L'occitan e lo jovent

Adissiatz
Me pausi una question. I a de joves (adolescent) qu'aprenon l'occitan, qu'aiman lor païs? En i a entre vosautres? Me senti un pauc solet.

Ben, qu'ei 23ans, mes soi enquèra un adolescent ...

L'Òmi es enquera un gròs enfant...

Io ai 20 ans, quo es pas tròp vielh, tanpauc. Ses pas forçadament lo mai jòune 'qui, Gige !
Faudriá far una mejana, mas pense que lo forum es majoritariament jòune, vòle dire entre 15 e 34 ans.

Qui ei lo vielh de 34 ans ? :p

Sabe pas, io, n'i a benleu pas, quo es juste per far una limita d'atge...
Enquera que n'i a dos o tres que n'en son pas tròp luenh...

Ieu aurai 25 ans lo 3 de genièr !!!

Té, en n'en parlar, i a una opcion dins lo paneu d'administracion, per festejar los aniversaris. Quò manda un messatge personau (en occitan se vos plai !) a la persona. L'ai desactivat, perque trobava 'quò un pauc "colhon", mas se lo voletz, zo fau dire...
Quò foncciona nonmas emb lo monde qu'an desclarat lur data de naissença sus lur profiu, plan segur.

Danís a écrit:Sabe pas, io, n'i a benleu pas, quo es juste per far una limita d'atge...
Enquera que n'i a dos o tres que n'en son pas tròp luenh...

Ieu n'en coneissi un qu'es plan al dela d'aquo!!!!

Lo Roergat a écrit:Ieu aurai 25 ans lo 3 de genièr !!!

ieu lo 2

Bon aniversari lo Guilhèm e lo Roergat

Ieu aurai 2x15 ans e 7 annadas de mai lo 15 de fevrier mas sei restat un pauc nenet.

L'important qu'es la jovença de l'esperit (disan aquo los qu'an passat los 40!)

sanmarti a écrit:L'important qu'es la jovença de l'esperit (disan aquo los qu'an passat los 40!)

Te junhi en part sus aquela pensada (agueri l'escasença d'encontrar dins aquel mitan, joves de 75 ans e vielhs de 20) per tant ai pas encara capitat als 40 (se òm en crei Clemenceau que disia "Celui qui n'est pas revolutionnaire a 20 ans est un imbecile, celui qui l'est encore a 40 en est un autre"....me demora encara 9 ans e mièg de revolucionar....

Amistats e bona anada lo monde

Cedric

Alavetz per jo es fotut. Som un vieilh con!!!!!!

Ne't sent pas mei solet gojat ! Quitament n'ei pas mei l'atge fisicament... que soi jo tanben totjorn ua adolescenta, que'n ei tots los maus e totas las joias tanben !!
Que trobi hort positiu que sias tan estacat a la lenga nosta, e qu'enteni de plan que quan sem joens n'es pas aisit tots los jorns d'ac aimar. Mes tot aquo qu'es pr'amor de la maishant imatge qu'esto balhada a la lenga occitana... tot aquo que hé partit deu joc de l'estat francès. E qu'es a nosautes de tornar balhar ua plaça de las beras a la lenga nosta, qu'es a nosautes de har que la lenga ne sia pas mei vist com quauqu'arren d'arcaic mes plan com quauqu'arren de viu e d'atractiu ! Que'm sembra que tu en tant qu'adolesent qu'a un rotle deus gran a jogar dens tot aquo !
Qu'es l'anar deu pais !! (e sem tanben pr'amor ne soi pas vielha).

Occitaneta qu'a rason. E com soi un pauc un cagant, vau har quauquarren de hòrt :

Granmerceji tots los pecs que m'an dit au licèu "Mais t'es con de faire occitan, c'est une langue morte ! Il vaut mieux faire IESP ou TSA, ça c'est l'avenir, et puis surtout t'as l'air moins con ! Péïzous !"

Shens aqueths conastràs, (e mon gran esperit de contradiccion), ara serei pas dens lo "trin de l'Occitania" !

