Mestier d'ajuda

Adieussiatz,

Boti aquò aici, per de que concernis l'occitan, pas un sol dialecte, soi de cercar una/mantuna personas per m'ajudar sus un projecte: soi de fargar un siti malhum d'efemeridas en occitan e me caldria doas causas: monde que tenon datas de prepausar e ajuda ta condrechar la conjugason (es pas mon fòrt se pòt veser, e lo confessi teni la canha de me fotre tot sol sus lo Sauzet, estudiar tot sol es cagant) la discutida es tanben duberta al nivel del vocabulari (pensi que teni un fùm de paraulas, çaquelà soi dubert de n'en prener encara mai, dins una mira a la Cedric (valent a diser dins totes los dialectes).

Botada en garda preventiva, lo primier que me prepausa de revirar aquò dins cada dialecte pren lo risc sia de se faire mandar cagar manhagament...o non (segon mon umor, partissi del principi que respecti lo monde que se volon demorar sus un sol dialecte, demandi al monde de faire mostra del meteis respecte cap al meu biais de faire).

N.B: teni una autre projecte dins los cartons, de oebzine (O fan-zine) aqueste còp es dubert a totes los dialectes amb pas que coma regla l'intercompreneson (per eisemple, un lemosin que far un article es pregat d'emplegar pegasolet (o a la limita pejasolet) melhor que japisson istòria d'esser lo mai entendesible possible, se vos interessa podi desenvolopar sus aquel subjecte dins un autre "post"...

Aqui esperi volontaris

Adiu, ai pas tot compres sus l'efemerida perqué sei au trabalh (pausa) sens mon dicò

Mas per lo project de oèbzine, sei partant. Quò depend de la linha generala, de l'eime qué. Quela idèia es estada ja quai'ment proposada dins queu post.

Sei partant maitot per far daus esfòrçs dins l'interoperabilitat dintra los dialectes (per rentabilisar mos cors de lengadocian d'occitan larg )

Pel projecte d'efemeridas, es un siti malhum amb datas en rapòrt amb Occitania (Naissença o mort de monde coma Nelly, Delpastre, Bodon; dates importantantas per l'istoria del pais (Chaples de Montsegur e Besiers, Batesta de Mureth...) soi prenaire tan d'ajuda per condrechar las pecas que de prepausicion de datas (coneissi plan l'istoria d'Occitania ligada al meu cant (doncas mai que mai virada cap al catarisme) mas coneissi pas dins lo detalh los eveniments istorics en Provença, Auvernha, Valadas o encara Val d'Aran veire Catalunya (quitament se far pas part d'Occitania pensi que lo dos paises son ligats).

En ço que concernis "Ofan-zine" la tòca seria de faire un oebzine que parla de tot en occitan (la mai brava part dels sites parlan en occitan de publicacions en occitan, de disc occitans) la tòca de Ofan-zine es differenta, la plaça i sera duberta a causas en occitan (encara que pensi que vau evitar los dacòses de lenguistica e los diccionaris per daissar la plaça a la creacion musicala e litteraria) mas la tòca matger seria de parlar de tot en occitan (per prener un eisemple un drin borrinas mas eloquant m'estimi mai d'aver una cronica d'un "James Bond" dessus que non pas una sus un "Ensaj sus la palatanisacion dins la part esquera en sortant dels comuns d'Occitania")

Coma l'ai dit lo concepte es dobert, l'idea es de parlar de tot ço que vos agrada (films, libres, bd, mangas, concerts, CD...), lo dacòs sera pas pagat mas seria dirai pagat en natura (del moment que lo oebzine es sul malhum e vira plan, soi preste (teni la costuma en 15 ans de radio de faire aquò) d'acontactar los adobaires de concerts, cinema...del vòstre canton per negociar un dacòs de la mena "Se vòls un article, lo que me lo fan pel oebzine van pas pagar la dintrada", ço meteis pel mandadis de libres e CD en servici premsa

Aqui a la lesta l'idea, coma l'ai dit lo concepte es dobert a tota suggestion e de tot biais sera pas en plaça còp sec (teni ja una maqueta de siti, mas me cal tornar veser doas o tres causas e d'aquela passa amb las comunalas e las cantonalas soi confle de trabalh, doncas se tot va plan, sera del cant de mai pensi pas abanç

Esperi qu'ai plan respondut a totas las teunas questions

Amistats

Cedric

clafotis a écrit:Sei partant maitot per far daus esfòrçs dins l'interoperabilitat dintra los dialectes (per rentabilisar mos cors de lengadocian d'occitan larg )

Un destalh que teni de precisigar, quora parli de pas tombar dins un dialectalisme estrech, es per de que lo projecte es de faire un dacòs panoccitan, aprep dins mon cap Occitan (miègjan, larg, diga-z-o coma vòl) vol pas diser lengadocian (per te prener un eisemple, en lengadocian brebis= feda, ieu emplegui la paraula que s'emplega en ço meu oèlha, per de que lo trapi mai proche del Biarnes (Olha) del Lemosin (Ovelha) e doncas mai espandit sul territori que non pas feda)

Aprep coma t'ai dit, es dubert a tot, per tornar prener l'eisemple del Lemosin coma te disia m'estimaria mai un pegasolet o un pejasolet qu'un japisson, aprep farai pas tanpauc la guera colha per diser "As emplegat CHarrièra, cal diser Carrièra coma partissi del principi que la mudason de C a CH empacha pas de comprener.

