Òc, tròbe que qeu drapèu (qu'es lo de l'òmi, a fotografiat lo son e l'a scanat e tornat scanar, quo fa que a perdut un pauc de sa bèla color... :roll: ) se fa vielh.
Occitan Libertari, quand tornarás sus lo siti, aurás (promes, paraula de lemosin, qu'es tan sacrada que la velhada a las chastanhas devers chas nautres) ton drapèu rotge e aur, emb l'estèla e tot e tot.
Subretot, esitatz pas a nos dire, se i a quauquarren que vos geina dins la presentacion dau fòrom, ensaiem de lo rendre lo mai plasent, lo mai atractiu e lo mai "occitan" possible, mas qu'es pas totjorn aisit... per daus informaticians de la campanha :oops:
Los "risolents" (mfff... pense que prefere lo mòt "smiley", en VO), per exemple son plan, mas tròbe que s'en manca per exprimir la colera, l'indignacion (òm sap que n'i a besonh, dins l'occitanisme...)
P.S : Me damande se lo drapèu emb l'estèla fa pas un pauc tròp politic per lo fòrom, au sens qu'es lo drapèu de la NACION occitana, pas nonmas un simbèu que representariá la lenga e la cultura occitana... a debatre (espere que me sei pas fach daus noveus enemics...)