P.S : Non sabi pas enqüèra çò qu'es IESP o TSA ... E tot los qu'ac an hèit tanpauc ...

occitaneta a écrit:Que trobi hort positiu que sias tan estacat a la lenga nosta, e qu'enteni de plan que quan sem joens n'es pas aisit tots los jorns d'ac aimar. Mes tot aquo qu'es pr'amor de la maishant imatge qu'esto balhada a la lenga occitana... tot aquo que hé partit deu joc de l'estat francès.

Anem per l'an nou, veni (o torni benleu) filosofe.... d'un costat disem l'occitan es pas un dacòs de vielhs...de l'autre lo mitan occitanISTE, arresta pas de puntar del det lo fach que "I'a de mai en mai de joves que s'interessan a l'occitan"

Se justificar de quicòm, qu'òm far pas o qu'òm pensa pas...antithetic isn't it????

De perpensar benleu

Amistats

Cedric

N'i a pas sonque lo mitan occitaniste en Occtania tanpauc...
E que sia contradictori o pas... que'ns en fotem plan ! L'important que son los esforts heits entà la lenga e lo pais nostes...
Que i a ua cançon d'Obrint Pas ont disen : " no podran res devant un poble unit, alegre i combatiu" que'm sembla qu'es la quita causa per Occitania nosta, l'important qu'es nosautes, l'important qu'es lo pople !! Non son pas los medias francimands o ni quite lo mitan occitaniste... Mes vertaderament lo poble !!
Ne cau pas jamei desbrombar que sem un poble dont la cultura es popularia, rurau e convivau... Quan lo poble noste qu'aura entenut aquo... alavetz poderem esperar hort mei entau noste anar !!! E alavetz que seram lo "poble unit, alegre i combatiu"...

Te respondrai que me bota de calor al còr d'ausir aquò dins la boca....d'una jovenata. IOI

Potons e una bona annada a ma vesina d'estivada

Cedric

occitaneta a écrit:Ne't sent pas mei solet gojat ! Quitament n'ei pas mei l'atge fisicament... que soi jo tanben totjorn ua adolescenta, que'n ei tots los maus e totas las joias tanben !!
Que trobi hort positiu que sias tan estacat a la lenga nosta, e qu'enteni de plan que quan sem joens n'es pas aisit tots los jorns d'ac aimar. Mes tot aquo qu'es pr'amor de la maishant imatge qu'esto balhada a la lenga occitana... tot aquo que hé partit deu joc de l'estat francès. E qu'es a nosautes de tornar balhar ua plaça de las beras a la lenga nosta, qu'es a nosautes de har que la lenga ne sia pas mei vist com quauqu'arren d'arcaic mes plan com quauqu'arren de viu e d'atractiu ! Que'm sembra que tu en tant qu'adolesent qu'a un rotle deus gran a jogar dens tot aquo !
Qu'es l'anar deu pais !! (e sem tanben pr'amor ne soi pas vielha).

Merces plan de ço que dises occitaneta, me fa plaser, me senti pas pus sol!

Tot autant qu'aimi pas Francia e que mi senti pas mai francés que que siague, mi senti pas ni manco occitan ni mai apartèner a una ipotetica occitania.

L a ben segur de joinei qu'aprènan l occitan, ne siéu estat, èrem pas força en cors va confessi, mai l a un interest de la part de la joinèssa per la lenga e la cultura dau sieu...

Per Montpelhier sola lei rassemblaments de liceans occitans recampavcan gaireben 150 pichots. Pas força mai pas mau ni mai

E fau pas oblidar que l'a un molon de pichons qu'aprenon la lenga a l'escòla . Dins 5 ans, auràn 15 ans ....

Ieu, ai fach un pauc de provencau a l'escòla (una anada , en CE1).Apres , ai tot oblida . Eri pas interessada, quora eri au liceo, perque pensavi que l'ingles era mies ( per comprendre lei cansons!!!!!!!!Eri pas pron finocha ,sabi ben , mai, a 15 ans...)
Fin finala,ai agut l'enveja de tornar comencar a 25 ans !!

