L'occitan e lo jovent

Rappel du premier message :

Adissiatz
Me pausi una question. I a de joves (adolescent) qu'aprenon l'occitan, qu'aiman lor païs? En i a entre vosautres? Me senti un pauc solet.

joan_cavalier a écrit:" una vielha colha d'occitanISTE"

Una colha d'occitaniste , beleu, mai pas vielha !!!! ( siáu pas tant luench dei 30 ans , ieu tanben!!!!!!)

Mercés per la citacion deus Ogres de Barback, lo grop mei hippy deu monde (qu'ei ua mot lèfd tà jo )

Mei seriosament:

mi sembla que l'occitan se transforma un pauc en
ghetto e fa paur ai gens que son pas occitan o qu'an pas enveja de
l'estre . E, ieu, ai pas enveja de de faire paur ai autrei per estre
occitana , ai enveja d'estre occitana amé lei autrei , en paralela ,
dins lo mema temps .

S'arreconseshi que lo mitan occitanista qu'ei a còps, plan poirit, que n'èi hartèra deus prejutjats suu militantisme. Har descubrir a l'auta la soa lenga, qu'ei un acte de militant, e vedi pas aquiu perqué lo monde auré paur de descubrir ua lenga. I a diferents biais de la har descubrir, aquiu soi d'accòrd, mes podem pas deishar pensar que l'occitan e sauvarà tot solet.

Per tornar au subjèct transmission de la lenga
cresi pas que l'a pas dei gens que lo parlon e que l'apprenon ai sei
pichons naturalament!Aprés, siau sensa dobte trop optimista ...Ieu,
vóli creisser que l'ome es pas tant stupida !!

N'ei pas ua question d'estupiditat mes d'informacion. Tà sauvaguardar ua lenga, que cau au mensh 30% de locutors. Los qui aprenen naturaument l'occitan uei lo dia que son en Occitania.. anem, 0,1%, maximum.

Per acabar , mi geina força lo "militantisma "
en generau perque vou dire que la cava per aquela l'a dei "militants"
es en danger .E , a ieu, mi sembla pas que l'occitan es en danger ,
vesetz aqueu forum per eisempi!!!!!!Pensi que vau mies faire dei cavas
, aguer dei projèct en occitan o pas , per avançar e faire viure la
lenga.

Pòdes pas díser aquò, pòdes pas. Que's perdem milièrs e milièrs de locutors cada an, e se contunha atau, n'iaurà pas sonque l'occitan de musèu entà brembà's que i avó, autes còps, un aute lenga que lo francés aciu, dens lo sud de l'Exagòne.

N'ei pas lo punt de vista d'un pessimiste, que son totas las chifras qui hèn lo medish constat.

darbonèta a écrit:
"Je ne vois pas les idéaux (...) de ceux qui pensent la naissance comme une attache, un ghetto
Pardonnez l'offense et traduisez en ces mots :
Issu de la poussière je m'en retourne à la poussière
Issu de la planète terre , je m'y promène sans frontières "

Ai enveja de te respondre qu'abans de se la jogar "ciutadana del monde" cal coneisser prigondament son pais sa cultura e sa lenga....

darbonèta a écrit: La transmission de la lenga , mi sembla que l'occitan se transforma un pauc en ghetto e fa paur ai gens que son pas occitan o qu'an pas enveja de l'estre . E, ieu, ai pas enveja de de faire paur.

Que soi sus lo cuol d'ausir une professora que fa de provençal tenir de prepaus parrièrs al subjècte de la transmission, deurias benlèu parlar en francés als teus escolans se crentas que la risca siague de los desgostar de l'occitan puèi que lor es d'un cèrt biais impausat...

darbonèta a écrit:L'a una colega , un jorn , que m'a dis que leis "occitanistas " semblon a una secta!!

Me sembla que ton idèa suls occitanstas es leugièra e influenciada, deurias benlèu frequentar aquel mitan per te fargar un vejaire personal... Prene conoissença dels enjòcs politics e culturals per ne poder parlar amb rason (podes legir de manifèsts politics, d'òbras de lingüistas, de sociolingüistas...), meme s'es per los descridar fin finala...

