De que ne'n pensa l'ortolalha?

http://profile.myspace.com/handmadeinoccitany

Pensaretz a Jimmy e Mickael lo còp que ven, au supermarcat (se i anatz encara, ai supermarcats).

Ben ma maire ven de crompar de gariguètas origina França, d'Òlt e Garona, e son pas bonas ...

Siquenon, a nòste, despuish quauquas annadas, avem lo casau, dab las tomatas, los pebrons, las auberjinas, los cogoms, e.c.a ... e tot aquò shens engrèish quimics, tot ven deu compostor ... N'es pas pro tà cubrir la consomacion en legumatge, mes hasém çò que podem dens un terrenh de 1000 m² ...

Chas mos parents, per contra, 'ribem a cubrir los casi cent per cent de la consomacion de legumatges (mai a d'una espòca la charn, la volalha, los lapins, los vedeus, los canards, las cagolhas e tot aquò), e çò que podem pas cultivar, o que, per un an, avem pas (la plueia l'an passat a far poirrir totas las tomatas, per exemple), lo trobem au merchat, chas daus agricultors un pauc mai intensius (mas correctes, quo es pas per çò que an pas l'etiqueta "Biò" que zo son pas).
Mas cultivar son jardin, 'quò còsta char, en argent e en temps. Mas quo es melhor per la santat e per l'environament.

Danís a écrit:Chas mos parents, per contra, 'ribem a cubrir los casi cent per cent de la consomacion de legumatges (mai a d'una espòca la charn, la volalha, los lapins, los vedeus, los canards, las cagolhas e tot aquò), e çò que podem pas cultivar, o que, per un an, avem pas (la plueia l'an passat a far poirrir totas las tomatas, per exemple), lo trobem au merchat, chas daus agricultors un pauc mai intensius (mas correctes, quo es pas per çò que an pas l'etiqueta "Biò" que zo son pas).
Mas cultivar son jardin, 'quò còsta char, en argent e en temps. Mas quo es melhor per la santat e per l'environament.

E qu'es un plaser tanben.

E zo mai, vaquí que desviatz mai un crana subjècte sus Espigola per parlar chicalha!



Botatz... Lònga mai a aqueu topic, que non destorbarai pas mai

Tot escàs, ai manjat una tomata qu'era passada per Intermercat.
Pecaire, cresi ben que cridèt quand li botèri de sal : "antes morrir que volverse al camion !"

Tot aquo fai plaser! Mai, Danis, sias segur que de faire lo jardin aquo coste car en argent? En temps, ben segur, fau i passar pron sovent mai es soncament una question d'organisation. De tot biais quora l'om pou pas faire lo jardin... i a de paisans per aquo!

Questioneta: i a degun qu'emplega lo mot "poma d'amor" sus aquel forom?? alors qu 'es un dei mai polits de la lenga, que fai lo liame entre l'amor e nostei trobadors (fau pas oblidar qu' "amour" en Framcés aquo ven de la lenga d'oc) e la terra!

Adonc: "pomas d'amor en totei" (que son pancara maduras dins la Vau-clusa)

si si si , ieu l'emplegi!!! Per contra, dèvi confessar , nen manji pas...

ieu emplegi tanben "poma d'amor", e en fach sabii pas qu'esistava lo mot "tomata" :-D

emai n'ai manjat totara, se pou vos faire plaser (ma d'aquo n'en sieu pas segur :-) )