Tot aquo per dire que l'a pas d'atge , lei joves, lei viehls .... quina importància?
E siáu ben d'acordi amé occitaneta per dire que fau faire de la lenga quaucaren de viu e d'atractiu mai pensi pas que l'atge siegua un critèri de reüssida...

que soi daccord dab çò de dit mei haut que soi un veterant adoleçent

darbonèta a écrit:E fau pas oblidar que l'a un molon de pichons qu'aprenon la lenga a l'escòla . Dins 5 ans, auràn 15 ans ....

E se son passat per un sisteme bilingue sabem pas se saran per...o contre l'occitan....

darbonèta a écrit:
Ieu, ai fach un pauc de provencau a l'escòla (una anada , en CE1).Apres , ai tot oblida . Eri pas interessada, quora eri au liceo, perque pensavi que l'ingles era mies

Es pas incompatible, ieu te diria que soi tornat a l'occitan (e ai descubert que lo meu gran aranes parlavia pas castelhan o Catalan) a 22 ans, me faguet pas desbrembar l'ingles per contra lo castelha, l'entendi mas fau un blocate per lo parlar

darbonèta a écrit:
Tot aquo per dire que l'a pas d'atge , lei joves, lei viehls .... quina importància?
E siáu ben d'acordi amé occitaneta per dire que fau faire de la lenga quaucaren de viu e d'atractiu mai pensi pas que l'atge siegua un critèri de reüssida...

Una de las raras causas pas colhas que diguet Ange B. es "l'occitan doit etre excitant" aprep qual veser de qu'un etat (perdon als occitanISTES atge) parlas, lo de la sang o lo del cap, que dins lo mitan occitanISTE coneissi joves de 80 ans e vielhas colhas de 20 ans

Me fai pensar que a Bordèu, enfin mai precisament dins la banlega residenciala de Pessac, quauqu'un marquet sus un transfò : 100% Occitan, 100% Excitant !

'Quò fuguet pas escrich per io, pas per quauqu'un dau Méd'oc, nimai per quauqu'un d'Anaram, mas per un tipe qu'aviá 15 ans a l'espòca e que montret totjorn un interes per l'occitan, sens aver fac l'esfòrç d'ensaiar d'aprener a lo parlar (las lengas estrangieras semblen lo despassar un pauc).

Oblidem sovent 'quela categoria de personas, los jòunes, filhs d'OCCITANistes o pas, que se senten occitans au mai pregond de ilhs, mas que vòlen pas, per lo moment en tot cas, aprener la lenga, per una rason o per una autra. 'Quilhs, se se fan pas minjar per los franchimands entre-temps, podrán benlèu 'chabar per i venir, coma 'quò se passèt per tu, Darboneta.

Siai pas mai jovent : farai lèu 39 ans !
Mas ai agut 16 ans...
L'occitan n'avia "en option" al licèu, dès de la segonda. Me recòrde pas perque l'ai près. Benlèu que, quora ausissiai d'amics parlar arab o portuguès amb lors parents (dins lor patès !), ieu sabiai que n'aviai una, de lenga, esconduda endacòm.
Lo professor era un tipe tarrible, un ardechès testard. Le fasian desengolir la jacobinalha que se dison "républicains". Los disia "los curats laïcs". Amb el, i avia pas qu'una causa interdita : parlar francès.
Dempùei lo bachaleirat, ai jamai parlat occitan ambe degun, levat un còp : al oral d'un concors administratiu, per far lo secretari dins lo mamot. Un sòci de la jurada comprenguet que sabiai la lenga e contunhèt en occitan. Lo morre dels autres foncionaris, era de petar de rire !
Solide, per atirar los jovents, cal un pauc de "fun". Mas un jovent pòt tamben far de causidas grèvas. Qu'apprene l'occitan, es aceptar d'esser un exilhat dins lo siu pais.
Per acabar, los cantadors que se dison biarnès o proveçau o que que sià, e que vòlon pas esser occitans, me fan pensar al orquestre del Titanic.

joan_cavalier a écrit:

darbonèta a écrit:E fau pas oblidar que l'a un molon de pichons qu'aprenon la lenga a l'escòla . Dins 5 ans, auràn 15 ans ....

