Accueil
N'ai desjá parlat alhors, vos vau botar l'article de La Setmana consacrat au forum. Enfin, per mitat, mas coma sei un brave tipe, vau laissar la prumiera partida de l'article consacrada au site de nòstre amic Capelon.
Qualques nòvas del Web
I a de nòu sus la telaranha. Un blòg novèl foguèt botat en plaça que se ditz "Ressons d'Òc" per (coma son nom l'indica) far resson de l'actualitat occitana dins mantun domenis. Foguèt creat per Danís Lafòrga e Benjamin de la Capèla, dos ocitans exiliats a Paris. Compren de rubricas que pertòcan la defensa de la lenga, la lenga dins la vida vidanta, la literatura, los medias, la musica e l'actualitat dels paises occitans. I trobaretz d'aquesta passa (jos resèrva de mesas a jorn posterioras) l'arpèl de la Chambra d'Òc per la classificacion de l'occitan al patrimòni mondial de l'umanitat, lo guide per installa una senhalizacion bilingua editat per l'IEO, una presentacion de la cantaira Liza e lo somari de vòstre setmanièr favorit... Al demest d'autras causas. De son costat, lo fòrum "Occitania per ne'n parlar" () festará lèu-lèu son annada de mesa en servici e recampa cent membres (15 de mai dempuei...) dempuèi gaire. Botat en linha lo 17 de febrièr de 2007, èra destinat a la debuta als estudiants d'occitan de la facultat de Bordèu (pas exactament-exactament, m'enfin...). Es administrat e moderat pel Julian Martinez-Bruno ("Bruno" ? Qui quo es 'queu tipe ???) e lo Danís Chapduèlh (aqui, 'quò vai, pas de fautas...). Tot çò pertocant la mesa en fòrma e lo design del site es assegurat pel Rodin Kauffman. A l'ora d'ara lo public d'aquèl forum s'es diversificat (emai sián puslèu los 15-30 ans qu'i venon far un torn), tan coma las opinions qu'i son exprimidas. L'equacion es simpla : se se passan causas en Occitania, se passan causas sul fòrum (aquel m'agrada, las vau tornar emplejar, pense, mai la faudriá espandir au monde entièr !).
Inf. : http://occitania.typepad.fr ("Ressons d'oc")
https://occitania.forumactif.com ("Occitania lo fòrum per ne'n parlar")
