Fa caud / fas caud

Adieusiatz, ai una question bèstia.. dins loi milhavés e benlèu dins Roergue mas soi pas segur, disèm totjorn "fas caud" per dire lo francés "il fait chaud". Mas compreni pas perqué es pas "fa caud" ?

La familha de la mia femna es de Milhau e jamai ai pas ausit "fas caud", mas puslèu "fa calor" e, mas mens sovent, "fa caud".
A vilafranca se ditz "fa caud".

Pensi que "fas caud" deu èsser una deformacion recenta deguda a la perda de l'emplèc e donc de la mestresa de las conjugasons de l'occitan, un pauc coma lo famos "fas cagats".

fas cagats".

Vertat es que sembla una fauta...Mas en catalan del nòrd o dison atanben, e l'error sembla donca espandida sus un territòri bèl. Benlèu que i a una autra explica? Cagat coma subsantiu benlèu? Fas de cagats, varianta de cagadas?

En gascon que disem "que hè calor", jamei "que hè caut".
Per çò qui es de l'error probabla, qu'avem tanben ua expression: "quin te va" qui quauquas personas disen "quin te vas". La "s" que'm sembla tanben ua error per'mor de non pas mei mestrejar las conjugasons.

Coma vautres supausi qu'es una mestresa marrida de la conjugason.
Dins Var li a fòrça joves que per dire "trauc" en francitan dison "strauc" [straw] per de rasons similaras...
Mi fa pensar a un tipe que rescontrèri dins lo reire país erautés que parlava un occitan basic pas marrit, mai que totun conoissiá pas la 1era persona estent qu'ausiá parlar occitan soncament per sa grand que just s'adreiçava a eu!

En Lemosin disem : Quò fai freg !