E se son passat per un sisteme bilingue sabem pas se saran per...o contre l'occitan....

darbonèta a écrit:
Ieu, ai fach un pauc de provencau a l'escòla (una anada , en CE1).Apres , ai tot oblida . Eri pas interessada, quora eri au liceo, perque pensavi que l'ingles era mies

Es pas incompatible, ieu te diria que soi tornat a l'occitan (e ai descubert que lo meu gran aranes parlavia pas castelhan o Catalan) a 22 ans, me faguet pas desbrembar l'ingles per contra lo castelha, l'entendi mas fau un blocate per lo parlar

darbonèta a écrit:
Tot aquo per dire que l'a pas d'atge , lei joves, lei viehls .... quina importància?
E siáu ben d'acordi amé occitaneta per dire que fau faire de la lenga quaucaren de viu e d'atractiu mai pensi pas que l'atge siegua un critèri de reüssida...

Una de las raras causas pas colhas que diguet Ange B. es "l'occitan doit etre excitant" aprep qual veser de qu'un etat (perdon als occitanISTES atge) parlas, lo de la sang o lo del cap, que dins lo mitan occitanISTE coneissi joves de 80 ans e vielhas colhas de 20 ans

Siáu desolada mai es pas una question d'occitan, d'en pertot l'a dei joves de 80 ans e dei "vielhas colhas" de 20 ans!!!!

E encara m'agrada pas tant, fin finala, de dire que l'occitan dèu estre atractiu: non, l'occitan dèu estre l'occitan, coma lo francés es lo francés e lo corse es lo corse !!!Dèu justa estre viu. Après, lei gens son interessats o pas . Pensi pas que fau se pausar trop de question( es pas soncament per te respondre, es per parlar de plen de cavas que se son dichas sus lo forum vuei -per un cóp, se passa pas ren!!!-e coma ai pas enveja de respondre sus 34 subjèct differents , vai assajar de faire un resumit aqui)su l'occitan o lei occitanista (fau comprendre gens que si senton occitan o alòr que parlon occitan o alòr que vivon en occitania o alòr qu'an un interest per la lenga o la cultura ...))


Per ieu, es una cava naturala, mi demanda pas tot lo temps se siau occitana o non, se es una lenga minoritaria o non per contra , siáu segura qu'ai pas enveja de m'estremar dins un "mitan" justament , ai justa l'enveja de lo parlar sensa me pausar de question.

Dire que l'occitan deve estre atractiu , es dire que ,per lo moment , l'es pas e trobi pas que siegua verai. E coma lo rendre atractiu per lei joves ??? Per la musica ? lei libras? Non siau encara pas d'acordi , lo jove dèu pas apreciar un libra per rintrar dins l'occitan. Dèu apreciar lo libra perche es un bòn libra . E es pas perche un libra occitan es ben que lo jove va si mestre a l'occitan.

La vida es facha de riscòntra e l'a dei gens que von riscòntrar l'occitan e d'autre que van jamai en ausir parlar.Ieu, ai pas enveja de me faire lo representant de la lenga .Lei lengas, memas lei langas regionalas, son dei grandas filhas que se desbolhon ben totas soletas per se transmetre. Ieu, fai de cavas en occitan perque m'agrada força, pas per lo transmetre . Se se transmèt , es ben, se non, tant pièger!!

Sabi pas se mon messatge es clar ....pensi que non perque ai fach un "hors-sujet" mai una ideia entraïna una autra e una autra ..... Fin finala , l'a quauqu'un que l'a compres?????

5/5, far plazer de legir aquela mena de cava, mercé Darboneta, m'as monstrada que me cal malfisar, de còps que i'a soi de venir ço que m'agrada lo mens: una vielha colha d'occitanISTE

darbonèta a écrit:L'occitan dèu estre l'occitan, coma lo francés es lo francés e lo corse es lo corse !!!Dèu justa estre viu. Après, lei gens son interessats o pas (...)Lei langas regionalas, son dei grandas filhas que se desbolhon ben totas soletas per se transmetre. Ieu, fai de cavas en occitan perque m'agrada força, pas per lo transmetre . Se se transmèt , es ben, se non, tant pièger!!