De tot biais transmission e occitanisme an pas res de veire...

darbonèta a écrit:Cresi pas que l'a pas dei gens que lo parlon e que l'apprenon ai sei pichons naturalament! Trobi que siatz ben pessimistas!!!!

Enfin, se creses tu, que uèi i a una transmission de la lenga a l'ostal come lenga mairala, òc aqui somias... es fòça fòrça rar...

O, o ,o!!! Baissatz leis armas !!!!

Siau dacordi amé vos autrei sus pas mau de ponch( pas tots, fau pas trop pantalhar!!!) ... mi siau mau fach comprendre ( sabi ben que mon messatge era pas clar !!!)mai, ara, ai pas lo temps de vos explicar (coma comenci me fau 30 mn , au mens, per escriure un messatge ...).

Promes, deman, lo fach!!!!!

Onestament, ièu mi senti pas militant. Fau de radio dins una lenga que conoissi desempuèi l'enfancia e mi considèri pas coma un occitanista, es coma si demandavias a un francofòne si si sent militant francòphil quand fa d'ensinhament en francés vò de radio vò de musica...

Parli doei lengas, fau cavas dins lei doei, vau pertot mont'es possible d'anar menar meis activitats, e ne siéu fòrça content, tant que l'a de dardènas de ramenar...

Alavetz.....

Las referencias istoricas de la mena "Vilard Cotelettes", per ieu compta pas, es totjorn aisit de se diser "Ai pas agut l'avelana, mas es pas la meuna pèca"...

Aprep Mateu, diga te que i'a militantisme e militantisme, tan podi entender que n'aguesse un confle de refleccions coma las meunas suls occitanISTES de còps que i'a (soi lo primier de reconeisser que vau luenh) tan francament, i'a un "raccourci" occitanISTE= militant e doncas monde al dessus dels autres que me confla.

De vertat que es malaisit d'esser ciutadan (o ciutadana) del monde sense aver rasigas, aprep lo costat "s'es atal te qual melhor parlar frances" me confla, francament es amb aquel biais de faire que nos trapem amb una mena de pseudo elite intelectuala occitanISTE que vol nos monstrar ço qu'es la nostre lenga e un poble que fugis aquò

Darboneta, Bomboranrèla (polida foto, lo tag me dit quicòm) te conselha de legir los "ancians", ieu te conselhi melhor la masturbacion o l'amor, al pieger i pot prener plazer (confessarai que ieu lo costat "òm pòt pas entendre ço que far mau sense aver legit Sade" me confla, diria que teni mai fisença en qualqu'un qu'a pas lo permes de menar mas que mena dempuei 20 ans qu'en qualqu'un qu'a passat 20 ans de legir lo code de la rota)

La lenga occitana coma lenga mairala eisista benleu pas mai (es clar qu'eisista pas de monde qu'ausisson QUE d'occitan) mas demora monde qu'aprenon la lenga sense "l'aver chucada a las popas mairalas " (segon l'espression oeccitanISTES hèra coneguda) n'avem un fum aici, aprep se planher que lo frances (o lo castilhan o l'italian segon lo cant d'Occitania d"onte òm veni) nos escana pel seu centralisme e embonilisme, e aprep plorar que i'aguesse pas familhas onte se parla occitan e basta, me pareis antitetic personalament)

Demori sus l'idea m'estimi mai las causas que se fan amb plazer que non pas per mostrar qu'om es d'aquel cant o qu'òm pensa atal

Cedric

Mercé Yellow e Joan, m'avetz evitar un long debanament ... Avetz ben resumat meis ideias e d'un biai mai clar !E coma ai pas força temps m'arranja ben, per lo còp!
Donarai quand mema una explicacion perque m'agrada pas de pas estre compresa ( ai pas dich que tot lo monde deù estre d'acordi amé ieu, ai dich que voliàu estre compresa !!!)mai sabi pas quora , ai un molon de cavas a faire dins la vida reala ...

