[Sondatge] Que pensatz de la chausida de Carcassona ?

Rappel du premier message :

Anem, veiqui, per far segre lo desbat. Lachatz-vos !

Carcassona !

Ieu demòri dins Aude, soi content se fa al païs un còp de mai. Mas francament, me fa cagar tanben. Carcassona es una pichona vila, se fa encara en Lengadòc e ieu me fasiá pas res de me desplaçar endacòm mai.
Per ieu lo luòc ideal seriá estat Marselha...Mas bon los occitanistas an decidit de demorar entre eles. Segur coman disián los de l'Ostau dau Païs Marsilhés a l'Estivada donam d'arguments als Felibres que pensan que lo provençal es pas d'occitan e que los lengadocians an res de faire dels provençals.
E los gascons (parli pas dels gasconistas) encara un còp venir en Lengadòc...
Pensi francament que i aurà mens de mond qu'a Besièrs e que se fasèm pas res entre las protèstas lo movement impulsat se va desalenar. Cal arrestar d'èsser braves e de se passejar dins las carrièras en cridar coma de piòts "anem òc !" (quin eslogan). Nos cal prene en man e volèm causas. Coma disiá Che Guevarrà : "Siagam realistas, demandem l'impossible". Sèm pas de terroristas, anam pas pausar bombas (condemni pas los amics bascos, bretons o còrses) per Occitània servís de res alara cal soscar a d'accions de massa, espectularas, non violentas e mediaticas.
Mas aquelas accions meritan d'èsser pensadas e volgudas per de militants que pel moment son a mon vejaire tròp flacs.
Vendrai a Carcassona mas francament ne soi pas estrambordat... Veirem ben...

Los occitanistas lengadocians qu'an trebucs deus grands entad emancipà's de las lors arre­boridas, deus clichats qui hen la lor escaduda dens las anadas 60. Amics deu Nòrd, que seratz tostemps considerats coma marginaus excentrats. Qu'ei atau : que seratz lengadocianizats coma los Catalans e catalanizèn aus Valencians.

NB : Las meas causidas ortograficas

- grand dab la d : grandem en latin que hè grand en gascon dab la caduda de -em. Las fòrmas derivadas com grana o granòt que s'explican gràcias au fenomèn gascon : -nd- > -n-. Grana qu'ei ua fòrma feminina segondari : que deveré estar grand tanben.

- anada dab ua n soleta. En gascon, -nn->-n-.

Ten, adieu "Poey de", qu'a un problemi ambe los occitans del nòrd.
Me rapelas un "Invidia" qu'ai rescontrat sus un autre siti (Forum Babel).


PS : Adjudants mèus, o confèsi tot, de còps que i a vau sus d'autres foròms, perdon, perdon...

LaurençD a écrit:PS : Adjudants mèus, o confèsi tot, de còps que i a vau sus d'autres foròms, perdon, perdon...

Problèmas dab los vesins de devath (d'"otra Puinormand") ? Non me'n sap pas mau sonque de véder lo mesprètz deus Lengadocians de cap aus Lemosins e Auvirnhats.

L'Òmi a écrit:

LaurençD a écrit:PS : Adjudants mèus, o confèsi tot, de còps que i a vau sus d'autres foròms, perdon, perdon...

Un còp fa pas puta...

Poey de a écrit:Problèmas dab los vesins de devath (d'"otra Puinormand") ? Non me'n sap mau sonque de véder lo mesprètz deus Lengadocians de cap aus Lemosins e Auvirnhats.

Òu fan, avèm lo nòstre tròll !
Suau... Lo cal pas espaurugar.
Petit, petit, petit...

LaurençD a écrit:
Òu fan, avèm lo nòstre tròll !

hehehe un tròll gascon, la classa

Òu fan, avèm lo nòstre tròll !
Suau... Lo cal pas espaurugar.
Petit, petit, petit...

