Olimpic de Marselha

Rappel du premier message :

I a d'afogats de l'Olimpic de Marselha aicí? Que pensatz dau començament de sason de la còla marselhesa?

Sent Petersbourg qu'ei ua equipa qui pòt foter mei de 30 milions d'euròs per un sol jogaire. Pas nosautes. Qu'ei simple lo fot fin finala.
Espèri pas la liga deus campions (l'avem dejà) mes sonque de préner plaser en espiar ua equipa qui va pas arrecular après un goal d'avança.
Peumoment tot que va !

fredoc a écrit:Vam! Qu'arridi!
Mes jo que me'n foti de l'OM com deu campionat de França per'mor qu'aimi lo fotbòl, e quitament la sola equipa qui poderé har un fotbòl agradiu (Lion) n'ac hè pas. Per çò qui ei de l'OM, cada an los jornalistas que s'ahuecan e que pensan que van ganhar la liga deus campions, e cada an qu'ei la medisha causa. Que's prenen per mei hòrt que çò qui son. Bremba't d'Anderlecht e StPetersborg l'an passat.
E l'equipa de França dab lo son praube jogar, qu'ei lo rebat de l'esperit deu fotbòl de la liga 1 : nada ambicion, nada enveja, nat plaser...mes un cap ATAU!

Sant Petersborg son estat pron bolegats per l'Olimpic justament. Cresi pas qu'as pres lo bòn exemple que justament la partida d'anar èra un modèl de bèu fotbòl juegat per lei marselhés. Puei vigueriam çò que donèt Sant Petersborg còntra lo Bayern au torn d'après.

Après, que vòs que ti digui, siam pas, mai de ren de tot, dau mesme avejaire. Mai bòn, un marselhés en matèria de balon pòu jamai èstre objectiu ben de bòn.

Per lo moment, m'acontenti en plen de la comencença de temporada de l'OM. E espèri qu'anarà si melhorant.

Liverpool, PSV, Atletico pour l'OM


le 28/08/2008 à 18:50
L'OM jouera contre Liverpool, le PSV Eindhoven
et l'Atletico Madrid dans le groupe D de la phase de poules de la Ligue
des Champions. Des adversaires très compliqués pour les Olympiens...

La poule de l'OM en Ligue des Champions

Liverpool	PSV Eindhoven	OM	Atletico Madrid

Podevam pas imaginar un grop mei complicat pensi, au mensh l'espectacle que serà aqui !

Siáu content ambé aqueste grop, poirai anar a l'estadi Calderón a Madrid per veire la partida còntra l'Atletico!

Autra victòria de l'OM dins lo campionat, còntra lo FC Sochaux-Montbéliard! Buts de Ziani e Koné per Marselha, e d'Erding per Sochaux (2-1). L'OM demòra premier ambé 10 ponchs (fòrça melhor que l'annada passada )

Axel a écrit:Autra victòria de l'OM dins lo campionat, còntra lo FC Sochaux-Montbéliard! Buts de Ziani e Koné per Marselha, e d'Erding per Sochaux (2-1). L'OM demòra premier ambé 10 ponchs (fòrça melhor que l'annada passada )

Tòrni de l'estadi. Aquela partida èra una catastròfa. Anaràn pas luench en liga dei Campions se contunhan de jugar ansinta.

Preferissi partidas catastròficas que ganhan a bonas partidas que pèrdon. E tamben fau dire qu'èran cansats per sa partida còntra lo Brann Bergen...

De tot biais cau estar realista: se passam lo grop en liga deus campions, qu'ei un miracle ..
Per contra avem l'efectiu tà ganhar lo campionat pensi.

Matieu a écrit:De tot biais cau estar realista: se passam lo grop en liga deus campions, qu'ei un miracle ..

Vertat qu'ei.

Matieu a écrit:De tot biais cau estar realista: se passam lo grop en liga deus campions, qu'ei un miracle ..
Per contra avem l'efectiu tà ganhar lo campionat pensi.

Siáu totalament d'acòrdi ambé ço que dises... Mai vòli crèire que lei miracles son possibles Cu auriá dich l'annada passada que podián ganhar còntra Liverpool a Anfield Road?

Cal al mens acabar a la tresena plaça per jogar l'UEFA !

L'UEFA francament .. qu'ei bon tà Bordèu

En parlant de Bordèu... Per la cinquena jornada de Liga 1 (lo 13 de setembre) aurem un polit (espèri!) Bordèu-Marselha

L'OM a perdut sa premiera plaça... mercé a l'arbitre de Lion-Niça...

N'èi pas seguit la partida mes qu'èi vist que i a avut engambi.

Qu'an avut un penalty a la fin, ei aquò ?

Axel a écrit:L'OM a perdut sa premiera plaça... mercé a l'arbitre de Lion-Niça...

Que de cagada per un solet arbitre !

Serà dificile de far quauqua ren en la liga dei campions aquesta sason ...