Mèfi Darboneta, se passas per un endreit onte i'a Radio Occitania o Radio lenga d'Oc (perdon Aura, me cal diser ROL Montpelhier) risca de te faire enrodar dins la "Dream Team"(coma dison en frances) del Fora Bora

Yellow a écrit:Onestament, ièu mi senti pas militant.

De segur, sias un inlassable antimilitant, mas es una causida qu'es estat soscada, e n'as benlèu vergonha mas Fontan l'as legit... (m'en chauti de Fontan es un exemple...)

joan_cavalier a écrit: ...Vilard Cotelettes... ieu te conselhi melhor la masturbacion o l'amor, al pieger i pot prener plazer...

E n'as pas pron de faire de discors tagadapouetpouet...??

joan_cavalier a écrit: Demori sus l'idea m'estimi mai las causas que se fan amb plazer que non pas per mostrar qu'om es d'aquel cant o qu'òm pensa atal

Per te rassegurar dins ton registre, ai pas de proplèma amb lo plaser, al contrari, e es amb un plaser dels grands que parli la lenga e que deman l'ensenharai.

Wow, quina batèsta esterila e malonèsta...
De segur que siatz militants, coma toteis aicí a son nivèu. Lo fach de charrar la lenga a 20 ò 30 ans, en vila moquò, es militant, lo fach de faire d'emissiens de radio que parlan de tot, que ciblan ren un public occitanòfone normau ( valent a dire de 70 ans aperaquí), es militant, lo fach de venir charrar sus un fòrom que ditz dins sa carta que "reconoissètz l'existéncia d'un pòble occitan", es militant. Siatz de militants. E alora, es una maganha??

Conoissi de joines que barjacan l'occitan en familha, n'i a gaire. Elei lo sabon pas escriure, sabon pas lo nom de sa lenga, an pas d'ideau politic, fan pas de cultura. Elei son pas militants.

Quora avètz de conoissenças coma vautres, perqué fugir la realitat, perqué crénher lei mòts? Conoissètz la situacien socio-linguistica de la lenga, parlar occitan deuriá èstre normau, a l'ora d'ara es un acte militant, plus, e pancara una normalitat.

Parlem la lenga, transmetem la emb respèct, e arrestatz d'escupir sus d'ipotetics occitanistas marrits, qu'emb aquò si tròban ren sus aqueu fòrom. Vesi ieu doas menas de problemas a l'occitan, aquelei que son còntra, e aquelei que son per mas qu'embroncan sa caminada, totun ja pron malaisada.

Quora liegi que lei militants occitans son una secta, mi senti acipat, que lo solet comportament sectari que vesi es aqueu dau govèrn francés. Quora vesi 1 ò 2 personas criticar lo monde que vòlon transmetre e pròmoure un occitan de qualitat, mi senti tanben acipat.

Cresi que i'a quicòm de fòrça important de pas desbrembar; l'Occitan es pas una tòca, una mira, un Sant Graal, es pas...qu'una lenga coma las autres (es per aquò tanbèn que l'etiqueta occitanISTE me desagrada, parli ma lenga, far pas de ieu qualqu'un de melhor o de pieger, me sentissi pas occitanISTE, tan coma me podria pas sentir francISTE o anglicISTE...

Trapi que quò bota una distancia amb lo monde "lambda" (ja t'oblige de considerar que i'a monde normau e monde pas normau), aprep te dirai per tornar prener un eisemple qu'as pres, ieu fau de radio, fau pas de radio en occitan, primier fau de radio, ma mena de faire e lo meu afogament per aquel travalh seria lo meteis dins qu'una lenga que siaguesse, ai causit de faire aquò en lenga nòstra, le podi faire tanben dins d'autres lengas.