Hehehe ! Avi avisat lo noste moderator preferit !!

Se lo vòste monde e's resumeish a tròlls e a non-tròlls ... Praubets.

LaurençD a écrit:Me rapelas un "Invidia" qu'ai rescontrat sus un autre siti (Forum Babel)

I a de monde d'aicí sus Babel ? (i soi tanbèn, lol)

Poey de a écrit:Se lo vòste monde e's resumeish a tròlls e a non-tròlls ... Praubets.

Ne cal tamben de tròlls per far un monde (virtual), e degun es pas perfièch.
"Per la mamà tròll, lo sièu pichòt tròll es lo nenet mai polit" (proverbi gremlin)

Qu'es aquò un tròll ?

Un cercagarolhas (en francès : un fotlamerda). Exemple de çò que fa un tròll : va venir sus un foròm que le dison OCCITANIA onte s'encontran de lemosins, de gascons, de lengadocians, de provençaus e d'auvernhats (òc ! n'i a un !) e va escriure quicòm coma :

Poey de a écrit:Los occitanistas lengadocians qu'an trebucs deus grands entad emancipà's de las lors arre­boridas, deus clichats qui hen la lor escaduda dens las anadas 60. Amics deu Nòrd, que seratz tostemps considerats coma marginaus excentrats. Qu'ei atau : que seratz lengadocianizats coma los Catalans e catalanizèn aus Valencians.

LaurençD a écrit:e va escriure quicòm coma etc...

Lhèu ne compreneish pas lo gascon ? E vòs que't arrivire entà que'm poscas assegurar çò qui ne't va pas ?

Poey de a écrit:Lhèu ne compreneish pas lo gascon ? E vòs que't arrivire entà que'm poscas assegurar çò qui ne't va pas ?

Eeeee ben, ne sias un.
Bon, daissi la man als colégas, que va plan un brieu.

L'argument qu'auviguei a l'Estivada es que lo triangle Narbona, Carcassona, Besièrs es accessible de pertot en Occitània en 'na jornada (tu partes lo matin e lo ser tu ses tornat maison). De segur, qu'es pas lo cas si tu venes de la Gardia !!!!

maime a écrit:L'argument qu'auviguei a l'Estivada es que lo triangle Narbona, Carcassona, Besièrs es accessible de pertot en Occitània en 'na jornada (tu partes lo matin e lo ser tu ses tornat maison). De segur, qu'es pas lo cas si tu venes de la Gardia !!!!

argument neci per quant a ieu. Ne'n siáu gaire segur en de mai.

maime a écrit:L'argument qu'auviguei a l'Estivada es que lo triangle Narbona, Carcassona, Besièrs es accessible de pertot en Occitània en 'na jornada (tu partes lo matin e lo ser tu ses tornat maison). De segur, qu'es pas lo cas si tu venes de la Gardia !!!!

Vau un còp de mai faire ma cagaira, mas es benlèu vertat en veitura, en trèn, las grandas vilas son una melhora idèa ! (Besièrs, en trèn per un Gascon o un Lemosin, fa cambiar 3 còps , etc.) Sens dire Tolosa, perqué es encara lo lengadòc, Marselha (o Bordèu ?)

Cerièra de Mai a écrit:mas es benlèu vertat en veitura

Qu'es en veitura, de segur. Enfin en bus. Per lo tren, de Limòtges, fau 3 oras per 'nar a Tolosa, Bordeu o Clarmont (emai Tula !!!!). Per 'nar a 'na manifestacion mai luenh, te fau prener un bus

Qu'ei con de partir en veitura, cau organizar bus.
De tot biais, n'ei vertaderament pas enveja, au dia de uei, d'anar a d'aquera manif de Carcassona. Que senteish la protèsta de mèrda.

Matieu a écrit:Qu'ei con de partir en veitura, cau organizar bus.
De tot biais, n'ei vertaderament pas enveja, au dia de uei, d'anar a d'aquera manif de Carcassona. Que senteish la protèsta de mèrda.