Lo meu sol dòl es una question de compreneson larga, pas l'impausicion d'una lenga inventada (coma certs personas que me coneisson pas e qu'obran sus bruches de corredors podon pensar), ta ieu l'occitan es una lenga, un miègjan de communicar es pas una tòca o l'escasença de jogar a la que ten la mai brava a còp de guerras de campanals

Amistats

Cedric

Ton projecte m'interessariá se ta concepcion de la lenga occitana era un pauc mai agradiva per io...
Ai l'impression que vas cabussar dins un pan-occitan de bon ton coma ton amic Cassinhac, e aquò te dise franchament que zo daissarai pas passar sus lo forum (desjá l'emplec que fas dau verbe "condrechar" me ditz que m'engane pas tròp).

Sei d'acòrd per trabalhar sus ton site calendrier. En me damandar tot parier se la "rechercha" per datas de la Wikipedia es pas desjá competenta dins 'queu domani.
Si que non, lo oebzine, perque pas, mas enquera 'qui, me damande se parlar de l'actualitat literaria, musicala o culturala en generau (emb lo mens de "turala" possible per tu, se vòs... ) fariá pas doble emplec emb çò que disem sus lo forum ?).

E demòra ton probleme de lenga que io m'enmerda franchament...

Danis,

Preni la pena de respondre per de que t'aimi plan, mas ieu es aquela contesta que me far cagar, doncas vau respondre (esperi pel darrièr còp) sus aquel punt.

Oc, ai pas jamai amagat qu'Arve es qualqu'un que coneissi dempuei 8 ans (ai commençat a la radio fasia una emission musicala, e eri ieu lo seu tecnician) aprep vòl pas diser que soi de partetjar totas las seuna causida al nivèl lenguistic (coma l'ai dit preni panoccitan coma i'a mestier de lo prener coma un espleche, i vau de còps que i'a veser se la paraula prepausada m'agrada (coma es lo cas per condrechar) mas preni pas totas las causidas d'Arve e quora lo monde me dison que soi "cassinhaquiste" me far un drin riser que passi mai de temps a me prener la cara amb Arve sus certs de las seuna causida que non pas de picar de las mans, aprep sabi que per rasons politics e professionalas, agrada als occitanISTES d'aver casas per fotre lo monde dadins, basta soi al dessus d'aquelas consideracions.

Per respondre sul dos projectes de siti, soi d'acòrdi amb tu sus wikipedia, çaquelà te dirai que quitament se lo motor de recerca de datas es pron complet, cal plan coneisser l'eveniment qu'òm cerca, ço que prepausi amb lo siti d'efemeridas es un trabalh pre-mastegat, basta a cadun d'anar faire recercas mai sus wikipedia d'eisemple, la tòca es pas de se pausar en concurencia, mas en complementaritat.

Pel Ofan-zine, es un projecte que teni dins los cartons dempuei 5 ans al mens, aqui tanben l'idea es pas de se botar en concurencia sus que que siaguesse (a l'encontrari, te dirai que tan teni leser de publicar articles, tan teni pas leser de geri discutida e reaccions als articles, doncas òm pòt benlèu imaginar de ligar (se aquò vos dit a vos e a tu e a l'Omi ) amb a l'acabament de cada article un ligam de la mena "Se n'en voletz discutir, podetz anar sul forum Occitania"), a mai pensi que lo forum (es pas una critica, es una constatacion) charra mai que mai d'actualitat "Occitana/Occitana", coma te l'ai dit la tòca de Ofan-zine es mai de charrar del Darrier Iron Maiden o de "Transformers" o "James Bond" que non pas del darrier Dalfin o de la darriera publicacion de Vernet.

Per en acabar amb ço que concernis la lenga, pensas que me coneissetz pron per saber que teni pas un vejaire de dictator, coma l'ai dit (benlèu era pas pron clar, doncas lo torni precisigar) la meuna demanda es de faire quicòm de bon entendre d'un cant a l'autre d'Occitania, demandi doncas al monde de faire quicòm lo mai larg possible e de pas s'embarar dins un vocabulari subre-local, aprep soi pas aici per faire lo gendarme, cadun sera libre d'escriure lo seu teste, m'acòrdi pas un pseudo-poder de dictator per diser al monde "Aquò va pas, te cal pas escriure atal", ma tòca es de faire dins lo constructiu per la lenga, pas de perdre de temps dins garolhas de campanal, aprep coma l'ai dit, es pas qu'una prepausicion, libre a cadun de participar....o non

Amistats

Cedric