Aprep quora legissi lo bon vièlh tapalufontan (que es lo cosin du tapalucastan) me ven pas qu'una responsa : sabi pas se Yellow a legit fontan o non (mi pensi que si, per contra podi assegurar qu'a legit al mens d'unes troçes del Manifeste de tonton Karl e tanta Frederick) mas me disi que Fontan (que tant coma Castan es de tornar fotre dins un contexte, ieu qualqu'un que te parla de libertat dels pòbles en citant dins la seuna biografia Mao me far riser (N.B/ s'eri tibetenc me faria benleu mens riser) mas ai mai que mai enveja de respondre: Fontan (tan coma Castan ) es mòrt, ieu personalament m'interessi mai al monde viu que non pas als mòrts

Ai pas dit qu'ai pas legit Fontan o Castan (o d'autres encara), ai tot bel dit que tant òm se pòt interessar a l'istoria, tant cal pas desbrembar qu'es pas que d'istoria e qu'avem un avenidor de bastir, aprpe coma te l'ai dit pensi que coma tot pensaires los cal legir sense se tirar del cap qu'era dins un cert conteste, que ara las causas an plan cambiada

D'aprep ieu es mai necite de parlar amb lo monde e d'escotar ço qu'an o que volon, melhor que de se diser qu'òm va melhor comprendre lo monde en legissant un pensaire...
Cal arrestar, parlem tot temps de l'estat françimant que nos escana, ieu vesi mai que mai un pòble d'òc que lucha pas per se faire daissar e per la seuna dignitat, pensi qu'es mai interessant de saber per que en parlant amb els que non pas de demorar dins conceptes ja usitat dempuei d'anadas e que (arresta me se m'engani) foncionan pas...de perpensar benleu

As l'impression que parlam desempuish annadas d'un Estat franchimand qui'ns escana ?
Devem pas víver dens lo medish monde, diu vivant

Sei tanben plan d'acòrd emb Bojarron. Io sei occitan, quo es ma nacionalitat, e sei tanben occitaniste, quo es a dire que me bate per far reconeisser mon occitanitat.

Evidentament, exista dau monde que son l'un o l'autre, sens esser forçadament los dos : daus occitans de nacionalitat (pas de nocion politica dins lo mot de "nacionalitat", per io 'quò se resuma a parlar la lenga e a esser clarament de cultura occitana) e daus occitanistes, monde que son pas de nacionalitat occitana, que parlen pas la lenga, que son pas de 'quela cultura, mas qu'an enveja de se batre a costat daus occitans. 'Quò foncciona tanben dins l'autre sens : io sei occitana, mas sei tanben "bretoniste", sei preste a me batre emb los militants bretons per far reconeisser lur identitat.

Aquò dich, coma l'a dich Bojarron, vese pas perque n'i a que fugissen 'queu terme d'"occitaniste", quo es evident que tot lo monde sus 'queu forum es occitaniste (ai pas dich occitan, quo seriá pas vertat) !

E puei quand "The Big Affreux" (io tanben sabe far daus juecs de mots poirrits sus los noms) nos escriu tot lo temps tot lo mau que pensa daus occitanISTES alara qu'es exactament çò que denoncia, 'quò me fai rire...
Lo probleme ven pas daus OCCITANistes, mas daus individus, daus CONS, e aquò, malurosament, n'i a pertot...
D'alhors, seriá suspres de veire DAUS NOMS, de 'quilhs "occitanISTES" qu'an pas nonmas 'quò de far d'empeschar los autres de botar daus projectes en plaça...

Per contra, tròbe 'quò afrós de jetar la peira a la paura Darboneta, ela explica nonmas qu'ela es benlèu pas occitanista a fons, mas qu'es occitana, que parla, e qu'a enveja de transmetre la lenga aus enfants.
Après, çò que ditz sus lo costat "sectari" dau mitan occitaniste (en ben precisar que quo es nonmas una rumor qu'ausiguet) es forçadament pas bon d'entendre per n'autres, mas se 'quela ideia circula, quo es que i a una rason, e qu'avem un trabalh de comunicacion, sus l'imatja, de far, e quo es segurament pas en agressar lo monde que venen nos raportar 'quelas ideias que 'quò anirá mielhs !