1) Creses que lo francés seria devengut lo francés s'avia pas pres cura de desrabar las autras lengas del territòri nacional ?
-1539: Ordonança de Villers-Cotterêts signada per Francés 1er "Los escriches oficials seràn en lengatge francés e pas autrament".
-1794: Lo rapòrt de l'abat Gregori "...Desraiçar aquela diversitat d'idiòmas grossièrs que perlongan l'enfancia de la rason e lo vielhum dels prejutjats..."
- Estigmatisacion de nòstres grands a l'escola amb l'emplec del "senhal" per los avergonhar...

2) Creses que lo còrse seria lo còrse sens militantisme, sens batesta, sens desir e volontat de se quilhar contra la lenga e la cultura colonisatritz que foguèt primièr l'italian puèi lo francés...?

De segur las lengas regionalas se son transmesas soletas foguèt un temps... mas los esfòrces del nòstre car Estat anientèron aquesta meravilhosa capacitat de transmission autonòma e naturala...

Soi pas segura que siague una solucion o una ajuda de se chautar de l'aspècte "transmission" de la nòstra lenga.

Enfin nos vas far creire que t'agrada l'occitan coma a ieu m'agrada la borrida... !!

E òc, que haré plaser a tot lo monde de non pas aver a militar per la lenga, e's concentrar enfin suu sociau shens demandar se doman, parleram enqüèra o pas.

Mes que i a tanben ua realitat, qui hè que se cadun non hè pas un esfòrç, l'occitan que va, a termi long, desaparéisher.

Trobi que siatz ben pessimistas!!!! Siau encara pas d'acordi!!!( Nen fau ben una !!!)

Siau desolada mai vai encara parlar de ieu (es un eisempi que mestreji bèn!!!), siáu pas venguda a l'occitan perque dei "militants" me l'an fach conóisser, ai tornar a l'apprendre perque nen avíau enveja ( l'ai descobert quora eri pichòta). Pensi mema que se l'avíau descobert per lo biais dau "militantisma", l'auriàu pas apres .

L'a una colega , un jorn , que m'a dis que leis "occitanistas " semblon a una secta!! Sus lo moment, ai piqua una crisa , mai , ara, comenci a comprendre ço que volià dire . Per faire un resumit, vai citar una canson ( siau desolada mai sarà en francés perque la canson es francesa ):

"Je ne vois pas les idéaux (...) de ceux qui pensent la naissance comme une attache, un ghetto
Pardonnez l'offense et traduisez en ces mots :
Issu de la poussière je m'en retourne à la poussière
Issu de la planète terre , je m'y promène sans frontières "

Quora disetz que fau faire deis esfòrç o que fau pas se "chautar" ( ai apres un mot novèu!!!!! )de la transmission de la lenga , mi sembla que l'occitan se transforma un pauc en ghetto e fa paur ai gens que son pas occitan o qu'an pas enveja de l'estre . E, ieu, ai pas enveja de de faire paur ai autrei per estre occitana , ai enveja d'estre occitana amé lei autrei , en paralela , dins lo mema temps .

Per tornar au subjèct transmission de la lenga cresi pas que l'a pas dei gens que lo parlon e que l'apprenon ai sei pichons naturalament!Aprés, siau sensa dobte trop optimista ...Ieu, vóli creisser que l'ome es pas tant stupida !!

Mai es mon ponch de vist perque es coma aquo que ieu ,siáu venguda a l'occitan, sarià interessant de veire coma lei gens se son mes a l'occitan, coma son devenguts "occitanistas".Coma l'avetz descobert? Coma avetz decidat de vos mestre a l'occitan?

Per acabar , mi geina força lo "militantisma " en generau perque vou dire que la cava per aquela l'a dei "militants" es en danger .E , a ieu, mi sembla pas que l'occitan es en danger , vesetz aqueu forum per eisempi!!!!!!Pensi que vau mies faire dei cavas , aguer dei projèct en occitan o pas , per avançar e faire viure la lenga.

Mai subretot, es pas una declaracion de guera contra lei militants . Nen siáu pas una , l'avetz compres, mai nen fau tanben!!