Òc, serà mei que complicat. Mes que vòs diser ? Liverpool qu'ei mei hòrt, qu'ei tot. Que'n saberam mei a la fin de la tresau jornada. Se n'avem pas au mensh 4 punts (sus duas partidas a l'exterior !), qu'ei acabat.

Pensi totun qu'avem lo nivèu entà ganhar lo PSV e juntar l'UEFA.

Qué pensatz de çò que s'a passat a Madrid per la partida de Liga dei Campions còntra l'Atletico? (la policia qu'a empegat leis afogats de l'OM sensa vertadiera rason, lei cançons nazis de quauqueis afogats de l'Atletico...) Anèri pas a l'estadi a Madrid coma l'aviáu previst, e cresi qu'ai ben fach... M'an decebut lei madrilencs!

Jo m'an pas decebut,qu'ac sabi dejà que la Castilha èra plea de nazis, de fascistas. E la policia espanhòu qu'ei la mema ***** de pertot l'Estat.

Pensi que l'OM pouòde acabà la Liga dei Campioun à la terça plaça e anà en UEFA.

Per la Liga 1 de foutbal, lou campioun serà ni l'OM, ni Bordèu, ni lou TFC, ma l'OGC Nissa, la melhoura equipa dòu campiounat de Liga 1.

MEFI SIEU NISSART
DEGUN M'ESQUISSA
AHURA BASTA
ISSA NISSA!

Per la Liga 1 de foutbal, lou campioun serà ni
l'OM, ni Bordèu, ni lou TFC, ma l'OGC Nissa, la melhoura equipa dòu
campiounat de Liga 1.

Niça mèrda !!!

Issa Nissa!!!

L'OMerda en Liga 2!!!

Niça suportaires de fascistas !!!!

T'enviti à anà sus lou forou dòu site www.ogcnissa.com e sus d'aqueu dei Brigada Sud Nissa (www.bsn85.com) per moustrà mi doun troves de fascista!?

Quoura vehi lou coumpourtament dei supourtaire de l'OM da nautre, à Mounegu e dins li autri vila avant o après caduna partida, mi demandi cu soun lu fascista!

Cyril06 a écrit:T'enviti à anà sus lou forou dòu site www.ogcnissa.com e sus d'aqueu dei Brigada Sud Nissa (www.bsn85.com) per moustrà mi doun troves de fascista!?

Quoura vehi lou coumpourtament dei supourtaire de l'OM da nautre, à Mounegu e dins li autri vila avant o après caduna partida, mi demandi cu soun lu fascista!

Lei nissarts ma fista !
Fau ben èstre avugle per gausar dire que l'a pas de fafs dins lo viragi nissart, e mai que mai dins la BSN.
Ti ramenti que lo polit escais qu'atrovèron per lei marselhés es "les rats".
E tot lo monde saup ben de m'onte li ven aquel escais ai marselhés hè.
Vòu pas dire que totei lei nissarts son de fascistas ben segur, mai l'existéncia de particuliers ancrats a drecha de la drecha dins l'estadi dau Rai es pas una quimèra nimai.


De tot biais, una ciutat que veguèt un second torn de municipalas entre Estron-si e Peyrat...
Una ciutat tanben m'onte lei joinessas identitàrias arribèron de s'implantar e de presentar un candidat en d'elecciens...
A levat de Niça, ne'n vieu pas d'autra.

E la comparason ambé lei afogats de l'OM...Mi siáu totjorn demandat se lei nissarts s'avisavan que lei marselhés se'n chautan d'elei.
Ai l'impressien que son complèxe d'inferioritat cronic e lo fach d'èstre sota l'autoritat d'una ciutat tan poirida que Marselha li trabalhava un pauc de la cabeça.

Matieu C. a écrit:Lei nissarts ma fista !
Fau ben èstre avugle per gausar dire que l'a pas de fafs dins lo viragi nissart, e mai que mai dins la BSN

Moustras-mi doun soun lu fascista dins la BSN?! Iéu, persounalamen, n'ai pas vist!

Matieu C. a écrit:Ti ramenti que lo polit escais qu'atrovèron per lei marselhés es "les rats".
E tot lo monde saup ben de m'onte li ven aquel escais ai marselhés hè.

Noun fariéu de coumparesoun couma lu Marselhés apelon lu Nissart, ma pouòdi dire que lu tifo de l'OM, subretout lu Magic Fan e d'autri, dihoun touplen de poulidi caua sus de nousautri! E soun embé lu supourtaires de Paris, lu pèji de la França. Ai vist à Strasbourg per esemple couma lu fanat marselhés si coumporton, prouvocon e insulton la gent dins li carrièra e traton lu Strasbourgués de "pédés" e "sales boches". Aloura agacha bèn cu es racista e fascista!

Matieu C. a écrit:dire que totei lei nissarts son de fascistas ben segur, mai l'existéncia de particuliers ancrats a drecha de la drecha dins l'estadi dau Rai es pas una quimèra nimai.

I a dapertout de marrit element tra lu suportaire de toui li equipa de foutbal. Ma lu Skinhead soun subretout à Paris, pas à Nissa e pas tra li BSN.