E io, 'quò me fai plaser de veire dau monde optimiste, io qu'aribe pas mai a l'esser, e vese pas en que 'quò seriá un probleme, e quitament, vau benlèu melhor 'quò qu'un pessimisme merdic que consista a dire "non, 'quò sert de ren de far de las chausas en occitan per aqui, tot lo monde s'en fot...".
E coma zo ditz Darboneta, ela es benleu tròp fisanta sus la situacion actuala de l'occitan, mas dau moment que 'quò l'empescha pas de far de las chausas en occitan, ent'es lo probleme ? Quo es pas en purar sus nòstre sòrt qu'anem anar luenh.

I a quauqu'un qu'estó agressat aicí ?

La darbonèta que pensa e que hè ço que vòu, solide, mes pensi qu'èi tanben lo dret de puntar ço qui ei, per jo, contravertat.
Ei pas possible de deishar créder que la lenga nosta ei pas en dangèr uei lo dia.

E pensi tanben, au contra deu ton devís Danís, qu'enter estar hèra optimista, e pensar que tot ei fotut, que i a un entermiei.

Qu'ei tot. Après, estar militant o pas, cadun que gavida la soa vita com vòu.

Bombonarèla a écrit:

Yellow a écrit:Onestament, ièu mi senti pas militant.

De segur, sias un inlassable antimilitant, mas es una causida qu'es estat soscada, e n'as benlèu vergonha mas Fontan l'as legit... (m'en chauti de Fontan es un exemple...)

Be vò l' ai legit (coma va sas au passagi?), e alara? L'ai legit emé curiositat, coma ai legit lei libres sants vò que m agradaria de liegir Mein Kampf, lei gents dién aquò la cultura...

Es pas vertadièrament estat soscat, mi siéu pas convençut tot sol, ai soscat tot cort a ce que voliau e ce que pensavi, e es la conclusien qu'ai facha.

Mai siau pas antimilitant au contrari, respècti lei militants, fau ben de gents per creire en quauquarén e aguèr ansin de rasons de si levar matin...

Era justament aquò mon prepaus Yellow... la cultura... qùòm se pòt fargar... e çò qu'òm se pot pensar tot sol... Enfin me sembla que cal arrestar aquesta discutida que confla tot lo monde...

Yellow a écrit:

Mai siau pas antimilitant au contrari, respècti lei militants, fau ben de gents per creire en quauquarén e aguèr ansin de rasons de si levar matin...

Mas perqué parlas occitan ?

E l'aiga de ton banh, es de bòna temperatura ?

LaurençD a écrit:

Yellow a écrit:

Mai siau pas antimilitant au contrari, respècti lei militants, fau ben de gents per creire en quauquarén e aguèr ansin de rasons de si levar matin...

Mas perqué parlas occitan ?

E l'aiga de ton banh, es de bòna temperatura ?

Per atavisme e per presque bilinguisme.

L'aiga es ben, t'en fagues pas per ièu.

Fin finala, es força ben quora son leis autras qu’explicon meis ideias , es totjorn mai clar (mercé Danis !!!)

Alòr , ai un molon de cavas a dire donc, per estre segura d’estre compresa , vai faire un plan, coma a l’escòla :



1.Militant ?

Coma l’a dich Bojarron, se parlar le lenga es estre militant alòr, óc, siau militanta . Pasmens ai pas l’impression de l’estre . Per ieu, un militant es quauqu’un que luta per una causa. Ai pas l’impression de lutar quora parli( Vai pas explicar encara, l’ai ja fach …)

Per contra, es pas una maganha ( ai apres encara un novèu mot , veses ben Bojarron, qu’aquela discussion es pas inutila !!)d’estre militant e se consideres que parlar es estre militant alòr vòli ben estre considerada coma militanta.



2. Ensenhaire= transmission de la lenga

Aqueu ponch es per Bombonarèla . Coma l’ai ja dich, ai chausi d’estre ensenhaire . Per contra, siáu dins una escóla provencala per aguer un posta a temps plen . Après, es segur que m’agrada força de parlar provencau au trabalh , amé lei pichon. L’a dei pichons que van continuar au coletge , d’autreis que non perque leis agrada pas la lenga . Vai pas prechar per convéncer tot lo monde : es la vida , cada persona a lo drech de chausir.

