Infos lemosinas

Aprofichi que li ague de lemosins aicí per vos demandar d'infos, emb aquò vòstrei vejaires sus lei dos libres çai-sota:

- Un paisan lemosin dins las annadas 50...

- Journal d'un pèlerin, vielleux et mendiant, sur le chemin de Compostelle (Jan Dau Melhau)

Mercé

Lu prumier es bien, qu'es un plan bon libre, subretot sus la vita rurala de l'epoca ente nostres parents eran mainatges... la Gisela Crestian descriu plan la fin d'una civilisation (un passatge fuguet mes en musica par Combi/peirat =eschantits sus lor disque en 2006)

Lu segond es plan bon tanben, i'a 'na version francesa e 'na version occitana (e benleu 'na version bilingua?), ai legit las doas, tant bona l'una coma l'autra... plen d'anecdotas tristas coma amusantas... qu'es un plaser de segre Melhau (un fou que se fai Sent Jaume coma a l'Atge Mejan... )... sas encontras, sas descripcions daus paisatges, tot li es bon!

vai-li, n'aja de paur, podes los legir tots dos (trobe queu de Melhau beleu un pauc mai viu e atractiu, mas qu'es mon eivis personau...)

Tiston a écrit:
trobe queu de Melhau beleu un pauc mai viu e atractiu, mas qu'es mon eivis personau...

Quo es mai enquera d'actualitat que non pas l'autre. Enfin, quo es de la modernitat segon l'ideia de Melhau, donc 'quò pòt susprener, mas quo es plan, un còp dintrat dedins.

Mercé per leis entressenhas, onte si pòdon trobar? (sabiáu manco que si faguèt una versien occitana per lo segond, que n'ai ausit parlar sota lo títol francés)