Mesa a jorn per l'aniversari

Rappel du premier message :

Bon, z'avetz remarcat, lo forum a un pauc chanhat per son aniversari. En gròs, veiqui una lista de çò que i a de noveu :

-Quauques chanhaments d'imatjas (la bandiera, las icònas de la barra en naut, las daus subjects...)

-L'instalacion d'una galeria (accès dins la barra en naut) per que chascun puescha botar de las fòtos, vesibles per tot lo monde. Quo es simple de s'en servir.

-La re-instalacion dau portau, emb mens de rubricas, mai d'occitan, l'incorporacion d'una seccion videò (benleu un lector de musica, a segre), una rubrica "Liams".

-La creacion d'un "profil personnalisé", qu'es a dire la possibilitat de far apareisser lo dialecte parlat o lo niveu de lenga (d'autras informacions pòden segre, segon los besonhs o las envejas) en dejos de son nom. Qu'es pas obligatòri de respondre a 'quelas questions, mas 'quò pòt ajudar per se comprener.

-Lo mai gròs afar, la reorganisacion completa daus subjects en segre l'ideia d'una vila, emb una enstructura segon los bastiments que la compausen. L'ideia es de farjar un univers (los dessenhs que van segre en facia de chasque bastiment ajudarán, per lo moment vertat que vesem pas tròp) e de far quauquarren de mai intuitiu e de mai naturau. E i a un pauc mens de rubricas, tanben.

-L'instalacion d'una "Chat-Box", qu'apareis en bas de chasca pagina e que permet aus membres de se parlar en direct, sens dubrir de subject. Benlèu qu'oragnisarem de seradas de "chat" sus lo forum.

-L'instalacion d'un module de "responsa rapida", qu'apareis en bas de la pagina dau subject. Permet de poder respondre mai leu, sens aver besonh de dubrir una pagina. Quo es utile subretot per los pitits messatges.

-Lo chanhament de la barra d'edicion daus messatges. es pas forçadament mai simpla d'utilisar, mas las icònas son polidas, non ?

-La creacion d'una rubrica dedicada a las datas d'eveniments. Es restachada au calendrier, que se vei dins la barra en naut. En gròs, fau picar dessus l'icòne "calendrier", chausir sa data e botar l'eveniment que volem presentar a la bona data. La descripcion qu'es marcada dins lo calendrier apreitrá AUTOMATICAMENT dins la rubrica "Paneu d'Afichatge Public". Pas besonh de lo marcar directament, nimai de lo marcar dos còps.

Veiqui, quo es tot per lo moment, mas a venir dins los jorns que 'riben :

-Creacion d'icònas de messatges, per saber a l'avança de que se va parlar.

-La nominacion dau "Conse d'OCCITANIA !!", chausit dins una lista...d'una persona...per los administrators unicament... Lo candidat s'apela Subèr-Albèrt, es super-erò de son mestier, e será charjat de parlar de las chausas que faschen, e de presidar aus eveniments importants.

-Creacion d'un avatar pre-definit, per que tot lo monde puescha aver sa fòto en dessus de son nom, quo es mai simpatic... e creacion d'una galeria d'avatars, basada sus quauquas fòtos (las qu'avetz dins vòstras galerias personalas, benleu) "occitanas".

-Benlèu la creacion d'un bastiment "Garatge", per tornar utilisar 'quela ideia de co-veituratge, qu'a servit pendent l'estiu e pas mai apres (zo farai nonmas se sem segur de z'utilisar, vòle pas crear una novela rubrica se nos en servem pas).

-Una FAQ (Frequently Asked Question, en frances...) occitanisada e mai completa (per lo moment, es en frances, mai que somari e respon pas a totas las questions...).

-Un sistemi de Newsletter (coma la qu'avetz normalament tots reçaugut per l'aniversari), regularas (periòda a definir, aquò dependrá de la participacion sus lo forum), que tornarán prener los subjects abordats. 'Quò tornará lançar, entau, los membres que venen pas regularament, en los tener informats de çò que se passa aqui.



-Demòra dau trabalh de grafisme a far, de las icònas (una per chasque bastiment, per exemple), de las fòtos. D'alhors, prendrai tot çò que me mandaretz.

Adjudant Danís

La FACULTAT ??? D'extremistes ??? Mas non, i a nonmas daus professors que venen balhar daus cors !
E coma aviás botat daus cors de lengadocian (me sembla ben...), t'ai botat professor, per t'encoratjer, tu e los autres, a contunhar.
Veiqui. E t'assegure que i aurá pas de problemes emb la Genmerdaria, los gendarmes jutgen pas çò que comprenen pas :p. Los professors son los SOLS MODERATORS DE LA FACULTAT !

Adjudant Danís

I pas mai d'esquerrisatas a la facultat? Paure monde, las causas an plan cambiat! Se devia estre professor voldrià pas d'un molonàs de goelhas!!

Veiqui, la mesa a jorn se contunha. L'avetz benlèu remarcat, 'queste
còp ai botat en plaça un sistemi d'"icònas de messatges". En gròs,
quand dintratz dins la fenestra d'escritura de messatge, en crear un noveu subject ('quò foncciona pas per las responsas, è), avetz una novèla barra qu'es apareissuda entre lo titre e la barra d'utis.
Avetz donc la possibilitat de balhar au monde, a l'avança, una ideia de çò que se vai parlar dins vòstre messatge. Entau, trobem :

per çò qu'es important.
s'avetz una question importanta a pausar a quauqu'un (a la GENMERDARIA, per exemple).
se voletz parlar d'una chausa que vos rend content.
se voletz parlar d'una chausa que vos rend urós.
se voletz parlar d'una chausa que vos fai rire.
se voletz parlar d'una chausa que vos agrada pas.
se voletz parlar d'una chausa que vos rend triste (e òc, 'quò pòt 'ribar, tanben...).
se voletz parlar d'una chausa que sabetz pas tròp que n'en pensar.
s'avetz una ideia a formular e enveja de la partatjar.
s'avetz pas grand-chausa a dire d'interessant per çò que tornatz d'una serada ente la biera era a gratis e que vos setz pas privats, banda de pelhas ! (se la bòte, 'quela-qui, quo es que n'i a besonh, mas vòle pas balhar de noms...).
se vos lançatz en kamikaze dins una discutida ente daissaretz de las plumas per çò que se trobará totjorn un colhon per pas esser d'acòrd emb vos sus 'queu subject e que de mai aimará plan vos dire e vos tornar dire que eu a rason, e pas vos (parier, balhe pas de noms, mas n'i a besonh, au mens entau, degun se podrá planher d'aver participat contra sa volontat a una discutida polemica !).
se voletz reivindicar lo fach que vòstre messatge siá sus lo monde occitan e nonmas sus aquò.
se voletz parlar de quauquarren que vos bòta en colera.
se voletz prevenir que quo es l'ora d'anar coijar los dròlles per çò que voletz començar a parlar de chausas pas finas-finas... ('quò s'apela de l'"autòcensura" segon lo CSA, mas, coma per las indicacions dau CSA per la tele, sabem ben que se l'adolescent "calculatriça" vei un pitit -18 en bas de son escranh, vai demorar, per veire...).

Veiqui, a lèu per una novèla noveutat (uuu...'quò se ditz, 'quò-qui ? )

Adjudant Danís