Bah !
Quora siás a Montpelhier ò Besiers, es mai aisit de l'anar en veitura. Cresi qu'es la soleta causa qu'interessa lei braves organisaires.

T'imaginas prendre lo tren ò organizar un bus per anar far un passa-carriera ? Es tròp de trabalh per elei. An ja de dorsiers de subvencien de far, d'elegits de li picar la man, an pas lo temps de s'esparpalhar en totei caires.

En mai de la question de « qué es lo mai aisit » >> tot lo monde an pas una veitura !
(s'en vai botar una pichona anonça de co-veiturage)

fredoc a écrit: Que m'mmèrda a jo tanben, mes que serèi. Per'mor que i cau estar.
Sonque si hèm ua manifestacion diferenta drin pertot en Occitania lo medish dia.

O pensi tanben,benlèu qu'es tròp tard per aqueste còp mas far mai d'una protèsta lo meteis jorn en Provença, Lengadòc naut e Gasconha E tanben amb los bretons, basques, catalans, còrses....seriá una bona causa per progressar mediaticament çò qu'es l'objectiu recercat, non ?

Plan segur : per ieu, es la melhora idèia !

Cerièra de Mai a écrit:fuma la pipa sens tabat

Sens tabac, sens tabac... mas pas sens ren dedins tot-parier ????

Perqué pas en defòra d'Occitània ? Sai pas, benlèu a París ? Los parisiencs e los francés ne vei que los pès e la lor vida, pensi qu'un fum de francés se sap pas que l'occitan es una lenga, e pas que los vielhs, dins la mieu escòla la mièg dels escolans se sap pas aquò o pensi que l'occitan e una lenga mòrta parla unicament per 3,4 vièlhs dins los vilatges.

Demembrem pas que si farà una "còntra" manif' a Marselha l'an que vèn qu'aurà per soleta tòca de trabalhar còntra l'occitanisme...
Segur que serà engimbrada per una pichina chorma de ravis, mai a Marselha!

D'aquelei que sostenguèron l'idèia d'anar manifestar ailà (eriatz nombrós!), avètz començat de chifrar a alestir un desplaçament?

Se m'engani pas si farà pas lo meme jorn que Carca-bis, tant serà un pauc complicat de far venir un fube de monde dau defòra de Provença, mai seriá con que lei militants elei manquèsson l'escasença de far quauqua ren de vertadierament necite per l'unitat occitana.

Amistats

L'unitat d'Occitania... Que soi la prumèra de voler crèder'i... Mès aquera causida ne'm sembra pas har ua plaça de las beroias a "l'unitat d'Occitania"...
L'Occitania qu'es 190 000 km2 e e 7 regions depsarrièrs... Dab aquesta causida n'i a pas sonqu'un parçan d'arreconeishut; n'i a pas sonque duas vilas...
Ja que'm gonfla un drin que sia enquerra en Lengadc... Mès un cop de mei a Carcassona... QUINA TRUFANDISA !!!

Pensar global, agir local !!! Vaqui l'avenidor, ajusti a la pepausicion d'una jornada unitaria per l'oficialitat totala de las lengas de l'estat frances, de mobilizar tanben los exhilats de Paris que son plan nombroses e de renfortir la nòstra unitat per la lectura d'un texte comun amb una accion espectaclosa (non violenta) a la meteissa ora. Per 2009, me sembla mancat, preparèm 2010 amb una coordinacion dobèrta e democratica e perque pas sul net per començar. Perque pas tanben experimentar tre ara l'unitat amb de prumièras mini protèstas dins un maximum de vilas sus una revendicacion comuna. Lo nombre seriá pas aqui un objectiu, mas lo biais de far (coma los "demo" dels basques) e la coordinacion serian çò mai important per capitar una visibilitat novèla e donc una mediatizacion mai fòrta .