Per contra , quora l’a un pichon que vóu continuar e que leis parents son contras ( l’ingles es miès , lo provencau si parla pas , l’a pas de mestier en provencau…) vai assajar de lei convéncer mai pas per la defensa de la lenga , per la defensa dau paurei pichon qu’a pas lo drech de chausir !!!!!



3. Occitan = secta

Ai jamai dich que l’occitan era una secta . Ai dich que l’aviáu ausit dire ço qu’es pas francament la mema cava . Non , l’occitan es pas una secta per ieu (non, de mai, la colèga que me l’a dich es pas pron finòcha de me l’aguer dich coma aquo , trobi…..)



4. Transmission de la lenga

Ai chausi de parlar de lenga mairala mai era un eisempi . Consideri que l’a totjorn un biais mai naturau de rescontrar la lenga e qu’aqueu biais es lo melhor : fau estre motivat per apprendre una lenga quora si conoisse ren d’aquela lenga .



5. Leugieretat

Oc, siáu optimista e preni lei cavas amé leugieretat, e alòr ?????????????????

Ai ren contra lei militants quora assajan pas de m’engatjar ….Encara un còp, l’ai ja dich, nen siau pas una ( levat de dire que parlar es estre militant) mai nen fau tanben .



6. Agressivitat ???

Ai pas vogut estre agressiva e se l’ai esta , fau m’excusar . Ai pas l’impression tanben d’aguer estat « cremar en plaça publica »( siáu pas l’eternala victima d’aqueu forum !!), ten fagues pas per ieu Danis. Pensi que Bojarron, Matieu e Bombonarèla an explicar sei ponch de vist , coma ieu l’ai fach . Pas de problemi . E mema , urosament que tot lo monde es pas totjorn d’acordi !!



7. Batèsta esterila e malonèsta

Era pas una batèsta mai una discussion. E per acabar sus un pauc de leugieretat , era pas inutila, ai apres 2 mots novèu !!!!

E nen ai ben besonh……

qu'avevi escrivut quin eri devengut occitan tot naturaument mes aqui ne mesteji pas mei tots los elements. enfin parlar una lenga quin que sia (manca las que; si las parlas qu'es mau tractar) per jo n'ei pas un acta militan au contra la promovèr e l'espandis per jo ei militan n'ei pas per'mor sem occitan-a,que ne podem pas viver dab d'autes au contraira,savem çò que vòu diser diversitat . visca la mesclanha

Es risolier, ieu la trapi de mens en mens esterila aquela discutida...

Cal pas cargar... e arrestar de veire dins nòstres prepaus de causas que i son pas....
Se la discutida consista a faire de rampèls de çò que se diguèt mai naut... marcharà pas... mas òc, o podèm far tanben ...

Degun critiquèt la mesclanha... Degun diguèt que la diversitat èra marrida...
Caldriá pesar lo vòstre vocabulari que francament aprèp nos aver fach passar per de dangieroses militants que fan paur (e que sortisson la nuèit tombada per manjar los enfants pichòts del francimands...) ara sètz a dos pas de nos apariar a d'identitàris*... que parlarian sonque en occitan e als occitans...
Seriosament vos cal dire "de non!" a las vòstras envoladas liricas, que i a un moment o nos anatz ofensar vertadièrament...

*Identitaris: es a legir dins lo sens de personas que serian replegadas unencament sus son identitat. Ges de referencia volguda als JIDOC, jà qu'escriure lo lor sigle me fa mal al cuòl ...

Mas voli plan admetre que vesi benlèu lo mal pertot qu'aquesta discutida sens fin me fa virar lo cap... benlèu...

Pas degun a fach de paralel amb los JIDOC me sembla

Ah non, degun seriá 'nat jusinca 'quò !

Ben non mai que mai que i'a noms que me sembla evitem que daissan una marida tasta dins la boca