'arriven a mestrejar o manipular la populacion (l'eleccion deu rei Sarkosi en ei la prova).
Si ensajam de soscar d'un biais positiu, vesem que i a pas cap de partit franchimand qui pensa a un avenidor tà l'Occitania. Si i aveva un parlament occitan decentralisat e autonome, los nostes escores a las eleccions seren plan differents.

Lo projecte occitan pòt pas esser sonque culturau e linguistic, e sabem plan qu'avem de ligar las nostas accions e reivindicacions entre politics, culturaus, e mei largament, tota la societat civile.

Enfin, se podem pausar la question de saber si se cau bater sonque per carrièra, sia dens las institucions d'un estat franchimand nacionaliste e centraliste, sia si nos cau passar per l'euròpa de las regions, quitament si n'ei pas briga madura uei lo dia.

Lo debat, si arrespectam un pauc la vision de cadun, que pòt arribar a har progressar cada moviment e sustot a har progressar lo pòble occitan. Patissèm de 800 ans de colonisacion interiora desempuish besièrs. Que'ns calere ara nos prener en carga e deishar las estrategias de las deshèitas ...