Matieu C. a écrit:e tot biais, una ciutat que veguèt un second torn de municipalas entre Estron-si e Peyrat...
Una ciutat tanben m'onte lei joinessas identitàrias arribèron de s'implantar e de presentar un candidat en d'elecciens...
A levat de Niça, ne'n vieu pas d'autra.

Se capissi lou tiéu rasounament, un païs qu'a elegit lou nanou en partida per l'insecurità e doun 10-15% dei eletour voton per Le Pen, es un païs fascista. A levat de la França, ne'n vehi pas d'autre!

Dounca, lu supourtaires de l'equipa de França soun toui de fascista!

Matieu C. a écrit:E la comparason ambé lei afogats de l'OM...Mi siáu totjorn demandat se lei nissarts s'avisavan que lei marselhés se'n chautan d'elei.
Ai l'impressien que son complèxe d'inferioritat cronic e lo fach d'èstre sota l'autoritat d'una ciutat tan poirida que Marselha li trabalhava un pauc de la cabeça.

Noun li a de coumplèsse d'inferioritat. Lou nouòstre Gym noun vouòle ressemblà à l'OM qu'es per nousautri un'equipa de show bizz.

Per l'autoritat, aven de rasoun de voulà s'emancipà de l'influença de la ciutat marselhesa, perqué lou païs nissart noun es la Prouvença. Ai un grand respét per la Prouvença doun ai de la familha, ma soun mai lu Marselhés qu'an un coumplèsse dins la regioun e vouòlon prouvà que soun lu pus fouòrt. Es siguramen per acò qu'an un'atituda de mesprès contra nautre. La prova: cu a coumençat à prouvoucà lou premièr?!:

Niça mèrda !!!

Es tipic de l'atituda de mesprés dei afougat de l'OM, aquesta voulountà d'esquissà lu pichin à tout coust, sensa succès: as remarcat que despì 15 annada e lu match trucat de Tapie, lou "grand" OM a jamai gagnat un titre o una coupa? E que l'OM noun serà pus jamai campioun de rèn?

Siguramen que lu vouòstri coumplèsse venon d'aquesta terrible maladicioun...

Vau respòndre a la lèsta.

D'en promier, lei Magics Fans son de Sant Estève e pas de Marselha.

Puei, mi levaràs pas de la tèsta que tot plen de nissarts si venon plànher perqué vien que l'OM a d'afogats dins sa vila. Lo club popular en Provença, e fins a Niça, es ben Marselha.
Es pecat mai es coma aquò. En fòra de Niça, si ne'n parla gaire dau Gim e l'OM l'es per ren.


Tornarai pas sus ton afirmacien estranha, coma que l'OM non serà pus jamai campion de ren.

Mi ramentes lo darrier còp que foguèt campion lo Gim ? L'a qué, 40, 50 annadas ?

Se capissi lou tiéu rasounament, un païs qu'a elegit lou nanou en partida per l'insecurità e doun 10-15% dei eletour voton per Le Pen, es un païs fascista. A levat de la França, ne'n vehi pas d'autre!

Dounca, lu supourtaires de l'equipa de França soun toui de fascista! Ironic

Es pas tan faus qu'aquò sabes.
Puei, lei suportaires de l'equipa de França, va fau dire lèu hè. Per ieu son ren de tot, un còla de ninòis pas mai.

Matieu C. a écrit:Vau respòndre a la lèsta.

D'en promier, lei Magics Fans son de Sant Estève e pas de Marselha.

Es esat, escusas! Ai counfoundut embé lu Fanatics e South Winners!

Matieu C. a écrit:Puei, mi levaràs pas de la tèsta que tot plen de nissarts si venon plànher perqué vien que l'OM a d'afogats dins sa vila. Lo club popular en Provença, e fins a Niça, es ben Marselha.
Es pecat mai es coma aquò. En fòra de Niça, si ne'n parla gaire dau Gim e l'OM l'es per ren.

Soun pas de ver Nissart ma de abitant de Nissa que venon d'autri vila o autri regioun e que si soun instalat. Dins aquesti coundicioun si pouòde trouvà à Nissa tamben de afougat de Paris SG e mema de Lilla!

Matieu C. a écrit:Tornarai pas sus ton afirmacien estranha, coma que l'OM non serà pus jamai campion de ren.

Mi ramentes lo darrier còp que foguèt campion lo Gim ? L'a qué, 40, 50 annadas ?

Noun si pouòde coumparà: agacha à quant s'issa lou bugét dòu Gim e aqueu de l'OM! Nissa ven da luenh, a un pichin bugét (27 milioun, lou sezième de la Liga 1) e a pas encara l'ambicioun de devenì campioun. Per nautre, es geniau se pouden acabà reguliaramen dins lu dès premié.

Lou bugét de l'OM es lou segount de la liga 1 (80 milioun), darrié Lion... E emb' acò l'OM noun es capable de gagnà mancou una coupa de la liga contra Sochaux, o batre Lorient à maioun...

Matieu C. a écrit:Es pas tan faus qu'aquò sabes.

Aloura temi que touta l'umanità sigue fascista!